Maika 3:5 - The Keyagana NT and 25 OT books

⁵ Goti gemo aeʼa hakalo huʼa hapa nepaiya vayaʼmogi Goti vayaʼamo hosu kateʼmo apavaleliʼa neʼvae. Ala kava neʼmoʼa ani vayaʼaifeʼmo apava gemo hunoʼaeʼmo, Apakaemo neʼyaʼmo neʼapamiya vayaʼaifeʼmo huʼapaeʼmo, Alagepa hutapa maigae, huʼa nehayaʼmonanafa neʼyaʼmo noʼapamiya vayaʼeʼmo kame hisayafeʼmo alo nehae, huno huʼniye.

Maika 3:5 ပူးပေါင်းရင်းမြစ်များ

Mai'naya kavane 28:21

Apakiʼapieʼmo apakesamo afige aliʼnaya yafeʼmo apakesamo afige alu ya alu yaʼapieʼmo apakesamo afige nehiya kavaʼmo kanale kavaʼmo nosae. Ani agufa kavaʼmo nehaya vayaʼmogi aise miyaʼmo alisayafeʼmo hosu kavaʼmo afaʼa hugae.

Maika 2:11

Mago aigofe aune vekamo humi neʼapateya vekamoʼmo aigofe aune gemo nehisiyana, nagaemo naune gemo huʼna ina ge huʼnaeʼmo, Lapakaemo asole nofi alagafati aniʼe miya aniʼeʼmo negae, huno hisiyaʼmoʼmo vayaʼmogimo ani agufa aune vekaeʼmo hapausigeʼa aune vekaʼapimo lekana paiʼa ategae.

Maika 3:11

Yulusalemu vayaʼaiteʼmo yagaiʼa apateʼnaya vayaʼmogi kutulu monimo alisayafeʼmo agoti gemo afiteʼa aliʼa fako nehae. Mono huʼa neʼapataya vayaʼmogimo miyaʼmo alisayafekeʼmo Goti gemo aliʼa apaya neʼmalae. Apaune gemo aeʼa hakalo huʼa hapa nepaiya apaune vayaʼmogimo monimo alisayafekeʼmo afole aisiya kavafeʼmo ava gemo nehae. Ani kavaʼmo nehayaʼmonanafa apakaemo Ala kava nekeʼmo atafauʼa kako kiliʼneʼa ina gemo huʼapaeʼmo, Ala kava neʼmoʼa lagaeʼeʼmo magokepi lokaeno maiʼniyanageno hosu kavaʼmo lagaeteʼmo afole oʼaigiye, huʼa nehae.

Malakai 2:8

Ani kavaʼmo hisaya kavaʼmo haneʼniyaʼmonanafa ani alagepa kavaʼmo ago ataletetapa hosu kavaʼmo huʼnageʼapaeʼmo asole vayaʼmo ataleʼa apagoʼya faiteʼa asagauʼa aiʼnae. Livaiʼeʼmo magokepi hu maleʼnova kotalakemo alita hosu hutapa ataleʼnae, huʼna lapa nepauve.

Matiyu 15:14

Afaʼa apateyo. Apaulagamo ali huʼnigeʼa alu vayaʼmo kaʼmo aliʼa ho huʼa apavaleliʼa neʼvaya vayane. Mago aulagamo ali huʼnisiya vekamoʼmo alu vekamo aulagamo ali huʼnisiya vekamo ayateʼmo alino avalelino visiyana magokepiʼmo uʼana kelifiʼmo asagauʼana aigaʼae, huno hapa paiʼniye.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.