Mai'naya kavane 11:30 - The Keyagana NT and 25 OT books

³⁰ Fatago vayaʼai kavaʼapimoʼmo afaʼa maisaya yaʼmo neʼapamiya yosagana huno haneʼniye. Goti geʼaletiʼmo Goti mafaʼnemo alino hamaleno neʼapateya vekamo afiteno ageʼniya vekamo maiʼniye.

Mai'naya kavane 11:30 ပူးပေါင်းရင်းမြစ်များ

Samu 92:14

Apakaemo kosuna lege anekalo lege huteʼa maiʼneʼapaeʼmo alagamo aeʼnaya kava huʼa alagamo neʼae. Apakaemo muki afinaʼae afinaʼaeʼmo lokiyaʼapimo haneʼnigeno haitaʼamoʼmo hegafa talili huno haneme hamene neʼviye.

Mai'naya kavane 12:12

Hosu vayaʼmogimo apakeʼnayana mago vayaʼmogimo hosu kava huteʼa asole yaʼmo aliʼnageʼa apaketeʼapaeʼmo hapaʼye nehayaʼmonanafa fatago vayaʼmo hapafuʼyamo aiʼnigeʼa asole alagamo neʼae.

Mai'naya kavane 14:25

Lama ge vekamoʼmo faigoko gemo afiteno hapa nepaiya geletiʼmo vayaʼmo apakufamo alino katino apategaiyaʼmonanafa aigofe vekamoʼmo faigoko gemo afiteno hapa nepaiya gemo aigofe gemo nehiye.

Mai'naya kavane 15:4

Kaitaʼmo ohauʼniya avayafatiʼmo nehiya gemoʼmo afaʼa neʼmaiya yaʼmo neʼapamiya yosagana huno haneʼniyaʼmonanafa kayagi kayaga gemo nehiya vekamoʼmo alino hosu huno neʼapate.

Mai'naya kavane 3:18

Ani a kanomo vayaʼmogi atafauʼa anu nekiya vayaʼmo alagepa huʼa afaʼa maisaya yaʼmo alino neʼapamiya yosagana huno maiʼniye. Atafauteʼapaeʼmo noʼatalaya vayaʼmogimo apamogaga neʼaiye.

Neniyo 12:3

Kokuʼnaʼmoʼa aeno ha neleya kava huʼa afiteʼa ageʼnaya vayaʼmogimo aeʼa ha legae. Kanefiʼmoʼa aeno ha neleya kava huʼa fatago kavaʼmo hisayafeʼmo vayaʼai apaipamo aliʼa afe leʼa neʼapataya vayaʼmogimo muki afinaʼaeʼmo aeʼa ha lege lege huʼa maigae.

Matiyu 4:19

Yesuʼa hunoʼaeʼmo, Noyamemo neʼaliʼa kava hutana vayaʼmo apavalelitana nagaetegamo esaʼafeʼmo aliʼna lanaya malegauvanagi etana nakame hiʼao, huno hana paiʼniye.

Yoni 4:36

Hoyafatiʼmo neʼyaʼmo neʼaliya vayaʼmogimo miyaʼapimo alige maige maige huʼa maisayafeʼmo neʼyaʼmo alige nehae. Neʼyaʼmo neʼaliyaʼmofeʼmo avina yaʼmo nehakalaya vayaʼe neʼyaʼmo neʼaliya vayaʼeʼmo magokepi apamogaga aigae.

1 Tesaloniyani 2:19

Ala kava netimo Yesu Kalaisiʼa eminesiya afinafeʼmo agava maiʼneta lavayagunagu huge lamogaga aige miyatimo alisunafeʼmo lamogaga aige nehuna kavaʼmo aepa vayaʼmo ina lagiye. Lapakaitapigemae.

Yemisi 5:20

Hosu kavaʼmo nehiya vekamoʼmo hosu kavaʼmo osuno alagi atalesiyafeʼmo alino aino atagi neno avalelino eʼniya vekamoʼmo hunoʼaeʼmo, falisiya kavategatiʼmo agupi mafaʼnemo alino katino atesigeno Gotiʼa asole hosu kavaʼamo aeno ati kaeno ategaiye, huno agesamo afigiye.

Leveleseni 2:7

Apakesamo haneʼnisiya vayaʼmogi Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afiyo. Nagaemo kamemo huʼa aeʼa neʼapakasaya vayaʼaifeʼmo, Afaʼa maisaya yaʼmo neʼapamiya yosa alagamo Goti hoyamo agiʼamo Palanaisi hoya folagapiʼmo haneʼniya yosa alagamo etapa afaʼa lagita neyo, huʼna hapa paiguve, huno naha paiʼniye.