Maika 7:18 - The Keyagana NT and 25 OT books

¹⁸ Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Maika 7:18 ပူးပေါင်းရင်းမြစ်များ

Aepa Gemae 4:7

Alagepa kavaʼmo hisanageʼnaeʼmo amuse huʼna kateteʼna kavalegauve. Hosu kavaʼmo huʼnisanaʼmoʼmo hosu kavaʼmoʼa katafausiyafeʼmo eno kipateʼmo yagaino maiʼniye. Hosu kavaʼmoʼa yagaino katesiyafeʼmo hauʼniyaʼmofeʼmo kagaemo hosu kavaʼmo aiyafi oʼmaika aeka aga so, huno ha paiʼniye.

Samu 103:13

Afoʼapimogi mafaʼne anagaʼapieʼmo hapau huʼa neʼapataya kava huno Ala kava neʼmoʼa agaefeʼmo koli huteʼa mono nehaya vayaʼaifeʼmo hau huno neʼapate.

Samu 130:4

Magoke vekamo alagi faino kasalo opaeyesinaʼmonanafa kagaefeʼmo koli huteʼa mono hisayafeʼmo hosu kavatimo alika ataleʼnane.

Samu 65:3

Hosu kavaʼmoʼmo aeno neʼnagase. Hosu kavatilefeʼmo kagaemo aeka kalo paeka atalegane.

Samu 65:4

Lekana paika apateʼnana vayaʼmo aulena vayaʼmo maiʼnae. Kagaemo apakaemo kagaetegamo eʼa mono nokafiʼmo maisayafeʼmo apavalelika neʼane. Nokafiʼmo maiʼnetaeʼmo laipamoʼmo alagi kanale hugiye. Lagaemo aote mono nokafiʼmo maisunagekaeʼmo alika auleka lategane.

Samu 89:6

Kokuʼnapiʼmo maiʼnaya vayapatiʼmo ina laʼmo Ala kava nekana huno maiʼniye. Lokiya vayapatiʼmo mago vekamoʼmo Ala kava nekana huno oʼmaiʼniye.

Samu 89:8

O Gotiyo, huʼna, muki vayaʼaiteʼmo yagaika neʼapatana Gotigae, huʼna, Lokiyakaʼe vekamo maiʼnanageno ina laʼmo kagaekana huno maiʼniye. Gekamo alagi akame nehana kavakamoʼmo faino vego huno nekate.

Hatu maeno apate'niya gemae 15:11

O Ala kava nene, huʼna, alu gotigipatiʼmo ina laʼmo kagaekana huno maiʼniye. Kagaemo kaoteʼmo maiʼnana alagepa kaote kavakalefeʼmo ha le konali vekamo maiʼnane. Kageteʼapaeʼmo hapau aiʼnaya kavakalefeʼmo koli huʼnae. Oʼageʼnaya agufa kaune kavaʼmo nehane. Ani agufa kavaʼmo nehana Gotigamo maiʼnanaʼmofeʼmo ina lagimo kagaekana huʼa maiʼnae.

Hatu maeno apate'niya gemae 34:9

Moseseʼa hunoʼaeʼmo, O Ala kava nene, huʼna, nagaemo kaulagaleʼmo fikumo naha maeka neʼnamina kavakamo ago ageʼnova vekamo maiʼnisuvaʼmoʼmo lagaeʼeʼmo magokepi lokaeka uvo, huʼna ge nehuve. Lagaemo gemo noʼafuna vayaʼmo maiʼnonaʼmonanafa hosu kavatilefeʼmo afaʼa ateyo, huka huteka mafaʼneʼapimogimo afoʼapimogi yaʼmo neʼaliya kava huka lagaemo vayakamo maisunafeʼmo afaʼa lavalo, huno ha paiʼniye.

Aiyeya 1:18

Ala kava neʼmoʼa hunoʼaeʼmo, Lapakaemo nagaetegamo egetao nagaeʼeʼmo ge huge afige huta maigune. Hosu kavatapimoʼmo haesa yakana huno aeno kamaeʼniyaʼmonanafa yave yaveʼage huno hanegaiye, huno hapa paiʼniye.

Aiyeya 33:24

Saiyoni taonifi maiʼnaya vayaʼmogimo huʼapaeʼmo, kaitaʼmo nahauʼniye, huʼa osugae. Ala kava neʼmoʼa taonifiʼmo maiʼnaya vayaʼai hosu kavaʼapimo alino atalegaiye.

Aiyeya 40:18

Lapaulagaleʼmo Gotiʼa ina lakana huno maiʼniye. Gotiʼa ina agufa yakana huno maiʼniye, hutapa afaʼa hisafiye.

