Maika 7:14 - The Keyagana NT and 25 OT books

¹⁴ O Ala kava nene, huʼna, Sipisipileʼmo neʼyagaiya vekamoʼmo sipisipileʼmo yagaino neʼapateya kava huka vayakaleʼmo hayopa kayotetiʼmo yagaika apato. Apakaemo Gotiʼa kamiʼniya vayaʼmo yahaofilaga kaʼme avelegamo apaoteʼmo maiʼnae. Kagaemo afaʼa apatalegeʼa uʼa akeyaʼvilagamo maiʼnaya koʼmo alagepa mopamo haneʼniya koʼmo Mesani kotegaʼe Giliyati kotegaʼeʼmo maiyo.

Maika 7:14 ပူးပေါင်းရင်းမြစ်များ

Samu 100:3

Agetapa aeto hutetapaeʼmo Ala kava nefeʼmo, Gotiʼmae, hutapa hiyo. Lagaemo lagaitimo alo osuʼnopa agaiʼamo alo huno lateʼniyaʼmofeʼmo lagaemo agaiʼa vayaʼmo maiʼnone. Lagaemo vayaʼamo maiʼneta sipisipiʼamo agae kegiʼyafiʼmo haita maiʼnonagenoʼaeʼmo yagaino lateʼniye.

Samu 143:5

Nagaemo akeyaʼvilagamo afole aiʼniya kavafeʼmo nagesamo afiʼnove. Nagaemo kagaemo huʼnana kavafeʼmo nagesa afifi huʼna maiʼnove. Nagaemo kayatetiʼmo aliʼnana aliʼyakaeʼmo nagesa afifi huʼna maiʼnove.

Samu 28:9

Gotiyo, huʼna, Vayakamo apakufamo alika katika apateteka alika auleka apato. Sipisipileʼmo yagaino apateʼniya vekamo sipisipiʼaleʼmo yagaiʼniya kava huka sipisipikaleʼmo yagaika apateteka muki afinaʼmo alagepa huka yagaika apateme apateme uka maiyo.

Samu 95:7

Gotitimoʼmo maiʼneno yagaino nelateya vayaʼmo sipisipi vayaʼamo agaiʼa kegiʼyafiʼmo uta haita maiʼnonaʼmofeʼmo agaefekeʼmo mono higetao. Hemenimo lapakaemo Goti geʼamo neʼafisayana

Hatu maeno apate'niya gemae 33:16

Lagaeʼeʼmo magokepi lokaeka oʼvisanaʼmoʼmo haiya kava huʼa lageteʼapaeʼmo, Goti aulagaleʼmo Moseseʼe Goti vayaʼaʼeʼmo fiku hapa maeno neʼapamiya kavaʼamo afaʼa ageʼnaya vayane, huʼa hugae. Kagaemo lagaeʼeʼmo magokepi lokaeka visanaʼmoʼmo nagaeʼe vayakaʼefeʼmo muki ma mopafi vayapatiʼmo apaote nofi vayaʼmo maiʼnae, huʼa lagegae.

Salomoni Yokemae 4:1

Nahau nayamopafiʼmo neʼnahaiya aʼnimogae, huʼna, vae, kanale alagepa a kanomo maiʼnane. He, kanale alagepa a kanomo maiʼnane. Kaulagamo kaugoʼyavemo aulagagana huno haneʼnigeno kanale kayokaʼmoʼmo aino ati kaeʼniye. Kayokaʼmoʼa meme anagaʼmogi Gileyati avelegatiʼmo magokepi lokaeʼa uʼa nelamiya meme anagaʼai apayokakana huno haneʼniye.

Aiyeya 35:2

Ani kotega muki kahaumoʼmo ausemo hesigeno amogaga aigiye. Amogaga aige yokemo huge huno hanegaiye. Lemanoni aveleʼmo ha le konali yaʼamo haneʼniya kava huno ha le konali yaʼamo afole aigiye. Kamo koʼe Saloni koʼeʼmo alagi kanale kotalaʼmo haneʼniya kava huno hau huʼniya koʼmo alagi kanale koʼmo alino hamalegaiye. Muki vayaʼmogi ani kavaʼmo ageteʼapaeʼmo Ala kava neʼmo Gotitimoʼmo kanale ha le konali yaʼaʼe kanale alagepa kavaʼaʼeʼmo agegae.

