Maika 7:16 - The Keyagana NT and 25 OT books

¹⁶ Alu gamani vaya alu gamani vayaʼmogimo agesayana lokiyaʼniletiʼmo noʼagaya agufa naune kavaʼmo hisugeʼa ageteʼapaeʼmo lokiyatimo aiseʼamo haneʼniye, huʼa huteʼa lokiyaʼapilefeʼmo apavagage hugiye. Koli huteʼa ge osugae. Apakesaleʼmo aliʼa akaniteʼa gemo oʼafigae.

Maika 7:16 ပူးပေါင်းရင်းမြစ်များ

Samu 126:2

Lusi kava huta kigi huteta lamogaga aita yokemo huʼnone. Alu nofi vayaʼmogimo huʼapaeʼmo, Ala kava neʼmoʼa lusi kava huno hapa maeʼniye, huʼa huʼnae.

Mai'naya kavane 30:32

Kagaemo negi kavaʼmo huteka kagikaleʼmo alika asaga hisanafe hisapi hosu kavaʼmo hisanafeʼmo kagesamo afisapi hukaeʼmo ge osuka afaʼa atalo.

Aiyeya 26:11

Ala kava nene, huʼna, koli hisayafeʼmo kayaʼmo alika asagauʼnanaʼmonanafa apakaemo oʼagegae. Oʼagegayaʼmonanafa vayakamo hapa maesanafeʼmo kahaʼye nehiya kavaʼmo ageteʼa apavagage hugiye. Kagaemo vayakaeʼmo lusi kava huno kahauʼnigeka hapa neʼmane, huʼa ageteʼa apavagage hugiye. He, kaipamo lesiya kavakamoʼmo kame vayakamo atakana huno apalegaiye.

Aiyeya 52:15

Ani kavatetiʼmo agaemo asole nofi vayaʼaiteʼmo aino fuli fuli huno hosu kavaʼapimo aeno kalo paeno atalegaiye. Kini vayaʼmogimo oʼafiʼnaya gemo afige hapa opaiʼnaya gemo afiteʼapaeʼmo apakesa afifi huge huʼa maigayaʼmofeʼmo lusi kava huʼa agaefeʼmo hapau aiteʼapaeʼmo ge osugae.

Aiyeya 66:18

Nagaemo ani vayaʼmogi kavaʼapiʼe apakesa neʼafiya kavaʼeʼmo ageʼnovaʼmofeʼmo aliʼna hano huʼna apatalegauvaʼmonanafa muki nofi vayaʼe muki apakemo neʼaiya vayaʼeʼmo apavaleʼna aliʼna anupa huʼna apatesugeʼa eʼa ha le konali yaʼnimo agegae.

Maika 3:7

Apaune vayaʼmo apavagage hugiye. Vayaʼmogimo afole aisiya kavaʼmo neʼagaya vayaʼai apakiʼapileʼmo aliʼa afepiʼmo apategae. Gotiʼa geʼapileʼmo aeno atagaina huno hapa opaigiyaʼmofeʼmo apavagage hisigeʼa apaugosafiʼmo aiʼa ati kaegae.

Maika 5:8

Ani logufaʼa vayaʼmo Yekopu vayaʼmogimo laiyonimoʼmo afela afumo hapaesiyafeʼmo nehiya kava huʼa alu nofi vayaʼai folagapiʼmo hapaegae. Aikeli laiyonimoʼmo sipisipi anagaʼmogi folagapiʼmo maiʼneno apatafauge hapaeno nege nehiya kava huʼa maigae. Mago sipisipi anagaʼmo hapa maesiya vekamo maiʼniya kava huʼa Yekopu kame vayaʼamo hapa maesaya vayaʼmo oʼmaigae.

Hagai 2:22

Nagaemo yagaiʼa neʼapataya gamani vayaʼmo hapa faiʼna apatalege alu nofi vaya alu nofi vayaʼmogi lokiyaʼapimo aliʼna hano huʼna atalege hosimoʼmo halaulino neʼvigeʼapaeʼmo kamemo nehaya talalaʼapimo aliʼna hosu huʼna atalege talalafiʼmo maiʼnaya ati vayaʼeʼmo kamemo huge kamemo nehaya hosileʼmo kamemo hisayafeʼmo haiʼa fai maiʼnaya vayaʼmo apamagisugeʼa asagauʼa aige nehisageʼapaeʼmo ani kavaʼmo huʼa apakaiʼapi konagaʼapimogimo naipeletiʼmo apaigae.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

Leveleseni 11:18

Kaipamo leka neʼapatana kavakamo afole yateʼmo afole aisigekaeʼmo faliʼnaya vayaʼmo agoti huka apatesana afinaʼmo afole neʼaiyaʼmofeʼmo malaga vayaʼmogimo lusi kava huʼa apaipamo leʼa kateʼnae. Kagaemo aliʼyakamo neʼaliya vayaʼmogimo kagaetegati gemo alini eʼa aeʼa hakalo huʼa hapa nepaiya vayanagi muki apaote vayakagi muki vayaʼmogi kagaefeʼmo koli nehaya vayanagi ala apakiʼapimo oʼaliʼnisaya vayanagi ala apaki vayanagi huka miyaʼapimo apamisana afinaʼmo ago afole aiʼniye. Ma mopafi vayaʼmo aliʼa hosu huʼa neʼapataya vayaʼmo alika hosu huka apatesana afinaʼmo ago afole aiʼniye, huʼa huʼnae.