Maika 6:8 - The Keyagana NT and 25 OT books

⁸ O vekamogae, huʼna, Ala kava neʼmoʼa alagepa kavaʼmo hisuna kavaʼmo ago alino lave liʼniye. Agaemo anonatilefeʼmo hisunafeʼmo hunoʼaeʼmo, vayaʼaitegamo fatago kavaʼmo huge lapau hutapa apatetetapa lahapauge lapakufamo alita afepiʼmo lapatege hutetapaeʼmo Gotitapimoʼeʼmo afalu afalu kavaʼmo hutapa magokepi lokaetapa umenitata hiyo, huno laha paiʼniye.

Maika 6:8 ပူးပေါင်းရင်းမြစ်များ

Aepa Gemae 18:19

Agaemo ina kavaʼmo hiyo ina kavaʼmo osiyo, huno hapa paisigeʼa mafaʼneʼaʼe nofi vayaʼamogiʼeʼmo fatago kavaʼmo huge alagepa huʼa aliʼa fako huʼa apamige hisayafeʼmo lekana paiʼna ateʼnovaʼmofeʼmo hisuva kavafeʼmo afaʼa aliʼna ave liguve.

Aepa Gemae 5:22

Alino atetenoʼaeʼmo Inokiʼa tali hataletiʼa kafugamo Gotiʼeʼmo afalu afalu kava huno maiteno Gotiʼeʼmo magokepi lokaeno uneno nehunoʼaeʼmo ve mafaʼnemo alino apatege a mafaʼnemo alino apatege huʼniye.

2 Sitoli 33:19

Manaseʼmo nunumuʼmo huʼnigeno Gotiʼa afiteno huʼniya kavafeʼmo ava gemo hanege muki huʼniya hosu kavaʼaeʼmo ava gemo muki kotegamo hanege aigofe gotigitefeʼmo mono huʼnaya kavafeʼmo ava gemo hanege hogoteno agufamo alino afepiʼmo oʼateʼniya kavafeʼmo huge aigofe gotigi apauneʼamo alo huge huʼniya gemo polofeti mukufiʼmo avoʼmo kae maleʼnageno haneʼniye.

2 Sitoli 33:23

Huʼniyaʼmonanafa agaemo afoʼamoʼmo Ala kava neʼmo aulagaleʼmo agaiʼamo alino afepiʼmo ateʼniya agufa kavaʼmo osuʼniye. Haʼao, Emoniʼmo magoʼe magoʼe huno hosu kavaʼmo huʼniye.

2 Sitoli 34:27

Kagaemo Gotiʼa mani taonileʼe taonifiʼmo maiʼnaya vayaʼaitegaʼeʼmo hisiya kavafeʼmo huʼniya gemo afiʼnanageno kaipamoʼmo lokiya oʼvaino gemo afiteno alino amalagiʼniya kaipamo Goti aulagaleʼmo haneʼnigeka kagufamo alika afepiʼmo ateʼnane. Kagaemo naulagaleʼmo kagufamo alika afepiʼmo ateteka kukena yakamo alika apake aiteka aviʼyaʼmo huʼnane. Nagaemo ageteʼnaeʼmo nunumuʼmo huʼnana gemo afiʼnove, huno ha paiʼniye.

Samu 101:1

Ala kava nene, huʼna, Nagaemo kahau huka neʼnatana kavakaʼe alagepa huka alika fako huka neʼnatana kavakaleʼefeʼmo yokemo huguve. Ala kava nene, huʼna, kagaefekeʼmo yokemo huguve.

Samu 112:4

Hani huʼniya yapiʼmo ha le yaʼmoʼa fatago vekalefeʼmo aeno ha legaiye. Agaemo fiku hapa maeno apamige hau huno apatege vayaʼaitegamo hapauʼniya kavaʼmo huge fatago kavaʼmo huge nehiye.

Samu 112:9

Ani fatago vekamoʼmo kagemi yaʼamo alino fako huno kagemi yaʼapimo ohaneʼniya vayaʼaina apamiʼniye. Fatago kavaʼamoʼmo muki afinaʼmo hanege hanege huno hanegaiye. Lokiyaʼamo hanesigeʼapaeʼmo ala agimo amigae.

Samu 37:26

Fatago vayaʼmogimo muki afinaʼmo hapau huʼa apateteʼa magoʼe yaʼmo apamiteʼa anonaʼapilefeʼmo neʼapamiye. Ala kava neʼmoʼa mafaʼneʼapimo fiku hapa maeno neʼapamiye.

