Maika 7:7 - The Keyagana NT and 25 OT books

⁷ Hugayaʼmofeʼmo nagaemo Ala kava neʼmoʼa naha maesiyafeʼmo aulu heʼna agegauve. Nagufamo alino katino neʼnateya Gotiʼa naha maesiyafeʼmo agava maiguve. Nagaemo Gotiʼnimofeʼmo keya aeʼna ge hisugeno afigiye.

Maika 7:7 ပူးပေါင်းရင်းမြစ်များ

Aepa Gemae 49:18

O Ala kava nene, huʼna, nagaemo nagufamo alika katika natesanafeʼmo kagava maiʼnove.

Samu 130:5

Nagupi mafaʼnemoʼmo Ala kava neʼmoʼa naha maesiyafeʼmo agava maiʼniye. Geʼaeʼmo nagesamo afiteʼna agava maiʼneʼnaeʼmo navayagunagu nehuve.

Samu 25:5

Nagufamo alika katika neʼnatana Gotigamo maiʼnanaʼmofeʼmo lama gekamo akame hisuvafeʼmo alika naya malo. Muki afinaʼaeʼmo kagava neʼmauve.

Samu 37:7

Ala kava neʼmo aulagaleʼmo afaʼa maiʼnetapaeʼmo agava huta maige maige hutapa maiyo. Hosu kavaʼmo huteʼa alagepa huʼa neʼmaiya kavafeʼmo lapakesa alaʼamo afitetapa lapausoli osiyo.

Samu 38:15

Ala kava nene, huʼna, kagava neʼmauve. Ala kava neʼnimo Gotiʼnimogae, huʼna, geʼnimo afiteka naha maegane.

Samu 50:15

Hanageke yaʼmo alisaya afinaʼmo nagaefekeʼmo ge higeʼnao alagepa huʼna lapa maesugetapa ala nagiʼnimo namigae.

Samu 65:2

Kagaemo nunumu gemo neʼafinaʼmofeʼmo muki vayaʼmo kagaetegamo ugae.

Samu 85:5

Muki afinaʼmo kaipamo leka latesapiye. Hemenimo maiʼnaya vayaʼaifenagi henagaʼamo afole aisaya vayaʼaifenagi huka kaipamo leka apateka hano osuka kaipamo leka apateme apateme ugapiye.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Aiyeya 25:9

Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Neniyo 3:17

Kagaemo huʼnana agufa kavaʼmo lagaetegamo hisanaʼmoʼmo aliʼyaʼamo neʼaluna Gotitimoʼa alopa sitopufiʼmo neleya atafatiʼmo lagufamo afaʼa alino katino lategaiye. O kini vekae, huta, kayapatiʼmo lagufamo afaʼa alino katino lategaiye.

Hamakaki 2:1

Hamakaʼmo hunoʼaeʼmo, Ati vekamoʼmo yafa lafi kegiʼyaleʼmo uno haino maiʼneno kava yagaino neʼmaiya kava huʼna Ala kava neʼmoʼa gemo naha paisiyaʼaeʼmo agava maiguve. Agaemo nagaefeʼmo hosu gemo huʼnane, huno hisigeʼnaeʼmo geʼaleʼmo aeʼna atagaina huʼna ha paisuvafeʼmo, agava maiʼnove, huʼna nagesamo afiʼnove.

Hamakaki 2:3

Alagamuna agegekana huka agesana kavaʼmo Gotiʼa lekana pai maleʼniya afinaʼmo mago vekamo afole aigiye. Afole aitenoʼaeʼmo atupa afinaʼmo afole aisiya kavafeʼmo lama geeʼmo ava gemo hugiye. Aigofe gemo osugiye. Malage huno afole oʼaisigekaeʼmo agava mainegenoʼao ge afino oʼmaigifa malage huno afole aigiye.