Mai'naya kavane 11:7 - The Keyagana NT and 25 OT books

⁷ Hosu vekamoʼmo alagepa kavaʼmo afole aisiyafeʼmo avayagunagu nehisigenoʼaeʼmo falisigeno hano hugiye.

Mai'naya kavane 11:7 ပူးပေါင်းရင်းမြစ်များ

Samu 112:10

Hosu vekamoʼmo ani kavaʼmo agetenoʼaeʼmo ohauʼninageno aipamoʼmo kana hugiye. Koʼmopamo avayafiʼmo hanigeno ani neheya kava huno alagi oʼmaigiye. Hosu vayaʼmogi alagepa kavaʼmo apakaetegamo afole aisiyafeʼmo apavayagunagu nehayaʼmonanafa ani hapauʼniya kavaʼmo alagi hano hugiye.

Samu 146:4

Apakaemo falisaya afinaʼmo halate aiʼa afeleʼa mopamo aliʼa hamalegae. Ani afinaʼmo apakaemo muki hugune, huʼa apakesamo neʼafiya kavaʼmo afaʼa osugae.

Mai'naya kavane 10:28

Fatago vayaʼmogimo afole aisiya kavafeʼmo apavayagunagu nehayanageno afole aigiyaʼmonanafa hosu vayaʼmogi afole aisiya kavafeʼmo apavayagunagu nehaya kavaʼmo hano hugiye.

Mai'naya kavane 10:29

Fatago vayaʼmogimo Ala kava neʼmo kateʼmo neʼvageno alino lokiya vaino neʼapateyaʼmonanafa hosu kavaʼmo nehaya vayaʼmo alino apagoʼya lagauno apatalegaiye.

Mai'naya kavane 11:8

Fatago vayaʼmo hanageke yapatiʼmo apakufamo alino katino neʼapategeno ani hanageke yaʼmoʼmo hosu vayaʼaitegamo afole neʼaiye.

Mai'naya kavane 14:32

Hosu vayaʼmogimo alagi hosu kavaʼapifiʼmo maiʼnagenoʼaeʼmo alino hapa faino neʼapataleyaʼmonanafa fatago vayaʼmo faliteʼapaeʼmo afole aisiya kavafeʼmo apavayagunagu huʼa neʼmaiye.