Aiyeya 40:25

Aote Gotiʼa hunoʼaeʼmo, Nagaemo ani agufa kavaʼmo nehuvaʼmofeʼmo ina lakana huʼna maiʼnove, hutapa lapakesamo neʼafiye. Nagaeʼe ina laʼeʼmo magoke agufa vekalaʼmo maiʼnoʼae.

Aiyeya 43:25

Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Aiyeya 55:7

Hosu kavaʼmo nehaya vayaʼmogi hosu kavaʼapimo atalege fatago kavaʼmo nosaya vayaʼmogi apakesamo neʼafiya kavaʼapimo atalege huteʼa Gotitimoʼmo Ala kava netegamo aiʼa atagineʼa eyo. Ala kava neʼmoʼa hau huno apateteno alopa kavaʼmo hunoʼaeʼmo, afaʼa ateyo, huno hapa paigiye.

Aiyeya 57:10

Lapakaemo aigofe mono kavaʼmo hisayafeʼmo lapaya mukiki huʼnayaʼmonanafa alagaʼmo olapaeʼniye. Ani aigofe mono kavaʼmoʼa lokiya vaino lapateʼniyaʼmofeʼmo oʼataleʼnae.

Aiyeya 57:16

Nagaemo muki afinaʼmo agoti huʼna apatege naipamo leʼna apatege osuguve. Ani agufa kavaʼmo hume hume uvesinana alo huʼna apateʼnova vayaʼmogi apauneʼapameʼmo aʼaunena aiyesine.

Aiyeya 62:5

Mago neya vekamoʼmo veʼeʼmo ohavaeʼniya aʼmafaʼnemo neʼaliya kava huʼa mafaʼnekamogimo kagaemo aligae. Aʼmo aliʼniya vekamoʼmo saufa aʼaeʼmo amogaga neʼaiya kava huno Gotitapimoʼmo lapakaefeʼmo amogaga aigiye.

Aiyeya 64:9

Ala kava nene, huʼna, kaipamo leka olateka muki afinaʼmo hosu kavatieʼmo kagesamo oʼafika kage kanika atalo. Kahaoke hovanagi lageteka mukiʼamogitaeʼmo, vayaʼnimo maiʼnae, huka kagesamo afiyo.

Aiyeya 65:19

Nagaemo Yulusalemu taonieʼmo namogaga aiteʼna vayaʼnieʼmo namogaga aiguve. Vayaʼmogimo saufa Yulusalemu taonifiʼmo magoʼe huʼa aviʼyaʼmo hisageʼa oʼafige aviʼyaʼmo osuge hugae.

Neniyo 9:9

Lagaemo kaiyafi oʼmaita kataleta uʼnonaʼmonanafa kahau huka lateteka hosu kavatimo alika ataleʼnane.

Yona 4:2

Yonaʼa nunumuʼmo hunoʼaeʼmo, Ala kava nene, huno, Koʼnimo ataleʼna oʼmeʼnova afinaʼmo ani kavaʼmo hugane, huʼna huʼnofiye. He, ani gemo ago huʼnove. Ani kavaʼmo hugane, huʼna nagesamo afiʼnovaʼmofeʼmo ataleʼna naune hetaleʼna Tasisi taonifiʼmo ugefeʼmo huʼnove. Ago afiʼnovana kagaemo fiku hapa maeka apamiteka kahau huka neʼapatana Gotigamo maiʼnane. Kaipamo malage huno nole. Kahau kayamopafiʼmo kahauʼniya kavaʼmo asole kavakamo haneʼniye. Kagaemo vayaʼmo apamagisanafeʼmo okahauʼniyaʼmofeʼmo halate alu kaipa kagesamo afiʼnane.

Maika 2:12

Ala kava neʼmoʼa hapa painoʼaeʼmo, O Yekopu nofi vayaʼmogitapae, huno, mukiʼamo lapavaleliʼneʼna aliʼna anupa huʼna lapategauve. Nagaemo logufaʼa Isaleli vayaʼmo alagi apavaleliʼna egauve. Sipisipi anagaʼmogi eʼa kegiʼyafiʼmo maiʼnaya kava huʼna apavaleʼna aliʼna anupa huʼna apategauve. Asole sipisipi anagaʼmogimo alagepa kahaumo haneʼniya haopalegamo maiʼa kili paegayaʼmofeʼmo alopa agemo aigiye.

