Mai'naya kavane 10:21 - The Keyagana NT and 25 OT books

²¹ Fatago vayaʼai geʼapimoʼmo asole vayaʼaina hapa neʼmaeyaʼmonanafa negi vayaʼmo afiteʼa agesaya kavaʼmo noʼaliyaʼmofeʼmo faligae.

Mai'naya kavane 10:21 ပူးပေါင်းရင်းမြစ်များ

Samu 37:30

Fatago vayaʼmogimo ageteʼa afiʼnaya gemo huge gemo alagepa huʼa aliʼa fako huʼa afiteʼa ge huge nehae.

Mai'naya kavane 1:29

Gemo afisayafeʼmo alagi ohapauʼniyaʼmofeʼmae. Ala kava nefeʼmo koli huteʼa akame hisayafeʼmo ohapauʼniyaʼmofeʼmae.

Mai'naya kavane 1:31

Ani kavaʼmo huʼnayaʼmofeʼmo hosu kavaʼapilefeʼmo miyaʼapimo aligae. Vae, huʼna, Huʼnaya kavaʼmoʼa hosu yosa alagamo aesigeʼa lagiʼa negae.

Mai'naya kavane 1:32

Gemo noʼafiya vayaʼmogimo nagaemo apakameʼyamo namiʼnayanageno ani kavaʼapimoʼmo hapaesigeʼa faligae. Negi vayaʼmogi huʼapaeʼmo, alagepa huta maiʼnone, huʼa nehaya geʼapimoʼmo apakaiʼapimo alino hano huno apatalegaiye.

Mai'naya kavane 10:11

Fatago vayaʼai geʼapimoʼmo afaʼa maisaya yaʼmo alino neʼapamiya anikana huno haneʼniyaʼmonanafa hosu vayaʼai hosu kavaʼapimoʼa apavayamo aino akani malegaiye.

Mai'naya kavane 12:18

Naipemoʼmo vayaʼai apaipafiʼmo neʼaeya kava huʼa mago vayaʼmogi lokiya gefatiʼmo huʼnagenoʼaeʼmo apakafu nekiya gemo nehayaʼmonanafa afiteʼa ageʼnaya vayaʼmogimo geʼapiletiʼmo vayaʼmo hapa maeʼa aliʼa alagepa huʼa neʼapatae.

Mai'naya kavane 15:4

Kaitaʼmo ohauʼniya avayafatiʼmo nehiya gemoʼmo afaʼa neʼmaiya yaʼmo neʼapamiya yosagana huno haneʼniyaʼmonanafa kayagi kayaga gemo nehiya vekamoʼmo alino hosu huno neʼapate.

Mai'naya kavane 15:7

Afiteʼa ageʼnaya vayaʼmogimo afiʼa aeto hisaya agufa gemo hapa nepaiyaʼmonanafa negi vayaʼmogimo ani agufa gemo nosae.

Mai'naya kavane 17:16

Negi vekamoʼmo afiteno agesiya kavaʼmo alisiyafeʼmo ohauʼniyaʼmofeʼmo na kava higenoʼaeʼmo miyaʼamo aliʼniye.

Mai'naya kavane 5:12

Lapakaemo ina ge hutapa hugae. Nagaemo negi nagi huʼnove. Aliʼa naya malesaya kavafeʼmo alagi oʼnahauʼniye. Hosu kavaʼmo nehane, huʼa naha paiʼnageʼnaeʼmo ina agufa gemo huʼnae, huʼna huʼnove.

Mai'naya kavane 5:2

Ani kavatetiʼmo alagepa kagesa afi yaʼmo afole aigiye, Muki hisana gekamoʼmo alagepa huno afiʼniya vekamoʼmo nehiya kegana huno afole aigiye.

Mai'naya kavane 5:23

Hauʼniya kavateʼmo yagaino noʼateyaʼmofeʼmo faligiye. Lusi kava huno negi nagi kavaʼmo nehiyaʼmofeʼmo afela hegaiye.

Mai'naya kavane 6:32

Hugiyaʼmonanafa a kanoʼeʼmo kumai kavaʼmo huʼnisiya vekamoʼmo ika ika kavaʼmo huteno negi nagi kavaʼmo hugiye. Agaiʼamo alino hosu huno ategaiye.

Aiyeya 5:13

Nehayaʼmofeʼmo Ala kava neʼmoʼa hunoʼaeʼmo, vayaʼnimogi kavaʼnimo ageʼa aeto osuʼnayaʼmofeʼmo kame vayaʼapimogimo apavaleliʼuʼa alu kotegamo kalavusi huʼa apateʼnae. Ala apaki vayaʼamo lusi kava huno apaka teʼnigeʼa ve aʼnemo anifeʼmo nefaliye.

Matiyu 12:35

Alagepa vekamoʼmo kesiʼafiʼmo alagepa yaʼageʼmo ageno maleʼniya yapatiʼmo alagepa yaʼageʼmo alino afole neʼaiye. Ani kava huno hosu vekamoʼmo kesiʼafiʼmo hosu yaʼageʼmo ageno maleʼniya yapatiʼmo hosu yaʼageʼmo alino afole neʼaiye.

Matiyu 13:19

Mago vayaʼmogi Gotiʼa yagaino neʼapateya kavafeʼmo ava gemo afiteʼapaeʼmo alagepa huʼa noʼafisayana hosu vekamoʼmo eno apaipafiʼmo hakaleʼniya avina yaʼmo hapa faleno alinino neʼviye. Ina kava huno kateʼmo asagauno aiʼniya avina yakana huno haneʼniye.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

1 Pita 5:2

Gotiʼa sipisipi anaga vayaʼamo apavaleno lapayapiʼmo lapamiʼniya vayaʼaleʼmo alagepa huta yagaitapa apateyo. Lapakaemo ani aliʼyaʼmo alisayafeʼmo olapauʼnisigetapa alisayana kanale osugiye. Lapauʼnisigetapaekeʼmo ani aliʼyaʼmo aliyo. Hosu monimo alisayafeʼmo ani aliʼyaʼmo oʼalitapa lapaipamoʼmo hatu nehinagetapa aliʼyaʼmo aliyo.