Mai'naya kavane 1:28 - The Keyagana NT and 25 OT books

²⁸ Ani kavaʼmo hutapa maiʼnetapaeʼmo nagaefeʼmo keya aeta ge hugayaʼmonanafa getapimo oʼafiguve. Lapayamukiki hutapa kahauya hutapa nagesayafeʼmo hugayaʼmonanafa oʼnagegae.

Mai'naya kavane 1:28 ပူးပေါင်းရင်းမြစ်များ

Aepa Gemae 6:3

Inagi Ala kava neʼmoʼa hunoʼaeʼmo, Nauneʼnameʼnimoʼmo apaipamo aliʼa afe lesayafeʼmo ayamufa ge huge hugetesigeʼa oʼafisayana magoʼe huno ayamufa gemo osuno afaʼa apatalegaiye. Atafa apaipamo aliʼnayaʼmofeʼmo nagaemo ma mopafi maisaya afinaʼapimo vani hataleti tuvetiʼa kafugamo apatesugeʼa maigae, huno huʼniye.

Samu 18:41

Apakaemo keya aeʼa ge huʼnayaʼmonanafa hapa maesaya vayaʼmo alagi oʼmaiʼnae. Ala kava neʼefeʼmo keya aeʼa ge huʼnayaʼmonanafa alagi oʼafiʼniye.

Samu 18:42

Nagaemo aeʼna lata paiʼnogeʼa mumusopamo yasimoʼmo alino halelino neʼviya mumusopagana huʼa hamaleʼnae. Kapatiʼmo hapamo aliʼa neʼatalaya kava huʼna aliʼna yaga auʼna apataleʼnove.

Samu 66:18

Nagaemo naipafiʼmo haneʼniya hosu kavaʼnimo aliʼna nao yaʼmo hu maleʼnisuvana Ala kava neʼmoʼa geʼnimo oʼafigiye.

Mai'naya kavane 15:29

Ala kava neʼmoʼa hosu kavaʼmo nehaya vayaʼmogi hapaopaleʼmo oʼmaino afagiʼaleʼmo neʼmaiyaʼmonanafa fatago vayaʼmogimo nunumuʼmo nehaya gemo agetafo huno neʼafiye.

Mai'naya kavane 8:17

Nagaefeʼmo hapau apamopafiʼmo nehapaiya vayaʼaifeʼmo nahau nayamopafiʼmo neʼnahaiye. Apaya mukiki huʼa kahauya nehisaya vayaʼmogi nagegae.

Salomoni Yokemae 5:6

Nahau nayamopafiʼmo nahauʼniya vekaʼnimo kita yakiʼna ateʼnovaʼmonanafa ago utegeʼna nagaemo oʼageʼnove. Nagaemo huʼniya geʼaeʼmo nagesamo neʼafugenoʼaeʼmo nagupi mafaʼnemoʼmo alagi hosuʼniye. Nagaemo agaefeʼmo kahauya huʼnovaʼmonanafa oʼageʼnove. Nagaemo keya aeʼna ge huʼnovaʼmonanafa agaemo geʼnileʼmo aeno atagaina huno ge osuʼniye.

Aiyeya 1:15

Lapayaʼmo alita asaga huliʼnetapaeʼmo nunumuʼmo hisageʼnaeʼmo naulagaleʼmo aiʼna ati kaeteʼnaeʼmo olapakegauve. Vayaʼmogi kolaʼapimo lapayateʼmo haneʼniyaʼmofeʼmo asole nunumuʼmo hisageʼnaeʼmo oʼafiguve.

Maika 3:4

Mago afinaʼmo afole aisigetapaeʼmo lapakaemo Ala kava nefeʼmo keya aegayaʼmonanafa agaemo getapimo oʼafigiye. Lapakaemo hosu kavaʼmo huʼnayaʼmofeʼmo nunumuʼmo hisaya gemo oʼafigiye.

Yemisi 4:3

Gotifeʼmo nunumuʼmo hutapa afi nekayaʼmonanafa noʼaliye. Lapakufamoʼmo hauʼniya kavaʼmo hisayafeʼmo hosu gemo hutapa ge huta afi nekayaʼmofeʼmo noʼaliye.

1 Samiyo 8:18

Muki ani agufa kavaʼmo afole aitesigetapaeʼmo lapakaemo Ala kava nefeʼmo lapa maesiyafeʼmo lekana paitapa ateʼnaya kini vekatapimoʼmo hisiya kavafeʼmo alagi olapauʼninagetapa alopa gefatiʼmo keya aegayaʼmonanafa ani afinaʼmo Ala kava neʼmoʼa getapimo oʼafigiye, huno hapa paiʼniye.