Maika 7:17 - The Keyagana NT and 25 OT books

¹⁷ Apakaemo mopafiʼmo asagauʼa aiteʼa apaipagutegatiʼmo nagaloʼyavegana huʼa havaeʼa maigae. Apakaemo atete huʼa Ala kava neʼmo Gotitapimofeʼmo koli huteʼa fala kiʼa maiʼnayategatiʼmo ataleʼa egae.

Maika 7:17 ပူးပေါင်းရင်းမြစ်များ

Samu 18:45

Apakaemo koli huteʼa atete huʼnayaʼmofeʼmo fala kiʼa maiʼnayatetiʼmo ataleʼa nagaetegamo eʼnae.

Samu 72:11

Muki kini vayaʼamogimo agaeteʼmo ape huʼa maisageʼapaeʼmo muki alu nofi vaya alu nofi vayaʼmogimo geʼamo afiteʼa akame hugae.

Samu 72:9

Kaʼme kotega maiʼnaya vayaʼmogimo agaeteʼmo ape huʼa maisageʼapaeʼmo kame vayaʼamogimo agaefeʼmo atete huteʼa apagoʼya faigae.

Samu 9:20

O Ala kava nene, huʼna, koli yaʼmo alika apamiteka afaʼa vayalafaʼmo maiʼnae, huka alika apave liyo.

Aiyeya 25:3

Kagaemo ani kavaʼmo huʼnanaʼmofeʼmo lokiya kame vayaʼmogi ala kagikamo kamigae. Koli yaʼmo aliʼa neʼapamiya nofi vayaʼmogimo kagaefeʼmo koli hugae.

Aiyeya 49:23

Kini vayaʼmogiʼe kuvini aʼnemogiʼeʼmo itaʼapi afoʼapimogigana huʼa maiʼneʼa kagae mafaʼne anagaʼaiteʼmo yagaiʼa apategae. Apakaemo kagaetegamo eʼa kaiyafiʼmo mopafiʼmo ape huʼa apaleʼyamo faiʼneʼa ala kagikamo kamigae. Nagaemo hapa maesuvafeʼmo nagava neʼmaiya vayaʼmo afaʼa nagava maige apavagage huge huʼa oʼmaigayaʼmofeʼmo kagaemo nagaefekeʼmo Ala kava neʼmo maiʼniye, huka nagegane.

Aiyeya 59:19

Ani kavaʼmo hugiyaʼmofeʼmo yegemo uno lamino nefaleya kotegamo maiʼnaya vayaʼmogi agiʼalefeʼmo koli huge yegemo haine neʼeya kotegamo maiʼnaya vayaʼmogi ha le konali yaʼalefeʼmo koli huge hugae. Aniʼmo hetenoʼaeʼmo mopamo aeno ati nekaeya kava huʼa kame vayaʼamo neʼesagenoʼaeʼmo Goti Aunemeʼamoʼmo kalahuʼmeʼmo alino asai maleteno ha faino atalesigeno aune hegaiye.

Aiyeya 60:14

Kana yaʼmo aliʼa lapamiʼnaya vayaʼmogi ve mafaʼne anagaʼapimogimo eʼa lapakaeteʼmo ape hugae. Apakameʼyamo lapamiʼnaya vayaʼmogimo lapaiya agusalegatiʼeʼmo aliʼa asagauʼa lapategae. Apakaemo lapakaefeʼmo huʼapaeʼmo, Ala kava neʼmo taoniʼafiʼmo maiʼnaya vayane, huʼa huge Isaleli vayaʼai aote Vekamoʼmo taoniʼamo Saiyoni taoniʼmae, huʼa huge huʼa lapaki aegae.

Aiyeya 64:2

Samomo ataleʼmo haneʼnigeno aniʼmoʼa vala vala nehiya agufa kava huʼa kame vayakamogimo atete hugae. Kagaemo alopa lokiyakaʼeʼmo emikesanageʼapaeʼmo muki nofi vayaʼmogimo kagikamo afiteʼapaeʼmo atete hugae.

Aiyeya 65:25

Lokiya afela kala anagaʼmogimo aikeli sipisipi anagaʼeʼmo magokepiʼmo lokaeʼa maiʼneʼa neʼyaʼmo negae. Lokiya afela pusi anagaʼmogimo aikeli meme anagaʼeʼmo lokaeʼa havaegae. Afayaʼe aikeli pulumaka anagaʼmogi kahaumo neʼnaya kava huʼa Aikeli laiyoni anagaʼmogimo negae. Aise mafaʼnemoʼmo yagaino apategaiye. Pulumakamogi kahaumo neʼnaya kava huʼa laiyoni anagaʼmogi kahaumo negae. Nehapaya nakaloʼyavemogimo mumusopamo negae. Vayaʼmogi aote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae, huno ani gemo Ala kava neʼmoʼa huʼniye.

Yasuva 9:24

Apakaemo Haivi nofi vayaʼmogimo geʼaleʼmo aeʼa atagaina huʼa huʼapaeʼmo, Ala kava neʼmo Gotitapimoʼmo Moseseʼa aliʼyaʼamo neʼaliya vekaeʼmo ago ha painoʼaeʼmo, Muki mani mopaleʼmo maiʼnaya vayaʼmo alagi hapaeta hano hutapa apataleyo. Kagaemo mani mopaʼapimo alika vayakamo apamiyo, huno ha paiʼniya gemo ago afiʼnone. Afiʼnonaʼmofeʼmo lusi kava huta lapakaefeʼmo kolitapimo hutetaeʼmo ani humi lapateʼnona gemo ago huʼnone.

Leveleseni 3:9

Mago vayaʼmogimo Sataniʼeʼmo aliʼa anupa huʼa maiʼneʼapaeʼmo, Yu vayaʼmo maiʼnone, huʼa nehayaʼmonanafa aigofeʼmo nehae. Lama gemo lapa nepauve, huno, nagaemo apavaleliʼneʼna lapaiyafiʼmo apatesugeʼapaeʼmo Kalaisiʼa lapakaefeʼmo hau ayamopafiʼmo hauʼniya vayaʼmo maiʼnae, huʼa hugae.

1 Samiyo 14:11

Inagi anakaemo uʼana afole yateʼmo he tiʼana maiʼnaʼageʼapaeʼmo Filisatini ati vayaʼmogi huʼapaeʼmo, Anakeyo, huʼa, Himulu vayaʼmo yafa kapiʼmo fala kiʼa maiʼnayatetiʼmo emiʼae, huʼa huʼnae.