Mai'naya kavane 1:25 - The Keyagana NT and 25 OT books

²⁵ Aliʼna api aiʼna lapateʼnovana olapauʼnigetapa lapavenatuʼna hetapa atalegekana hutapa ataletetapa geʼnimo oʼafiʼnae. Hosu kavaʼmo nehae, huʼna lapa paiʼnogetapaeʼmo lapakameʼyamo namiʼnae.

Mai'naya kavane 1:25 ပူးပေါင်းရင်းမြစ်များ

2 Sitoli 33:10

Ala kava neʼmoʼa Manaseʼe vayaʼaʼeʼmo hapa paiʼniyaʼmonanafa gemo afisayafeʼmo ohapauʼniye.

2 Sitoli 36:16

Hapa paiʼnayaʼmonanafa apa vayaʼaina huʼa apami maleteʼa kigi yokalo geʼmo huʼa apatege Goti geʼaeʼmo ina agufa gee huʼa huge Polofeti vayaʼaifeʼmo huʼa faipa huʼa apatege hume hume neʼagenoʼaeʼmo Ala kava neʼmoʼa vayaʼaeʼmo lusi kava huno aipamo leno neʼapateyanageno hapa maesiya yaʼmo alagi ohanegaiye.

Samu 81:11

Lapamisuvafeʼmo nahauʼniyaʼmonanafa vayaʼnimogitapamo geʼnimo afisayafeʼmo olapauʼniye.

Mai'naya kavane 1:30

Aliʼna api aiʼna lapateʼnogetapaeʼmo olapauʼnigetapa geʼnimo oʼafiʼnae. Hosu kavaʼmo nehae, huʼna lapa paiʼnogetapaeʼmo olapauʼnigetapa lapavenatuʼna hetapa atalegekana hutapa ataletetapa lapakameʼyamo namiʼnae.

Mai'naya kavane 12:1

Aliʼa aya neʼmalaya geʼapieʼmo hauʼniya vekamoʼmo afino aeto hisiya kavafeʼmo hauʼniyaʼmonanafa aliʼa api aiʼa atesaya geʼapieʼmo ohauʼniya vekamo negi vekamo maiʼniye.

Mai'naya kavane 15:10

Mago vekamoʼmo alagepa kaʼmo atalesigenoʼaeʼmo lokiya gefatiʼmo huno alino api aino ategaiye. Mago vekamoʼmo alino api aino atesiya geeʼmo ohaisiyaʼmoʼmo faligiye.

Mai'naya kavane 5:12

Lapakaemo ina ge hutapa hugae. Nagaemo negi nagi huʼnove. Aliʼa naya malesaya kavafeʼmo alagi oʼnahauʼniye. Hosu kavaʼmo nehane, huʼa naha paiʼnageʼnaeʼmo ina agufa gemo huʼnae, huʼna huʼnove.

Mai'naya kavane 8:14

Nagaemo geʼniletiʼmo alagepa huʼna aliʼna ho huʼna neʼapatove. Nagaemo afiteʼna ageʼnove. Nagaemo muki geʼamo afiʼnogeno lokiyaʼnimo haneʼniye.

Luki 7:30

Falasi vayaʼe keʼaepa gemo aliʼa apaya neʼmalaya vayaʼmogiʼeʼmo Yoniʼa aniʼmo faleno apatesiyafeʼmo ohapauʼnigeʼapaeʼmo, haʼao, huʼa huʼnayaʼmofeʼmo Gotiʼa hapa maesiya gemo hapa paiyo, huno hapa paiʼniya gemo ago amagiʼa ataleʼnae.

1 Samiyo 8:18

Muki ani agufa kavaʼmo afole aitesigetapaeʼmo lapakaemo Ala kava nefeʼmo lapa maesiyafeʼmo lekana paitapa ateʼnaya kini vekatapimoʼmo hisiya kavafeʼmo alagi olapauʼninagetapa alopa gefatiʼmo keya aegayaʼmonanafa ani afinaʼmo Ala kava neʼmoʼa getapimo oʼafigiye, huno hapa paiʼniye.