Maika 4:13 - The Keyagana NT and 25 OT books

¹³ Ala kava neʼmoʼa Yulusalemu vayaʼaifeʼmo ina gemo huno hapa paigiye. Saiyoni a mafaʼneo, huno, he tika uka kaiyaletiʼmo aeka lata paiyo. Nagaemo lapakaemo mago ve pulumakamoʼa aeni lokiyaʼagi aeni aiyagi huno maiʼniya agufa ve pulumakagana huʼna lokiya vaiʼna lapategauvaʼmofeʼmo lapakaemo muki asole nofi vayaʼmo aeta lata paigae. Kame vayatapimogimo muki yaʼmo kamefatiʼmo aliʼnaya yaʼmo lapakaemo alitetapa malesaya yaʼmo namigae. Nagaemo muki ma mopafi vayaʼai Ala kava neʼapimoʼnae.

Maika 4:13 ပူးပေါင်းရင်းမြစ်များ

Samu 24:1

Ma mopamo Ala kava neʼmo mopamae. Muki ma mopafiʼmo haneʼniya yaʼmo agaiʼa yaʼageʼmo haneʼniye. Ma mopaʼe ma mopafi vayaʼeʼmo agaiʼa mopamo hanege agaiʼa vayaʼmo maige huʼnae.

Samu 68:29

Kini vayaʼmogimo mani mono nokaleʼmo eʼa fikumo neʼapamiya yaʼmo aliniʼeʼa nekamiye.

Samu 72:10

Sipeni koteʼmo yagaiʼnaya vayaʼmogiʼe muki solovala ani haigifiʼmo yagaiʼnaya vayaʼmogiʼeʼmo muki yaʼmo fiku alini eʼa amigae. Alepiya koteʼmo yagaiʼnaya vayaʼmogiʼe Itiyopiya koteʼmo yagaiʼnaya vayaʼmogiʼeʼmo ofalinimo fiku amigae.

Aiyeya 5:28

Keveʼapimoʼmo magoʼe huno akoʼya huʼnigeʼa hapaesayafeʼmo alo huʼa yagailiʼa egae. Hosiʼapimogi apaiya apayaʼmo apakinagomoʼmo lokiya yafakana huno hanege kame hisaya talalaʼapimoʼmo lusi kava huno nagu nagu huteno talala aiyaʼamoʼmo alino vego vego nehiya yasigana huno aino vego vego huge huʼniye.

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Maika 5:7

Ani afinaʼmo logufaʼa vayaʼmo Yekopu vayaʼmogimo asole nofi vayaʼmogi folagapiʼmo Ala kava netetiʼmo hapa neʼmaeya lao yakana huʼa maige kahauleʼmo koʼmo aigekana kavaʼmo huʼa maige hugae. Apakaemo mago vekamoʼmo hapa maesiyafeʼmo agava oʼmaige vayaʼmogimo hapa maesayafeʼmo apakava oʼmaige hugae.

Hamakaki 3:12

Kagaemo muki kotegaeʼmo kaipamo leʼnigeka mopafi umenitata nehukaeʼmo muki nofi vayaʼmo aeka lata paiʼnane.

1 Kolitiyani 16:2

Alisaya monifatiʼmo hogote afinaʼmo sateʼae sateʼaeʼmo lapamete lapamete hutapa alita fako hutapa Gotiʼa na magiʼmo lapamiʼnisifi ani kava hutapa alita fako hutapa maleme maleme viyo. Esugetapaeʼmo ofalini monieʼmo kahauya hutapa alita anupa hutapa oʼmalesayafeʼmo hemenigeʼmo malege malege hutapa maiyo.

Yasuva 6:19

Muki yaʼamo siluva letinagi goli letinagi haesa aeniletinagi afa aeniletinagi huʼa alo huʼnaya yaʼmo Ala kava neʼmo agaiʼa aote yaʼagekeʼmo haneʼniye. Aliniteta Ala kava neʼmo monimo maleʼnaya seli nopiʼmo malegaune, huno hapa paiʼniye.