Maika 4:7

Nagaemo logufa vayaʼmo apaiyamo hosuʼniya vayaʼmo aliʼna ha maleʼna apategauve. Apaini huʼa neʼapataya vayaʼmo lokiya nofi vayaʼmo magoke gamani vayaʼmo aliʼna ha maleʼna apategauve. Nagaemo ani kava huʼna Ala kava neʼmoʼnamo Saiyoni aveleʼmo maiʼnaya vayaʼaiteʼmo ani afinaʼmo aepa faiʼna yagaiʼna apateme apateme uʼna muki afinaʼaeʼmo yagaiʼna apategauve.

Maika 5:3

Afole aigiyaʼmonanafa Gotiʼa vayaʼamo kame vayaʼapimogi apayapiʼmo apatesigeʼa maime maime neʼvisagenoʼaeʼmo mago a kanomoʼmo mago ve mafaʼnemo alino atesigeʼa ani mafaʼnemo nofi vayaʼamo logufaʼa Isaleli vayaʼmo Isaleli vayaʼaitegamo aiʼa atagineʼa egae.

Maika 7:14

O Ala kava nene, huʼna, Sipisipileʼmo neʼyagaiya vekamoʼmo sipisipileʼmo yagaino neʼapateya kava huka vayakaleʼmo hayopa kayotetiʼmo yagaika apato. Apakaemo Gotiʼa kamiʼniya vayaʼmo yahaofilaga kaʼme avelegamo apaoteʼmo maiʼnae. Kagaemo afaʼa apatalegeʼa uʼa akeyaʼvilagamo maiʼnaya koʼmo alagepa mopamo haneʼniya koʼmo Mesani kotegaʼe Giliyati kotegaʼeʼmo maiyo.

Sefanaiya 3:17

Ala kava neʼmo Gotitapimoʼmo lapakae folagapiʼmo maiʼniya vekamo alopa lokiyaʼaʼe vekamoʼmo lapakufamo alino katino lapategaiye. Ala kava neʼmoʼa amuse huno lapateteno lapakaefeʼmo amogaga aino lapategaiye. Lapakaefeʼmo hau ayamopafiʼmo hauʼnisigenoʼaeʼmo ge osuno hauʼniya kavatefeʼmo maino haga lenoʼageʼmo maigiye. Agaemo lapakaefeʼmo amogaga neʼainoʼaeʼmo yokemo hugiye, huʼa hugae.

Napa 23:21

Agaemo Yekopu vayaʼaitegamo hosu kavaʼmo oʼageʼniye. Agaemo Isaleli vayaʼaitegamo hanageke kavaʼmo oʼageʼniye. Ala kava neʼmo Gotiʼapimoʼmo apakaeʼeʼmo magokepiʼmo lokaeno maiʼniye. Apakaemo alopa gefatiʼmo kini vekaʼapieʼmo ge nehae. Ala kava neʼmo Gotitimoʼa kini vekatimo maiʼniye, huʼa nehae.

Luki 15:32

Kaganakamoʼmo faliʼniya kavategatiʼmo eno afaʼa maisiya kavategamo maiʼniye. Afela heʼniyategatiʼmo eʼnigeʼna ageteʼnaeʼmo halate avaleʼnovaʼmofeʼmo kanale kavanageta laipamoʼmo falu huʼnigeta lamogaga neʼaune, huno ha paiʼniye, huno Yesuʼa hapa paiʼniye.

Luki 24:47

He tino maiʼnisigeʼapaeʼmo Yulusalemu taonifatiʼmo aepa faiteʼa hapa paiʼapaeʼmo, lapaipamo alita afe legenoʼao Gotiʼa Kalaisi agiʼaletiʼmo hosu kavatapimo alino ataleno, huʼa hapa paiteʼapaeʼmo ani agufa gemo huʼa muki nofi vayaʼaifeʼmo aeʼa hakalo huʼa hapa paigae, huʼa avoʼmo kae maleʼnae.

Lomu 11:4

Ani gemo huʼniyaʼmonanafa Gotiʼa geʼaleʼmo aeno atagaina huno ha painoʼaeʼmo, nagaemo seveni tauseniʼa vayaʼaiteʼmo alagepa huʼna yagaiʼna apateʼnogeʼapaeʼmo aigofe gotiʼapimoʼmo Meyalofeʼmo mono osuʼnae, huno ha paiʼniye.

Yemisi 2:13

Gotiʼa agoti huno apatesiya afinaʼmo mago vayaʼaifeʼmo hapau huʼa noʼapatesaya vayaʼaifeʼmo hau huno oʼapategaiyaʼmonanafa hapau huʼa neʼapataya vayaʼaifeʼmo Gotiʼa hau huno apatesiya kavatetiʼmo agoti huʼa aeʼa agasegae.