Mai'naya kavane 1:10 - The Keyagana NT and 25 OT books

¹⁰ Mafaʼneʼnimogae, huʼna, hosu vayaʼmogi hosu kavaʼmo hisanafeʼmo kagesamo faiteʼa kayateʼmo alisayafeʼmo nehisagekaeʼmo geʼapimo afiteka akame osuvo.

Mai'naya kavane 1:10 ပူးပေါင်းရင်းမြစ်များ

Aepa Gemae 37:20

Egetao. Hemenimo kamitimo amagiteta agufaʼamo alita mago kelifiʼmo yaga auta atalegaune. Ataletetaeʼmo henagaʼamo lagaemo hutaeʼmo, Mago afela pusimoʼmo haeʼnisifi, huta hugune. Alagamunaʼamoʼmo haiya agufa kavaʼmo afole aisifigeta agegaune, huʼa huʼnae.

Samu 1:1

Gotifeʼmo mono nosaya vayaʼmogimo apakesamo afiʼapaeʼmo, ina kateʼmo viyo, huʼa nehaya kateʼmo umenitata osuge hosu kavaʼmo nehaya vayaʼmo neʼvaya kateʼmo uʼa he tiʼa oʼmaige mono katefeʼmo, afa kane, huʼa huteʼa huʼa faipa huʼa neʼataya vayaʼeʼmo magokepi lokaeʼa itopaleʼmo fai oʼmaige nehaya vayaʼmogimo Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 50:18

Lapakaemo kumaya neʼaliya vayaʼmo apaketetapaeʼmo magoke lapaipa lapakesamo aliʼnae. Kumai kavaʼmo nehaya vayaʼai apafaluʼapimogitapamo maiʼnae.

Mai'naya kavane 13:20

Afiteʼa ageʼnaya vayaʼeʼmo magokepi lokaeno umenitata nehiya vekamoʼmo afiteno agegaiyaʼmonanafa negi vayaʼeʼmo magokepi lokaeno neʼmaiya vekamo alagepa huno oʼmaigiyaʼmofeʼmo alino agoʼya lagauno atalegaiye.

Mai'naya kavane 16:29

Kaveta nehiya vekamoʼmo noʼamo haopale vekamo ge huno avalelino hosu kateʼmo neʼviye.

Mai'naya kavane 20:19

Gemo failitata huno hapa nepaiya vekamoʼmo fala kiʼa nehaya gemo huno afole aino hapa nepaiyaʼmofeʼmo muki geʼamo ha paisanafeʼmo huʼniyanagi agaeʼeʼmo afalu afalugana hutana magokepi lokaetana oʼmaiʼao.

Mai'naya kavane 24:2

Apaipafiʼmo vayaʼmo aliʼa hosu huʼa apatesaya kavafeʼmo apakesamo afige hanageke kavaʼmo aliʼa afole aiʼa atesayafeʼmo ge huge huʼa neʼmaiye.

Aiyeya 33:15

Haiya vayaʼmogi anaga avefiʼmo lokiya yafapiʼmo alagepa huʼa maigae. Vaiʼmo oʼaliʼa fatago kavaʼmo huge fatago gemo huge hosu kavatetiʼmo afole neʼaiya monimo alisayafeʼmo ohapauge kutulu monieʼmo alagi ohapauge vayaʼmo apamagisaya gemo oʼafige hosu kavaʼmo oʼagesayafeʼmo apaulagamo ali huge hunigeʼa neʼmaiya vayane.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

Efasasi 5:11

Hanipiʼmo nehaya kavaʼmoʼa alagamo noʼaeyanagi hosu kavaʼmo nehaya vayaʼeʼmo afalu afalugana agufa kavaʼmo osutapa hosu kavaʼapimo ha le yategamo alita afole aitapa ateyo.