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Aiyeya 49:10

Hau huno neʼapateya vekamoʼmo alagepa huno yagaino apateteno apavalelino visigeʼa kanale meti aniʼmo haneʼniyategamo sipisipi anagagana huʼa ugae. Apakaemo neʼyaʼe aniʼeʼmo kafu osisageno amuko yegemoʼe yasimoʼeʼmo apakufaleʼmo oʼapalegaiye.

Aiyeya 65:10

Nagaefeʼmo kahauya huʼa nageʼnaya vayaʼnimogi sipisipi anagaʼapimo Saloni kagoʼmu koteʼmo maige pulumaka anagaʼapimo Ako kagoʼmu kateʼmo havaeʼa maige hugae.

Omataiya 1:19

Yuta vayaʼmo lamaga haopalegamo maiʼnaya vayaʼmogimo Iso avemo aligae. Yegemo uno lamino nefaleya haopalega aise aveleʼmo maiʼnaya Yuta vayaʼmogimo Filisitiya vayaʼmogi mopamo aligae. Apakaemo Ifalemi vayaʼmogi mopaʼe Sameliya vayaʼmogi mopaʼeʼmo alisageʼa Menisameni nofi vayaʼmogimo yegemo haine neʼeya haopalega Giliyati koʼmo aligae.

Maika 5:4

Inagi ani vekamoʼmo agaiʼa sipisipi vayaʼaleʼmo Ala kava neʼmo Gotiʼamo himamuʼaletiʼe ha le konali agiʼaletiʼeʼmo yagaino apateʼnenoʼaeʼmo neʼyaʼmo apamigiye. Muki ma mopafi vayaʼmogimo ala agiʼamo amigayaʼmofeʼmo vayaʼamo alagepa huʼa maige maige huʼa maigae.

Sefanaiya 3:13

Isaleli vayapatiʼmo logufaʼamogimo hosu kavaʼmo osuge aigofe gemo osuge hugae. Apakaemo humi oʼapateʼa sipisipiʼnimo maiʼneʼa kahaumo neteʼa havaesageʼa muki vayaʼmogimo koli yaʼmo aliʼa oʼapamigae.

Malakai 3:4

Akeyaʼvilagamo alagepa ofalinimo amiʼnaya kava huʼa Yuta nofi vayaʼmogiʼe Yulusalemu taonifiʼmo maiʼnaya vayaʼmogiʼeʼmo alagepa ofalinimo amisageno Ala kava neʼmoʼa amuse huno apategaiye.

Napa 23:9

Nagaemo avefiʼmo yafateʼmo he tiʼna maiʼneʼnaeʼmo ave kotetiʼmo apakeʼnove. Alu vayaʼeʼmo oʼmaiʼa apaoteʼmo maiʼnae. Ma mopafi nofi vayakana huta oʼmaiʼnone, huʼa apakesamo neʼafiye.

Matiyu 2:6

Kagaemo Metelehamu taoniyo, huno, Yuta kotega taoniyo, huno, vayaʼmogimo sipisipileʼmo neʼyagaiya kava huno Isaleli vayaʼnileʼmo yagaino apatesiya vekamo kagaepatiʼmo afole aigiyaʼmofeʼmo Yuta vayaʼaiteʼmo yagaiʼa neʼapataya vayaʼai apaulagaleʼmo afa taonimo ohaneʼnananageʼa muki taonimogimo aeʼa kaga oseʼnae, huno avoʼmo kae maleʼniye, huʼa ha paiʼnae.

Yoni 17:16

Nagaemo ma mopafi vekamo oʼmaiʼnova kava huʼa ma mopafi vayaʼmo oʼmaiʼnae.