Samu 73:28

kahaopaleʼmo uʼna maisuva kavaʼmo kanale kavane. Nagaemo muki nehana kavafeʼmo ava gemo aeʼna hakalo huʼna hapa paisuvafeʼmo Ala kava neʼmo Gotiʼnimofeʼmo aliʼna amufa amiʼnove.

Mai'naya kavane 21:3

Ala kava neʼmoʼa fatago kavaʼe alagepa huʼa aliʼa fako nehaya kavaʼeʼmo hauʼnigeno ofalinimo neʼamiya kavafeʼmo hauʼniya kavaʼmo ago aeno aga seno magoʼe huno hauʼniye.

Aiyeya 56:1

Ala kava neʼmoʼa ina gemo hunoʼaeʼmo, Vayaʼnimogitapae, huno, Aise afinaʼmo utesigeʼna lapakufamo aliʼna katiʼna lapateteʼna fatago kavaʼnimo aliʼna lapave liguvaʼmofeʼmo lapakaemo vayaʼmogi kavaʼapimo alagepa huta alita fako hutetapa apakaetegamo fatago kavaʼmo hiyo.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Neniyo 4:37

Hemenimo nagaemo Nepukanesaʼnamo kokuʼnapi kini vekaeʼmo aliʼna auleʼna atege agiʼaleʼmo aliʼna asaga huge ala agiʼamo amige nehuve. Muki afinaʼmo agaemo lama ge kavaʼmo huge fatago kavaʼmo huno alino fako huge nehiye. Vayaʼmogimo apakaiʼapi apakiʼapileʼmo aliʼa asaga hugefeʼmo hisaya vayaʼmo afaʼa alino afepi apategaiye, huno huʼniye.

Maika 6:9

Ala kava neʼmoʼa Yulusalemu taonifiʼmo maiʼnaya vayaʼaifeʼmo keya aeno ge nehiye. Inagi afiteʼa ageʼnaya vayaʼmogi kagaefeʼmo koli huteʼa kagikamo ageʼa aote hugae. Gotiʼa kayoʼmo lapamisiyafeʼmo ge nehiyanagi afiyo. Ina laʼmo ani kayoʼmo lapamisiyafeʼmo lekana paino ateʼniye. Kayoʼmo aepa vekamoʼmo lekana pai maleʼniya vekamo geʼamo afiyo.

Matiyu 5:3

Hapa painoʼaeʼmo, launelametefeʼmo kagemi yatimo ageta oʼmaleʼnona vayaʼmo maiʼnone, huʼa apakesamo neʼafisaya vayaʼmogimo Gotiʼa yagaino neʼapateya kegiʼyafiʼmo haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo Goti aulena vayaʼamo maiʼnae.

Matiyu 5:7

Gotiʼa alu vayaʼaifeʼmo hapau huʼa apateteʼa hapa neʼmaya vayaʼaifeʼmo hau huno apateteno hapa maegaiyaʼmofeʼmo Goti aulena vayaʼamo maiʼnae.

Luki 10:42

Maliyaʼa ani alagepa yafekeʼmo agesamo afiteno ago lekana paino aliʼniyaʼmofeʼmo mago vekamoʼmo ayapatiʼmo alino hafaleno oʼatalegaiye, huno ha paiʼniye.

Luki 11:42

Falasi vayaʼmogitapae, huʼna, vaehae, huʼna, lapakaetegamo kage kage hisaya kavaʼmo afole aigiye. Lapakaemo kifenagi atunagi hefigi hutapa alita fako huta ofalinimo neʼamiyana fatago kavaʼmo osuta Gotifeʼmo lapau lapayamopafiʼmo nolapaiye. Gotiʼa ofalinimo neʼamiya kavaʼmo kanale kavaʼmo haneʼniyanagi magoʼe kavaʼmo hutapa fatago kavaʼmo huteta Gotifeʼmo lapau lapayamopafiʼmo lapaino.

Luki 12:14

ina laʼmo nagaefeʼmo kagemi yatanimo alino fako huno lanamisiya vekae, huno lekana paino nateʼniye, huno ha paitenoʼaeʼmo

Luki 6:36

Afotapimoʼmo hau huno neʼapateya kava hutapa lahapau huta apateyo, huno hapa paiʼniye.

