Mai'naya kavane 11:8 - The Keyagana NT and 25 OT books

⁸ Fatago vayaʼmo hanageke yapatiʼmo apakufamo alino katino neʼapategeno ani hanageke yaʼmoʼmo hosu vayaʼaitegamo afole neʼaiye.

Mai'naya kavane 11:8 ပူးပေါင်းရင်းမြစ်များ

Samu 37:39

Ala kava neʼmoʼa fatago vayaʼai apakufamo alino katino neʼapateya kavaʼmo aepa vekamo maiʼniye. Hanageke yaʼmo afole neʼaiya afinaʼmo himamuʼaletiʼmo hapa neʼmae.

Mai'naya kavane 11:7

Hosu vekamoʼmo alagepa kavaʼmo afole aisiyafeʼmo avayagunagu nehisigenoʼaeʼmo falisigeno hano hugiye.

Mai'naya kavane 11:9

Aigofe mono vayaʼmogimo geʼapiletiʼmo hapaopaleʼmo maiʼnaya vayaʼmo aliʼa hosu huʼa neʼapatayaʼmonanafa fatago vayaʼmogi afiʼa aeto nehaya kavaʼapiletiʼmo hosu kavaʼmo aeʼa aga segae.

Mai'naya kavane 12:13

Hosu vayaʼai geʼapimoʼmo aneʼai hegekana huno apatafaugiyaʼmonanafa fatago vayaʼmogi hanageke yaʼmo aeʼa aga segae.

Mai'naya kavane 21:18

Hosu vayaʼmogimo fatago vayaʼaina kana yaʼmo apamisayafeʼmo nehayana apakaiʼapigeʼmo atagineʼa neʼaliye. Ani kava huʼa geʼapimo amagiʼa neʼatalaya vayaʼmogimo fatago vayaʼmo alagepa huʼa maisayafeʼmo apakae apaimuʼyaleʼmo eʼa neʼmaiye.

Neniyo 6:25

Inagi Kini vekamo Naliyasiʼmo ani kava huno avoʼmo kaeʼniyana; Muki kotega vayaʼaifenagi muki nofi vayaʼaifenagi muki alu apake alu apakemo neʼaiya vayaʼaifenagi huʼna hapa paiʼnaeʼmo, Alagepa hutapa maiyo, huʼna lapa nepauve.