Mai'naya kavane 10:6 - The Keyagana NT and 25 OT books

⁶ Gotiʼa fatago vayaʼmo fikumo hapa maeno neʼapamiyaʼmonanafa hosu vayaʼai hosu kavaʼapimoʼa apavayamo aino akani malegaiye.

Mai'naya kavane 10:6 ပူးပေါင်းရင်းမြစ်များ

Esata 7:8

Inagi kini vekamo kumatega hoyafiʼmo maigeno ataleno nopiʼmo eno haineno ageyana Hemaniʼa Esataʼmo havaeʼniya hipaleʼmo agoʼya faino havaeno maiʼnigeno agetenoʼaeʼmo, hae, huno, ani vekamoʼmo nagaiʼni naulagaleʼmo kuvini ategamo hosu kavaʼmo hisiyafeʼmo nehifiye, huno hutegeʼapaeʼmo uʼa Hemani augosafiʼmo lavolavoletiʼmo aiʼa ati kaeʼa ateʼnae.

Samu 107:42

Fatago vayaʼmogimo ani kavaʼmo ageteʼapaeʼmo apamogaga neʼaiyaʼmonanafa hosu vayaʼmo apavayaleʼmo alino akani maleʼnigeʼa ge nosae.

Mai'naya kavane 10:11

Fatago vayaʼai geʼapimoʼmo afaʼa maisaya yaʼmo alino neʼapamiya anikana huno haneʼniyaʼmonanafa hosu vayaʼai hosu kavaʼapimoʼa apavayamo aino akani malegaiye.

Mai'naya kavane 10:5

Neʼyaʼmo neleya afinaʼmo neʼaliya mafaʼnemo afiteno ageʼniya mafaʼnemo maiʼniyaʼmonanafa neʼyaʼmo neʼaliya afinaʼmo au kaleno maiʼniya mafaʼnemo afamo anaga vayaʼamo apavagage hugiye.

Mai'naya kavane 11:26

Vayaʼmogimo kafu afinaʼmo neʼyaʼapimo maketi osisaya vayaʼmo lifana huʼa apategayaʼmonanafa maketi hisaya vayaʼmo aliʼa auleʼa apategae.

Mai'naya kavane 24:25

Hosu vayaʼaifeʼmo, lapakaemo hosu kavaʼmo nehae, huʼa nehisaya vayaʼmo alino auleno apatesigeʼa apamogaga aigae.

Mai'naya kavane 28:20

Geʼamo akame huno alagepa aliʼyaʼmo neʼaliya vekamoʼmo asole aulena yaʼmo aligiyaʼmonanafa malage huno kagemi yaʼamo alisiyafeʼmo hauʼnisiya vekamo kayoʼmo amigiye.

Mai'naya kavane 3:33

Ala kava neʼmoʼa hosu vayaʼmo afamo anagaʼapimo lifana huno neʼapateyaʼmonanafa fatago vayaʼmogi afamo anagaʼapimo alino auleno neʼapate.

Aiyeya 3:10

Alagepa fatago kavaʼmo nehaya vayaʼaifeʼmo, lapakaemo alagepa hutapa maigae, huka hapa paiyo. Alagepa kavaʼapimoʼmo neʼyaʼamo negayaʼmofeʼmae. Negayaʼmonanafa hosu vayaʼmo hanageke yaʼmo aligae. Hosu kavaʼapimo miyaʼamo aligayaʼmofeʼmae.

Omataiya 1:10

Lapakaemo konagatapimo Yekopu nofi vayaʼmogi yaʼmo kumayaʼmo alitetapa kamitimo apamagiʼnayaʼmofeʼmo nagaemo aliʼna hano huʼna lapatalesugeʼa muki afinaʼmo lapakitapileʼmo aliʼa afepiʼmo atege atege huʼa maigae.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.