Maika 4:10 - The Keyagana NT and 25 OT books

¹⁰ Saiyoni aʼmafaʼneyo, huʼna, Aʼnemogi mafaʼne aliʼa apatesayafeʼmo apakafu nekiya kava huno kagafu kino. Kagaemo taonimo atalekuka hiʼyagofa kotegamo maigane. Maiganaʼmofeʼmo aʼnemogimo mafaʼnemo aliʼa atesayafeʼmo nehaya afinaʼmo apakafu kiʼnigeʼa aiʼa afelo falo nehaya kavaʼmo huno kagafu kisigeka mafaʼnemo alika ato. Kame vayatapimogimo eʼa kavaleliʼa Mamiloni taonifiʼmo ugayaʼmonanafa ani taonifatiʼmo Ala kava neʼmoʼa kame vayatapimogi apayapatiʼmo miya faino hatu maeno kategaiye.

Maika 4:10 ပူးပေါင်းရင်းမြစ်များ

2 Sitoli 33:11

Oʼafiʼnayaʼmofeʼmo Ala kava neʼmoʼa Asiliya ami vayaʼaiteʼmo yagaiʼa apateʼnaya vayaʼe ati vayaʼeʼmo alino apateʼnigeʼa eʼa Yuta vayaʼeʼmo kamemo huteʼa huʼa aeʼa apaka seʼnae. Apakaemo Manaseʼmo atafauʼa agoʼya kapiʼmo hukumo ateteʼa ayatalapiʼmo haesa aeni seli nofitetiʼmo kiʼa ateteʼa avaleliʼa Mamiloni kotegamo uʼnae.

2 Sitoli 36:20

Mamiloni kini vekamo ami vayaʼamogi ohapaeʼnaya vayaʼmo apavalelinuno Mamiloni kotegamo apateʼniye. Apateʼnigeʼa aliʼyaʼamo alige kini vekamo mafaʼneʼamo aliʼyaʼamo alige hume hume neʼagenoʼaeʼmo Pesiya vayaʼmogimo uʼa yagaiʼa apateʼnae. Ala kava neʼmo geʼamo Yelemaiyaʼa afole aisiya kavafeʼmo avayafatiʼmo huʼniya gemo afole aisiyafeʼmo Isaleli vayaʼmogi mopaʼapileʼmo oʼmaiʼnageno sevetiʼa kafugamo mopaʼapimo kaʼme koʼmo haneʼniye. Ani mopaʼapileʼmo Sapati kavaʼmo afole aisiyafeʼmae.

2 Sitoli 36:23

Sailasiʼa Pelesiya kote kini vekamoʼmo hunoʼaeʼmo, Ala kava neʼmo kokuʼnapi Gotiʼa muki kini vayaʼmogi mopaʼaleʼmo yagaisuvafeʼmo namitenoʼaeʼmo, Kagaemo Yuta kotega Yulusalemu taonifiʼmo noʼnimo kika nato, huno naha paiʼniye. Inagi vayaʼafatiʼmo haiya vayaʼmogi uʼa haiʼa noʼamo kigae. Ala kava neʼmo Gotiʼapimoʼmo apakaeʼeʼmo magokepi lokaeno maigiye, huno hapa paiʼniye.

Samu 106:10

Agaemo kame vayaʼai apayapatiʼmo apakufamo ago alino katino apatetenoʼaeʼmo ani kava huno kame vayaʼapilegatiʼmo apavalelino eʼnigeʼa eʼa afaʼa maiʼnae.

Aiyeya 43:14

Ala kava neʼmoʼa miya faino hatu maeno lapateʼniya Gotitapimoʼmo Isaleli vayaʼmogi aote Gotiʼapimoʼmo ina gemo hunoʼaeʼmo, Nagaemo lapakaemo vayaʼnimo lapa maesuvafeʼmo ati vayaʼmo aliʼna apatesugeʼa uʼa Mamiloni vayaʼeʼmo kamemo hugae. Kamemo hapaesageʼapaeʼmo Mamiloni vayaʼmo ani apamogaga neʼaiya sipikopiʼmo uʼa haiteʼa koʼapimo ataleʼa apaune hegae.

Aiyeya 45:13

Nagaemo kini vekamo Sailasiʼmo fatago kavaʼniletiʼmo aliʼna he tiʼna ateʼnovanageʼna muki visiya kaʼmo aliʼna kanale huʼna valiʼna ategauve. Agaemo halate nagae taonimo kige vayaʼnimo afaʼa visayafeʼmo hatu maeno apatege hisiyafeʼmo miyaʼamo oʼaligiye. Asole vayaʼaiteʼmo yagaiʼna apateʼnova Ala kava neʼmoʼnamo mani gemo alagi huve.

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

Maika 5:3

Afole aigiyaʼmonanafa Gotiʼa vayaʼamo kame vayaʼapimogi apayapiʼmo apatesigeʼa maime maime neʼvisagenoʼaeʼmo mago a kanomoʼmo mago ve mafaʼnemo alino atesigeʼa ani mafaʼnemo nofi vayaʼamo logufaʼa Isaleli vayaʼmo Isaleli vayaʼaitegamo aiʼa atagineʼa egae.

Leveleseni 12:14

A kanomo uno kaʼme kotegamo maisiyafeʼmo alo huno ateʼniya kotegamo halelino visiyafeʼmo lole hakulaʼmo alopa namamo hilomo hakumo amiʼnigeno aliʼniye. Nagaloʼyavemoʼmo ohaesiyafeʼmo loleʼe magoʼe kafugafiʼe atupa kafugafiʼeʼmo yagaino atesigeno alagepa huno maisiya kotegamo halelino visiyafeʼmo hakumo amiʼniye.