Mai'naya kavane 10:22 - The Keyagana NT and 25 OT books

²² Ala kava neʼmoʼa alino auleno apateʼniya vayaʼmo kagemi yaʼapiʼe vayaʼmo maigae. Agaemo kana yaʼeʼmo magokepi alino lokaeno noʼapamiye.

Mai'naya kavane 10:22 ပူးပေါင်းရင်းမြစ်များ

Aepa Gemae 12:2

Inagi nagaemo kagaepatiʼmo asole kaginago vayaʼmo aliʼna afole aiʼna apatesugeʼa magoke nofi vayaʼmo maigae. Nagaemo aliʼna auleʼna katesugeka ala kagimo aliteka aulena gemo hapa paisanageʼa aulena vayaʼmo maigae.

Aepa Gemae 14:23

magoke yakamo afaʼa oʼaliguve, huʼna ago ha paiʼnove. Nagaemo kukenamo nefakaniya nofikamofi su nofikamofi huʼna alagi oʼaliguve. Fiku yanageka kagaemo, Emalemiʼa kagemi yaʼaʼe vekamo aliʼna hamaleʼna ateʼnove, huka hugane.

Aepa Gemae 24:35

Ala kava neʼmoʼa ala vekaʼnimo magoʼe huno haʼmaeteno alino auleno ateʼnigeno ala agi vekamo hamaleʼniye. Ala kava neʼmoʼa asole yaʼmo sipisipigi memegi pulumakagi siluva yafanagi goli yafanagi aliʼyaʼamo neʼaliya ve aʼnegi kamolugi nokigi huno amiʼniye.

Aepa Gemae 26:12

Aisakiʼa ani mopaleʼmo avina yaʼmo hakaleʼnigeno Ala kava neʼmoʼa ha maeno alino auleno ateʼnigeno neʼyaʼmo hageteno ani kafugafiʼmo magoʼe huno asole neʼyaʼmo afole aiʼniye.

Aepa Gemae 26:13

Aisakiʼmo aepa faino kagemi yaʼamo afole aime aime uno magoʼe magoʼe huno afole aigeno lusi kagemi yaʼamo haneʼniya vekamo hamaleʼniye.

1 Kini 21:19

Kagaemo agaefeʼmo ina gemo huka ha paiyo. Ala kava neʼmoʼa kagaefeʼmo hunoʼaeʼmo, Kagaemo ani vekamo ago kamitimo amagitekaeʼmo hemenimo nofi hoyaʼaʼeʼmo alisanafeʼmo nehapiye, huno hutenoʼaeʼmo ina gemo huka ha paikaeʼmo, Kala anagaʼmogi Nemoti kolaʼmo sagani sagani huʼa neʼnaya koteʼmo kagae kolaʼeʼmo sagani sagani huʼa negae, huno naha paiʼniye, huka ha paiyo, huno ha paiʼniye.

Samu 107:38

Ala kava neʼmoʼa hapa neʼmaegeʼapaeʼmo asole mafaʼnemo aliʼa neʼapatae. Pulumaka anagaʼmo hapa neʼmaegeʼapaeʼmo magoʼe huʼa aiʼa atagu nefae.

Samu 127:2

Lapakaemo kotilamiyapiʼmo lapaupatiʼmo he titapa aliʼyaʼmo alime alime uta haniʼilagamo notapilegamo eta avaʼyi hutetapaeʼmo lapaipamoʼmo falu osuʼnigetapa afa aliʼyaʼmo aliʼnagenoʼaeʼmo neʼyaʼmo afole noʼaiye. Alagepa yatapimo afole noʼaiyaʼmonanafa hau ayamopafiʼmo hauʼniya vayaʼamo fiku hapa maeno neʼapamigeʼapaeʼmo apau nekalae.

Samu 37:22

Ala kava neʼmoʼa alino auleno neʼapateya vayaʼmogimo ma mopamo alitesagenoʼaeʼmo lifana huno neʼapateya vayaʼmo alagi afela hegae.

Mai'naya kavane 14:24

Afiteʼa ageʼnaya vayaʼmogi kagemi yaʼapimo kini vayaʼmogi kakolitagana huno haneʼniyaʼmonanafa negi vayaʼmogi kavaʼapimoʼmo negi kavaʼageʼmo haneʼniye.

Mai'naya kavane 20:21

Mago vekamoʼmo afoʼamo yaʼmo malage huno aliʼnisiyaʼmoʼmo atupa afinaʼmo Gotiʼa alino auleno oʼategaiye.

Mai'naya kavane 28:22

Malage huno kagemi yaʼamo hanesiya vekamo hamalesiyafeʼmo nehaiya vekamoʼmo ageno haʼye nehiye. Henagaʼamo kafu huguve, huno agesamo noʼafiye.

Mai'naya kavane 8:21

Nagaefeʼmo hapau apayamopafiʼmo nehapaiya vayaʼmogi alopa kagemi yaʼapimo alisayafʼeʼmo ani kavaʼmo nehuve. Aliʼa neʼmalaya noʼapifiʼmo havai tesiyafeʼmae.

Neniyo 1:15

Inagi naya loleʼa afinaʼmo ago hano hutegenoʼaeʼmo apakeyana apakufamoʼmo kanale huteno magoʼe huno lokiya vaiʼnigeno alu neya vayaʼmo kini vekamo haga neʼyaʼamo neʼnaya vayaʼmo ago aeʼa apaka seʼnae.

Yasuva 6:18

Lapakaemo taonifatiʼmo magoke lifana hu maleʼnaya yaʼmo alagi haʼao oʼaliyo. Lapakaemo alisayaʼmoʼmo lifana vayaʼmo hamalege muki Isaleli vayaʼmo lifana gemoʼmo lapakenopaleʼmo asagauno aige hisigetapa alopa hanageke yaʼmo alita apamigae.