Mai'naya kavane 1:18 - The Keyagana NT and 25 OT books

¹⁸ Nama anagaʼmo eʼa ohaigayaʼmonanafa ani vayaʼmogi uʼa umenimo aliʼa avayaka hu maleʼnayanageno apakaiʼapimo apatafaugiye. Maleʼnaya umenimoʼmo apatafausigeʼa faligae.

Mai'naya kavane 1:18 ပူးပေါင်းရင်းမြစ်များ

Esata 7:10

Inagi Hemaniʼa Motekaiʼmo faligiye, huno alo huno ateʼniya yatala posi yosaleʼmo aneʼmu aeʼa asaiʼnae. Ani kavaʼmo huʼnagenoʼaeʼmo kini vekamoʼmo aipamo leʼniya kavaʼamo hano huʼniye.

Samu 55:23

O Gotiyo, huʼna, Kagaemo alika apatalesanageʼa faligae. Kame nehaya vayaʼe aigofe gemo nehaya vayaʼeʼmo aupa afinaʼmo maiteʼa faligae. Faligayaʼmonanafa nagaemo aliʼna amufa kamiguve.

Samu 9:16

Ala kava neʼmoʼa anonaʼapilefeʼmo apamiʼniya kavatetiʼmo alagepa kavaʼamo alino apave liʼniye. Hosu vayaʼmogi hosu kavaʼapilefeʼmo apakaiʼapigeʼmo hapaeʼnae.

Mai'naya kavane 1:11

Apakaemo huʼapaeʼmo, Lagaeʼeʼmo egetao. Lagaemo mago vayaʼmo apamagisunafeʼmo uta ka agiʼnaleʼmo fala kita maiʼneta apamagigune. Mago hosu kavaʼapimo ohaneʼnegaiyaʼmonanafa afaʼa lahauʼniya kavaʼmo akame huta kamitimo apamagigune.

Mai'naya kavane 1:17

Mago vekamoʼmo umenimo maleʼnisigeʼa nama anagaʼmogimo agesayaʼmoʼmo eʼa ohaigae.

Mai'naya kavane 11:19

Muki vayaʼmogi fatago kavaʼmo akame nehisayana afaʼa maisaya yaʼmo aligayaʼmonanafa hosu kavaʼmo hisayafeʼmo vegala neʼaya vayaʼmo faligae.

Mai'naya kavane 11:5

Vaiʼmo oʼaliʼnisaya vayaʼai fatago kavaʼapimoʼa visaya kaʼmo alino api aino apategaiyaʼmonanafa hosu vayaʼmogimo hosu kavaʼapiletiʼmo asagauʼa aigae.

Mai'naya kavane 28:17

Mago vekamoʼmo alu vekamo kamitimo amagisiya vekamo aune hetaleno uno ive kelifiʼmo uno lamigiye. Fiku yanageno mago vekamoʼmo ha maegaiye.

Lomu 2:5

Kaipamo alika afe oleʼnanaʼmonanafa kaipamoʼmo lokiya vaiʼnigeka afaʼa maiʼnekaeʼmo Gotiʼa aipamo leno nekateya kayoʼmo alo huka maleme maleme neʼanagenoʼaeʼmo ko nesiye. Gotiʼa aipamo leno neʼapateyanageno vayaʼai apaulagaleʼmo alino alagepa huno agoti huno apatesiya afinaʼmo mani kayoʼmo kamigiye.