Mai'naya kavane 11:22 - The Keyagana NT and 25 OT books

²² Goli linimo afumo agoʼyafiʼmo haneʼniya afumo maiʼniya kava huno alagepa apaulagamo neʼagaya a kanomoʼa alagepa kavaʼmo hisiya agufa agesamo noʼafiya a kanomo maiʼniye.

Mai'naya kavane 11:22 ပူးပေါင်းရင်းမြစ်များ

Aepa Gemae 24:47

Inagi nagaemo loka huʼna ge huʼna afiʼnaeʼmo, Ina la a mafaʼnemo maiʼnane, huʼna afi geʼnogenoʼaeʼmo, Nehoʼe Milikaʼeʼmo aliʼana ateʼnaʼa mafaʼnemo agiʼamo Metuveli a mafaʼnemo maiʼnove, huno naha paiʼnigeʼnaeʼmo goli linimo agoʼyafi aeʼna ateteʼna lole hanalaʼmo ayatalateʼmo vaiʼna ateʼnove.

Mai'naya kavane 11:21

Hosu vayaʼmo magokepi aliʼa anupa huʼa maiʼnisayana kayoʼmo aligayaʼmonanafa fatago nofi vayaʼmo hanageke yapatiʼmo apakufamo alino katino apategaiye.

Mai'naya kavane 12:4

Alagepa a kanomoʼa anauʼamoʼmo alagepa huno ha maesigeʼapaeʼmo ala agiʼamo amigayaʼmonanafa mago vekamo aʼamoʼmo hosu kavaʼmo hisigeno anauʼamoʼmo avagage hisigenoʼaeʼmo ani a kanomoʼa kaita haugegana huno anauʼamoʼmo alino hosu huno neʼate.

Mai'naya kavane 31:30

Mago aʼnemogimo alagepa gemo nehayaʼmonanafa alagepa geʼapiletiʼmo humi neʼapatae. Alagepa apakufamo ina agufa apakufamo haneʼniyaʼmonanafa Ala kava nefeʼmo koli nehisiya a kanomo ala agiʼamo amigae.

Mai'naya kavane 7:10

Uʼnigeno mago a kanomo kumai aʼnemogimo neʼvaiya agufa kukenamo vaiteno ani vekamo agesamo faisiyafeʼmo eʼnigeʼana fotu huʼnaʼae.

Mai'naya kavane 9:13

Negi nagi a kanomoʼa avagage nosigeno alopa age aino ge nehiye. Agesamo ohaneʼnigenoʼaeʼmo ge noʼafiye.

2 Pita 2:22

Ani agufa vayaʼaifeʼmo alagi lama gemo huʼa aeʼa kalafefa gemo huʼapaeʼmo, kalamogimo mu valiʼa ataleʼa uteʼa halate aiʼa atagineʼa eʼa neʼnae. Ani kava huʼa afumo aniʼmo faleʼa ateʼnaya afumoʼmo halate uno hapafiʼmo kasepu neʼaiye, huʼa huʼnae.