Maika 6:5 - The Keyagana NT and 25 OT books

⁵ O vayaʼnimogitapae, huʼna, Movapu kini vekamo Melakiʼmo lapakaetegamo hosu kavaʼmo hugefeʼmo huʼniya kavafeʼmo hemenimo lapakesamo afitapa ho hiyo. Hosu kavaʼmo hugefeʼmo agesamo afiʼniyaʼmonanafa Miyo mafaʼnemo Melamiʼmo geʼaleʼmo aeno atagaina huno ha paiʼniya geʼaeʼmo lapakesamo afitapa ho hiyo. Akesiya kotegatiʼmo ataletapa Giligali taonifiʼmo ugefeʼmo neʼvageʼnaeʼmo nagaemo lapa maeʼnovanagi lapakaetegamo afole aiʼniya kavaʼefeʼmo lapakesamo afiyo. Lapakaemo Ala kava neʼmoʼnamo fatago kavaʼnimo ageta alagepa hutapa agesayafeʼmo lapake okanitapa ani kavafeʼmo lapakesamo afita ho hiyo, huno hapa paiʼniye.

Maika 6:5 ပူးပေါင်းရင်းမြစ်များ

Samu 111:4

Ala kava neʼmoʼa alopa alagepa kavaʼmo huʼnigeʼa hapau aiʼnaya kavafeʼmo apake okaniʼa apakesamo afisayafeʼmo alino he tino apateʼniye. Agaemo fiku hapa maeno apamige hau huno apatege huno maiʼniye.

Samu 143:11

O Ala kava nene, huʼna, kagikalefeʼmo alika he tika nato. Fatago kavakalefeʼmo kana yapatiʼmo nagupi mafaʼnemo alika katika nato.

Samu 36:10

Kageʼnaya vayaʼmo oʼapataleka magoʼe huka kahau kayamopafiʼmo kahaino. Api kavaʼmo nehaya vayaʼaitegamo alagepa kavaʼmo huvo.

Aiyeya 1:27

Ala kava neʼmoʼa Saiyoni vayaʼmo agoti huno apateteno fatago kavaʼaletiʼmo miya faino hatu maeno apategaiye. Apaipamo aliʼa afe lesaya vayaʼmo fatago kavaʼaletiʼmo miya faino hatu maeno apategaiye.

Napa 22:41

Melakiʼmo ega netepiʼmo Melamiʼa avalelino avefiʼmo Meliʼmo aigofe gotitefeʼmo mono nehaya koteʼmo uno haiʼniye. Melamiʼmo muki Isaleli nofi vayaʼmo afepilagamo maiʼnageno apakesiyafeʼmo avalelinuno haiʼniye.

Napa 23:27

Inagi Melakiʼmo Melamifeʼmo hunoʼaeʼmo, Kahaoke hovanagi kagaemo egetaʼa laʼagaemo alu kotegamo uguʼae. Gotiʼa hauʼnisiyana ani haopalegatiʼmo lifana huka apategane, huno ha paiʼniye.

Napa 25:1

Isaleli vayaʼmo Sitimi kagoʼmu kotegamo maiʼneʼapaeʼmo ani haopalegamo maiʼnaya Movapu aʼne anagaʼeʼmo aepa faiʼa kumai kavaʼmo huʼnae.

Napa 25:2

Ani aʼne anagaʼmogimo Isaleli vayaʼmo eʼa apakaeʼeʼmo mono nehaya aigofe gotigitefeʼmo ofalinimo hisayafeʼmo keya aeʼa ge huʼnageʼa eʼnae. Mukiʼamogimo ofalini huʼnaya neʼyaʼmo magokepi neteʼa ani gotigitefeʼmo mono huʼnae.

Napa 31:16

Afiyo, huno, Mani aʼne anagaʼmogimo Melamiʼmo hiyo, huno huʼniya gemo akame huʼa vayatimogi, lagaemo Piyo kotega maiʼnona afinaʼmo Ala kava netegamo hosu kavaʼmo hisayafeʼmo Isaleli vayaʼai apayateʼmo aliʼnae. Alopa hosu kavaʼmo huʼnayaʼmofeʼmo Ala kava vayaʼalegemo alopa hosu kaitaʼmo afole aiʼniye.

