Mai'naya kavane 10:9 - The Keyagana NT and 25 OT books

⁹ Fatago vayaʼmo alagepa huʼa maigayaʼmonanafa kayagi kayaga kateʼmo neʼvaya vayaʼmo hosu kavaʼapimo agegae.

Mai'naya kavane 10:9 ပူးပေါင်းရင်းမြစ်များ

Aepa Gemae 17:1

Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

Samu 23:4

He, nagaemo uʼna kagoʼmufilagamo falisuva ulunapiʼmo faleʼna uʼna haiʼna umenitata nehugekaeʼmo nagaeʼeʼmo magokepi lokaeka maiʼnanaʼmofeʼmo muki alu hosu kava alu hosu kavafeʼmo alagi koli osuguve. Kayokaletiʼmo nagufamo alika katika natege aino kalagifa hayopa kayokaletiʼmo yagaika natege nehukaeʼmo naipamo alika falu huka neʼnatane.

Samu 25:21

Nagaemo kagava maiʼnovaʼmofeʼmo naha maegeʼnao lama ge huʼna fatago kavakamo akame huteʼna alagepa kavaʼmo huʼna maiguve.

Samu 84:11

Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Mai'naya kavane 17:20

Humi neʼapataya apaipaʼe vayaʼmogimo alagepa huʼa maisaya kavafeʼmo kahauya hugayaʼmonanafa oʼagegae. Ani kavaʼmo huno aigofe gemo nehiya vekamo hosu kavapiʼmo asagauno aigiye.

Mai'naya kavane 26:26

Hosu aipamo nekaliya kavaʼaleʼmo aigofe geletiʼmo huno aeno ati nekaeyaʼmonanafa aliʼa anupa huʼa neʼmaiya vayaʼai apaulagaleʼmo hosu kavaʼamo afaʼa afole aigiye.

Mai'naya kavane 28:1

Mago vekamoʼmo hosu vayaʼmo apavegala noʼaefa apakaiʼapigeʼmo apaune nehayaʼmonanafa fatago vayaʼmogimo laiyonigana huʼa koli osuʼa neʼmaiye.

Mai'naya kavane 28:18

Gotiʼa vaiʼmo noʼalisiya vekamo agufamo alino katino ategaiyaʼmonanafa himuʼnamu kavaʼmo nehisiya vekamo malage huno asagauno aigiye.

Mai'naya kavane 3:23

Kagaemo visana kateʼmo alagepa huka ugane. Visanagenoʼaeʼmo kaiyafiʼmo okahaegaiye.

Matiyu 10:26

Hugayaʼmofeʼmo ma mopafi vayaʼaifeʼmo koli osiyo. Muki huʼa aeʼa ati nekaya kavaʼapimo alino afole aino apave lisigeʼa agegae. Muki huʼa fala nekiya geʼapimo afole yateʼmo huno afole aino hisigeʼa afigae.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

1 Timoti 5:25

Ani kava huno mago vayaʼai alagepa kavaʼapimo vayaʼai apaulagaleʼmo haneʼniyaʼmonanafa oʼageʼnaya alagepa kavaʼapimo alagi fala kino ohaneno afole aisigeʼa agegae.