Maika 6:16 - The Keyagana NT and 25 OT books

¹⁶ Lapakaemo kini vekamo Omaliʼe mafaʼneʼamo kini vekamo Ehapiʼeʼmo hosu kavaʼanimo akame nehayaʼmofeʼmo muki ani hosu kavaʼmo lapakaeteʼmo afole aigiye. Lapakaemo akeyaʼvilagamo anakaemo huʼnaʼa agufa kavaʼmo nehayaʼmofeʼmo nagaemo aliʼna hosu huʼna lapatesugeʼa alu nofi vayaʼmogimo eʼa apakameʼyamo lapamiteʼa huʼa faipa huʼa lapatesagenoʼaeʼmo lapakaemo vayaʼnimo lusi kava huno lapavagage hugiye.

Maika 6:16 ပူးပေါင်းရင်းမြစ်များ

1 Kini 18:4

Koli huʼniyaʼmofeʼmo kuvini a kanomo Yeyemeliʼmo Ala kava neʼmo geʼamo aliniʼeʼa aeʼa hakalo nehaya vayaʼmo kamitimo apamagiʼnigeʼa faliʼnagenoʼaeʼmo Omanaiyaʼmo ani agufa vayaʼmo Ala kava neʼmo geʼamo aliniʼeʼa aeʼa hakalo nehaya vayaʼmo vani hataletiʼa vayaʼmo apavaleno alino alopa yafa kapiʼmo fala kino apateʼniye. Agaemo alu yafa kapiʼmo fifitiʼa vayaʼmo fala kino apateteno alu yafa kapiʼmo fifitiʼa vayaʼmo fala kino apateʼniye. Agaemo yagaino apateʼnenoʼaeʼmo neʼyaʼmo apamige aniʼmo apamige huʼniye.

2 Sitoli 34:25

Apakaemo apayatetiʼmo alo huʼnaya aigofe mono yatetiʼmo naipamo leʼna apatesuva kavaʼmo aliʼa he tiʼa neʼatae. Muki hosu kavaʼapiletiʼmo naipamo leʼna apatesuvafeʼmo nataleʼa uʼa alu gotitefeʼmo mono hisayafeʼmo alagepa atumo neʼaiya yaʼmo alu gotitefeʼmo kaeʼnayaʼmofeʼmo naipamo neleya kavaʼnimo hano osisigeʼna aniʼmo lakigekana huʼna kayoʼmo apamiguve.

Samu 1:1

Gotifeʼmo mono nosaya vayaʼmogimo apakesamo afiʼapaeʼmo, ina kateʼmo viyo, huʼa nehaya kateʼmo umenitata osuge hosu kavaʼmo nehaya vayaʼmo neʼvaya kateʼmo uʼa he tiʼa oʼmaige mono katefeʼmo, afa kane, huʼa huteʼa huʼa faipa huʼa neʼataya vayaʼeʼmo magokepi lokaeʼa itopaleʼmo fai oʼmaige nehaya vayaʼmogimo Goti aulagaleʼmo alagepa huʼa maiʼnayanageʼa afaʼa apamogaga aigae.

Aiyeya 25:8

Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Neniyo 9:16

O Ala kava nene, huʼna, nunumuʼmo huʼnaeʼmo, fatago kavakalefeʼmo magoʼe huka kaipamo leka olateka magoʼe huka kayamukiki huka aote aveleʼmo haneʼniya Yulusalemu taonifi vayaʼmo oʼapamagiyo. Lagaeʼe laginago vayaʼeʼmo hosu kavaʼmo huʼnonaʼmofeʼmo muki lahaopaleʼmo maiʼnaya vayaʼmogimo huʼa faipa huʼa nelatageno lavagage nehiye.

Maika 2:6

Lapakaemo Goti gemo aeʼa hakalo nehaya vayaʼaifeʼmo hapa paitapaeʼmo, Afa gemo aeta hakalo hutapa laha opaiyo, hutapa nehayaʼmofeʼmo Goti gemo aeʼa hakalo huʼa lapa opaigae. Apavagage hisiya kavafeʼmo ohapauʼniyanageʼa Goti gemo oʼafigae.

Maika 6:13

Nehayaʼmofeʼmo hemenimo nagaemo hosu kavatapieʼmo nagesamo afiteʼnaeʼmo aepa faiʼna kayoʼmo lapamisugeno kagemiyatapimo alagi ohanesigetapa afaʼa maigae.

Leveleseni 2:20

Maiʼnayaʼmonanafa mago gemo aliʼna api aiʼna lapatesuva gemo haneʼniye. Lapakaefeʼmo mago a kanomo Yesemeliʼa, Gotitegati gemo aliniʼneʼna aeʼna hakalo huʼna hapa nepauva a kanomo maiʼnove, huno nehiya a kanomo alitapa ha faita oʼataletapa afaʼa ateʼnae. Agaemo alino apaya maleteno apayate aliʼnigeʼapaeʼmo aliʼyaʼnimo neʼaliya vayaʼmogimo kumai kavaʼmo huteʼapaeʼmo aigofe gotiʼapimogi neʼapamiya ofalini neʼyaʼmo neʼnae.