Maika 2:4 - The Keyagana NT and 25 OT books

⁴ Ani hosu kavaʼmo afole aisiya afinaʼmo vayaʼmogimo lapakaemo lapamagisiya kavafeʼmo lapava gemo huteʼa huʼa faipa huʼa lapategae. Inagi apakaemo ina ge huʼa faiyosago yokemo huʼa aviʼyaʼmo hugae. Apakaemo huʼapaeʼmo, alagi lamagiʼa aliʼa hano huʼa lataleʼnae. Ala kava neʼmoʼa lagae mopamo alu nofi vayaʼmo alino apamiʼniye. Agaemo mopatimo alino fako huno Gotiʼa ataleʼa uʼnaya vayaʼmo apamiʼniye, huʼa hugae.

Maika 2:4 ပူးပေါင်းရင်းမြစ်များ

2 Sitoli 35:25

Gotitegati gemo alinineno aeno hakalo nehiya vekamo Yelemaiyaʼeʼmo Yosaiyafeʼmo yulagefa aino hau huno ateʼniye. Faliʼniya afinatetiʼmo yokemo nehaya ve aʼnemogimo Yosaiyafeʼmo ava gemo huʼa faiyosago yokemo hume hume eʼa hemeniʼeʼmo nehae. Isaleli vayaʼmogimo muki afinaʼmo ani faiyosago yokemo nehae. Ani faiyosago yokemo faiyosago yokemo haneʼniya mukufiʼmo haneʼniye.

Aiyeya 6:11

Inagi nagaemo ge huʼna afiʼnaeʼmo, Ala kava nene, huʼna, Nagaemo ani aliʼyaʼmo alime uʼna hainu afinaʼmo atalegauve, huʼna ge huʼna afi geʼnogenoʼaeʼmo geʼnileʼmo ina ge huno aeno atagaina hunoʼaeʼmo, Kagaemo aliʼyakamo alime alime neʼugeʼao muki taoniʼamo heʼa halagape vaisageno noʼageʼmo afaʼa hanesigeʼa vayaʼmo oʼmaige muki mopaʼamo hosuge huno hanegaiye.

Maika 1:15

Ala kava neʼmoʼa hunoʼaeʼmo, Malisa taonifi vayaʼmogitapae, huno, Nagaemo lapavaleliʼnuʼna kame vayatapimogi apayapiʼmo apamisugeʼa taonitapimo aligae. Isaleli taonimo ha le konali taonimo eʼa Aʼnalami taonifiʼmo kame vayatapimogi oʼaligae.

Maika 1:8

Inagi Maikaʼmo hunoʼaeʼmo, Ani kavaʼmo afole aigiyaʼmofeʼmo naipafiʼmo nahau huʼna yulagefaʼmo aiguve. Yulagefaʼmo neʼaiʼnaeʼmo kukena yaʼnimo asagiʼna ataleʼna suʼmo oʼvaiʼna umenitata huguve. Nagaemo afela kalamoʼa age neʼaiya agufa kavaʼmo huʼna naipafiʼmo nage aige kataluʼmefa anagaʼmogimo yulagefa aigekana apakemo neʼaiya agufa kavaʼmo huʼna yulagefa aiguve.

Maika 2:10

Ani koteʼmo maitapa hagalesaya koʼmo ohaneʼniyaʼmofeʼmo he titapa ataleta viyo. Lapakaemo hosu kavatapiletiʼmo ani koʼmo alita hosu hutapa ateʼnayanageno ani koʼmoʼa alagi alino hosu huno lapategaiye.

Hamakaki 2:6

Aeno apaka seʼniya vayaʼmogimo huʼa faipa huʼa ategae. Apakaemo kalafefa gefatiʼmo huʼa aliʼa afepi ateteʼapaeʼmo, Vaehae, huʼa, kumayaʼmo aliteno kagemi yaʼaʼe vekamoʼmo hamaleʼniyanageno hanageke yaʼmo aligiye. Na magi afinaʼmo ani kavaʼmo hugiye. Goli yafaʼmo kalipa mopagana huno lusi kana yaʼmo aliʼniye.

Sefanaiya 1:2

Sefanaiyaʼmo ina gemo hunoʼaeʼmo, Ala kava neʼmoʼa ina ge huʼniye, Nagaemo muki ma mopafi haneʼniya yaʼmo alagikeʼmo aliʼna hano huʼna atalegauve, huno huʼniye.

Napa 23:18

Agaemo ani aune gemo hunoʼaeʼmo, Melakigamo Sipo mafaʼnemogamo, he tika geʼnimo afiyo.

Napa 23:7

Melamiʼmo ani agufa aune gemo aeno hakalo huno hapa painoʼaeʼmo, Melakiʼmo Movapu kini vekamoʼmo yegemo haine neʼeya haopalegamo Siliya kotega aveletiʼmo navaleʼnigeʼna eʼnove. Agaemo naha painoʼaeʼmo, Kagaemo eka nagaetefeʼmo Isaleli vayaʼaifeʼmo lifana huka apato. Lifana vayane, huka huvo, huno naha paiʼniye.

Napa 24:15

Inagi agaemo ani aune gemo aeno hakalo hunoʼaeʼmo, Mani geʼnimo afiyo. Nagaemo Melamiʼnamo Miyo mafaʼnemae. Naulagamo haleʼnigeʼna alagepa huʼna ageʼnove.

Napa 24:3

Agaemo aune gemo aeno hakalo hunoʼaeʼmo, Mani geʼnimo afiyo. Nagaemo Melamiʼnamo Miyo mafaʼnemae. Naulagamo haleʼnigeʼna alagepa huʼna ageʼnove.

Maki 12:12

Hapa paiʼnigeʼa afiteʼapaeʼmo, ani aeno kalafefa gemo lagaefeʼmo huʼniye, huʼa huteʼa atafauʼa kalavusi huʼa atesayafe huʼnayaʼmonanafa muki vayaʼaifeʼmo koli huʼnayaʼmofeʼmo ataleʼa uʼnae.