Napa 31:8

Apakaemo Mitiyani ve anagaʼmogiʼeʼmo faefuʼa Mitiyani kini vayaʼmo Ivaiʼagi Likeniʼagi Suʼagi Huʼagi Limaʼagi huʼa kamitimo apaiʼnae. Apakaemo Melamiʼmo Miyo mafaʼneʼeʼmo naipeletiʼmo kamitimo aiʼnageno faliʼniye.

Efasasi 2:11

Alo huno lapateʼniyaʼmofeʼmo lapakaemo, hogoteta maiʼnona afinaʼmo haiya agufa kavaʼmo huta maiʼnopi, hutapa lapakesamo afita ho hiyo. Itatapimogimo aliʼa lapateʼnagetapaeʼmo Yu nofi vayaʼmo oʼmaiʼnae. Yu vayaʼmogi apayatetiʼmo apakufamo lagauʼnaya vayaʼmogimo lapakaefeʼmo huʼapaeʼmo, Goti keʼaepa geʼamo oʼafiʼnaya vayaʼmogeʼapaeʼmo apakufamo olagauʼnaya vayaʼmo maiʼnae, huʼa nehae.

Yasuva 2:1

Isaleli vayaʼmo Sitami kotegamo maiʼnagenoʼaeʼmo Nani mafaʼnemo Yasuvaʼmo lole vekalaʼanifeʼmo hana painoʼaeʼmo, Lanakaemo utana Yeliko taonifiʼe haopaleʼmo haneʼniya mopaʼeʼmo agetana alagepa hiʼao, huno hana paiteno alino anateʼnigeʼana uʼnaʼae. Uʼana mago kate a kanomo agiʼamo Lehapi noteʼmo avaʼyi huteʼana agae nopiʼmo maiʼnaʼae.

Yasuva 3:1

Inagi Yasuvaʼe Isaleli vayaʼeʼmo ani haniʼilagamo havaeteʼa kotilamiyapiʼmo he tiʼa Sitimi kotetiʼmo ataleʼa uʼa Yoneni aniteʼmo avaʼyi huteʼa ani haopalegamo havaeʼnae. Aniʼmo olakaeʼnafa hogoteʼa havaeʼnae.

Yasuva 4:19

Isaleli vayaʼmo Yoneni aniʼmo hogote kaileʼmo napa teni afinaʼmo lakaeteʼa Giligali koʼmo Yeliko taonimo haopaleʼmo yegemo haine neʼeya haopalegamo haneʼnigeʼa seli noʼapimo aliʼa he tiʼa ateʼnae.

2 Pita 2:15

Meo mafaʼnemo Melamiʼa monieʼmo haʼye huʼnigeno hosu kavaʼmo huʼniya kava huʼa alagepa kaʼmo ago ataleʼa u eʼa huʼnae.

1 Yoni 1:9

Lagaemo Gotifeʼmo, ani hosuʼmo kava huʼnove, ina hosu kavaʼmo huʼnove, huta aeta hakalo huta ha paisunagenoʼaeʼmo alagi alino ataleteno, afaʼa ateyo, huno huteno, muki hosu kavatimo aeno kalo paeno atalesiyafeʼmo agaemo huguve, huno hu maleʼniya geʼamo alagi akame huno fatago kavaʼamo hugiye.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.

Leveleseni 2:14

Nehayaʼmonanafa mago gemo aliʼna api aiʼna lapatesuva gemo haneʼniye. Akeyaʼvilaga Melamiʼa Melekiʼmo alino aya maleʼnigeno Isaleli vayaʼmogi hosu kavaʼmo hisayafeʼmo Melekiʼa apayateʼmo aliʼnigeʼapaeʼmo aigofe gotiʼapimogimo apamiʼnaya ofalini afumo ameʼamo neteʼa kumai kavaʼmo huʼnae. Mago lapakaepati vayaʼmogimo Melamiʼa alino aya maleʼniya agufa gemo akame nehae.

1 Samiyo 12:7

Inagi lapakaemo alagepa hutapa lapaketafo hiyo. Nagaemo Ala kava neʼmo aulagaleʼmo Ala kava neʼmoʼa lapakaetegaʼe lapakinago vayaʼaitegaʼeʼmo huʼniya fatago kavatefeʼmo agoti huʼna lapategauve.