Maika 7:6 - The Keyagana NT and 25 OT books

⁶ Ani afinaʼmo ve mafaʼnemogimo afoʼapimogi apakiʼapileʼmo aliʼa afepiʼmo apatesageʼa a mafaʼnemogimo itaʼapimogiʼeʼmo kaveta hisageʼa apanofeloʼapimogimo aʼne apanofeloʼapimogifeʼmo kame huʼa apategae. Vayaʼmogimo apakaiʼapi afamo anagaʼapiʼeʼmo kame huʼa apatesageʼa kame huʼa apatesageʼa huʼa maigae.

Maika 7:6 ပူးပေါင်းရင်းမြစ်များ

Aepa Gemae 49:4

Kagaemo afokamo aʼeʼmo magokepi lokaeka havaeʼnanaʼmofeʼmo aeka apaka osegane. Anikana huka maiʼnananageka magoke kavaʼmo hisanafeʼmo lokiyakamo ohaneʼniyaʼmofeʼmo aeka apaka osegane. Hipaʼnileʼmo havaeteka alika hosu huka ateʼnanaʼmofeʼmae.

Samu 41:9

Mago nao vekaeʼmo aliʼna amufa amiʼnova vekamoʼeʼmo kame vekaʼnimo hamaleʼniye. Magokepiʼmo lokaeno neʼyaʼmo neʼnoʼaʼmonanafa aigofe nao vekamo hamaleʼniye.

Mai'naya kavane 30:11

Mago aunale vayaʼmogimo afoʼapimogimo lifana huʼa apatege itaʼapimogimo aliʼa auleʼa oʼapatege nehae.

Mai'naya kavane 30:17

Mago vekamoʼmo afoʼamofeʼmo huno faipa huno atege kigi yokalo gemo huge itaʼamo geʼamo akame hisiya kavafeʼmo akameʼyamo amige nehisiyaʼmoʼmo falisigeʼapaeʼmo hakikimogimo aulagamo haniʼa katiʼa negae.

Omataiya 1:7

Lapa maeʼnaya vayaʼmogimo kamemo lahapaeteʼa mopatapiletiʼmo lapafaiʼa lapatalegae. Lapakaeʼeʼmo alagepa huʼa magokepiʼmo lokaeʼa maiʼnaya vayaʼmogimo humi lapateteʼa lapakaeʼeʼmo kamemo huʼa aeʼa lapakasegae. Lapakaeʼeʼmo magokepiʼmo neʼyaʼmo neʼnaya lapao vayaʼmogimo lapatafausiyafeʼmo umenimo malegae. Hugayaʼmonanafa lapakaemo muki ani afole aisiya kavaʼmo oʼageʼnae.

Matiyu 10:21

Vayaʼmogimo konagaʼapimo apamagisayafeʼmo apavaleʼa alu vayaʼai apayapiʼmo apamigae. Ani kava huʼa afoʼapimogimo mafaʼneʼapimo apavaleʼa apamigae. Ani kava huʼa mafaʼneʼapimogimo itaʼapi afoʼapimogimo apavaleli uʼa apamigae.

Matiyu 26:23

Yesuʼa hunoʼaeʼmo, nagaeʼeʼmo magokepi peleti mayamo aliteno yuvapafi anipiʼmo aeteno neʼniya vekamoʼmo kutulu yaʼmo aliʼniye.

Luki 12:53

Aliʼa fako huteʼapaeʼmo afoʼamoʼmo mafaʼneʼalegamo kame huno atege mafaʼneʼamoʼmo afoʼamotegamo kame huno atege itaʼamoʼmo aʼmafaʼneʼalegamo kame huno atege aʼmafaʼneʼamoʼmo itaʼamotegamo kame huno atege mago aʼmoʼa anofeloʼamotegamo kame huno atege anofeloʼamomoa anofelotegamo kame huno atege hugae, huno hapa paiʼniye.

Luki 21:16

Itatapi afotapimogimo lapavaleliʼa uge konagatapimogimo lapavaleliʼa uge vayatapimogimo lapavaleliʼa uge huʼa agoti huʼa lapatesageʼapaeʼmo mago vayaʼamogi lapakaemo lapamagisagetapa faligae.

Yoni 13:18

Nagaemo mani gemo mukiʼamogitapaeʼmo nosuve. Lekana paiʼna lapateʼnova vayaʼmo ago lapakeʼnovaʼmonanafa Goti mukufiʼmo hu maleʼniya gemo afole aisiyafeʼmo lekana paiʼna ateʼnove. Ani gemoʼa hunoʼaeʼmo, nagaeʼeʼmo magokepi lokaeno maiʼneno neʼyaʼmo neʼniya vekamoʼmo kame huno nateʼniye, huno huʼniye.