Lomu 7:16

Hosu kavaʼmo nehuʼnaeʼmo oʼnahauʼniyaʼmofeʼmo keʼaepa gemoʼe naipamoʼeʼmo magoke agufa gemo nehaʼae.

Lomu 9:20

Vayalafaʼmo maiʼnanaʼmofeʼmo ina lagamo Goti geʼaleʼmo afaʼa aeka atagaina huka nehane. Alo huʼniya yaʼmoʼa alo huʼniya vekaeʼmo, na kava higeka ani kavaʼmo huka alo huka nateʼnane, huno afaʼa hugifiye.

1 Kolitiyani 7:16

Aʼnemogitapae, huʼna, lapakaemo, anautimogiʼeʼmo magokepi lokaeta maisunana apakufamo alita katita apatesupi, hutapa lapakesamo afiyo. Anauʼapimogitapae, huʼna, lapakaemo aʼnetiʼeʼmo magokepi lokaeta maisunana apakufamo alita katita apatesupi, hutapa lapakesamo afiyo.

Efasasi 4:32

Lapaipamo lapamete lapamete hutapa apamiteta afalu afalu kavaʼmo hutapa lapau hutapa apateyo. Gotiʼa Kalaisitefeʼmo hosu kavatapimo afaʼa alino ataleʼniya kava hutapa konagatapimogiʼeʼmo afalu afalu kavaʼmo hutapa hosu kavaʼapimo alita ataleyo.

Kolosi 3:12

Gotiʼa lapakaefeʼmo hau ayamopafiʼmo hauʼnigeno ago lekana paino lapateteno lapavaleno lapaote lapateʼniyaʼmofeʼmo lapau huta apatege alitapa lapao yaʼmo huge ina agufa vayaʼmo maiʼnone, hutapa lapakesamo afige yagu yaga kavaʼmo hutapa apatege lapakaetegamo hosu kavaʼmo nehisagetapaeʼmo afaʼa maiʼnetapa falu fala lapaipamo kalita apatege hiyo.

2 Tesaloniyani 2:16

Afotimo Gotiʼa lagaefeʼmo hau ayamopafiʼmo hauʼnigeno muki afinaʼmo lokiya vaita maiʼneta lavayagunagu huta agava maisunafeʼmo fikumo laha maeno lamiʼniye. Agaeʼe Ala kava netimo Yesu Kalaisiʼeʼmo muki alagepa gemo huge muki alagepa kavaʼmo huge hutapa maisayafeʼmo lapa maeʼana lapaipamo aliʼana lokiya vaiʼana lapatesaʼagetapa maiyo.

Yemisi 2:20

Negi vekae, huʼna, kagesamo afika fatago huʼnanaʼmonanafa alagepa kavaʼmo nosanaʼmofeʼmo kagesamo afika fatago huʼnana kavakamo faligekana huno haneʼniye, huʼna aliʼna kave lisufiye.

Yasuva 24:14

Inagi Ala kava nefeʼmo koli hutetapa aigofe kavaʼmo osutapa lapaipafatiʼmo alagi lama ge kavaʼmo hutapa aliʼyaʼamo aliyo. Lapakinago vayaʼmogimo Yufaletisi aniʼmo mugagayaga faliga maiʼnayategaʼe Isipi kotegaʼeʼmo aigofe gotigitefeʼmo aliʼyaʼapimo aliʼnae. Lapakaemo ani aigofe gotigimo alita ataletetapa Ala kava nekeʼmo akame hutapa aliʼyaʼamo aliyo.

1 Pita 3:8

Nagaemo atupa geʼnimo lapa paiʼnaeʼmo, magoke lapaipa lapakesamo alitetapa magoke agufa lapaipamo kalitapa maiyo. Konagatapieʼmo afalu afalugana agufa kavaʼmo hutapa lapau lapayamopafiʼmo lapaino. Lapau hutapa apateyo. Vayaʼaitegamo himuʼnamu kavaʼmo osutapa vase vase kavaʼmo hiyo.

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.

1 Samiyo 15:22

Samiyoʼa Solofeʼmo ha painoʼaeʼmo, Ala kava neʼmo geʼamo akame hisana kavafeʼmo magoʼe huno hauʼnigeno amogaga aiʼnifi sipisipi heka ofalinimo amisana kavafeʼmo magoʼe huno hauʼnigeno amogaga aiʼniye. Afiyo, Goti geʼamo akame nehaya kavaʼmoʼa ofalinimo neʼamiya kavaʼmo ago aeno age seʼniye.