Mai'naya kavane 1:24 - The Keyagana NT and 25 OT books

²⁴ Keya aeʼna ge huʼnovana oʼafiʼnae. Nagesayafeʼmo nayaʼmo ataleʼnovana aulu hetapa oʼnageʼnae.

Mai'naya kavane 1:24 ပူးပေါင်းရင်းမြစ်များ

2 Sitoli 33:10

Ala kava neʼmoʼa Manaseʼe vayaʼaʼeʼmo hapa paiʼniyaʼmonanafa gemo afisayafeʼmo ohapauʼniye.

2 Sitoli 36:16

Hapa paiʼnayaʼmonanafa apa vayaʼaina huʼa apami maleteʼa kigi yokalo geʼmo huʼa apatege Goti geʼaeʼmo ina agufa gee huʼa huge Polofeti vayaʼaifeʼmo huʼa faipa huʼa apatege hume hume neʼagenoʼaeʼmo Ala kava neʼmoʼa vayaʼaeʼmo lusi kava huno aipamo leno neʼapateyanageno hapa maesiya yaʼmo alagi ohanegaiye.

Samu 31:20

Vayaʼmogimo apakaetegamo hosu kavaʼmo hisayafeʼmo vege nehayaʼmonanafa oʼageʼnaya kahaopalegamo alika fala kika apategane. Hosu gemoʼmo alino afepiʼmo oʼapatesiyafeʼmo alagepa huka yagaika apategane.

Mai'naya kavane 29:1

Gotiʼa asole afinaʼmo mago vekaeʼmo hosu kavaʼmo nehane, huno hisiya gemo noʼafisigenoʼaeʼmo malage huno alino agoʼya laga uno atalesigeno ha maesiya vekamo alagi oʼmaigiye.

Aiyeya 50:2

Nagaemo lapakaemo lapa maesuvafeʼmo lapakaetegamo uʼnovana na kava higetapaeʼmo ge afitapa oʼnavaleʼnae. Nagaemo lapakaefeʼmo keya aeʼna ge huʼnovana na kava higetapaeʼmo geʼnileʼmo aetapa atagaina hutapa ge osuʼnae. Lokiyaʼnimo ohaneʼniyaʼmofeʼmo afaʼa miya faiʼna hatu maeʼna olapategaufiye. Hosu yategatiʼmo lapavaleliʼna visuva himamuʼnimo ohaneʼnifiye. Nagaemo ge nehugenoʼaeʼmo solovala aniʼmo alagi nelane. Nagaemo ge nehugenoʼaeʼmo alopa aniʼmoʼa kahaepa koʼmo alino hamaleʼnigeno noyame anagaʼmo faliʼnagenoʼaeʼmo atu neʼaiye.

Aiyeya 65:12

nagaemo naipeletiʼmo kamitimo lapaisayafeʼmo lekana paiʼna lapategauve. Keya aeʼna ge huʼnovana geʼnileʼmo aeta atagaina huta ge osuʼnayaʼmofeʼmo lapakaemo mopafiʼmo ape huta maiʼnisageʼa kame vayatapimogimo lugotapimo hatagaugae. Nagaemo huʼnova gemo oʼafitapa amagita ataleʼnae. Lapakaemo nagae naulagaleʼmo namogaga oʼaiʼnova agufa hosu kavaʼmo huʼnae.

Aiyeya 65:2

Nagaemo muki neteʼaʼe uneʼaʼeʼmo geʼnimo oʼafiʼa himuʼnamu kavaʼmo nehaya vayaʼmo apavalesuvafeʼmo nayatalaʼmo aliʼna ataleʼna apakava maiʼnove. Apakaemo apakaiʼapimo apakesamo neʼafiya kavaʼmo kanale osu kavaʼmo nehae.

Aiyeya 66:4

Nagaemo alisaya agufa kana yaʼapimo lekana paiʼna apamiguve. Apakesamo afiteʼa koli nehaya agufa kavaʼmo apakaeteʼmo aliʼna afole aiʼna ategauve. Nagaemo apakaefeʼmo keya aeʼna ge huʼnogeʼapaeʼmo geʼnileʼmo aeʼa atagaina huʼa ge osuʼnayaʼmofeʼmae. Nagaemo apakaefeʼmo geʼnimo aeʼna hakalo huʼnovaʼmonanafa alagi oʼafiʼa naulagaleʼmo hosu kavaʼmo huʼnae. Apakaemo alagi oʼnahauʼniya kavakeʼmo lekana paiteʼa huʼnae.

Apa 4:30

Himamukamo alika apave liteka kaita hapauʼniya vayaʼmo alika hapageka apato. Alagepa kavaʼageʼmo huʼniya vekamo aliʼyakamo neʼaliya vekamo Yesu agiʼaletiʼmo noʼagaya agufa lokiya aune kavaʼmo hisunafeʼmo alagepa huka laha mao, huʼa nunumuʼmo huʼnae.

Lomu 10:21

Huʼniyaʼmonanafa Gotiʼa Isaleli vayaʼaifeʼmo hunoʼaeʼmo, Nagae gemo oʼafiʼa himuʼnamu kavaʼmo nehaya vayaʼaiteʼmo yatala afinaʼmo he tiʼna maiʼneʼnaeʼmo eyo, huʼna huteʼna nahakumo aliʼna ataleʼna maiʼnove, huno hapa paiʼniye.

1 Samiyo 28:6

Soloʼmo Ala kava nefeʼmo ge huno afi geʼniyaʼmonanafa Ala kava neʼmoʼa ha opaiʼniye. Agaemo mago alagamuna oʼamige hisaya kavaʼmo neʼagaya yafatetiʼmo Soloʼmo alino ave olige polofeti geʼapiletiʼmo ha opaige huʼniye.