Maika 2:11 - The Keyagana NT and 25 OT books

¹¹ Mago aigofe aune vekamo humi neʼapateya vekamoʼmo aigofe aune gemo nehisiyana, nagaemo naune gemo huʼna ina ge huʼnaeʼmo, Lapakaemo asole nofi alagafati aniʼe miya aniʼeʼmo negae, huno hisiyaʼmoʼmo vayaʼmogimo ani agufa aune vekaeʼmo hapausigeʼa aune vekaʼapimo lekana paiʼa ategae.

Maika 2:11 ပူးပေါင်းရင်းမြစ်များ

Mai'naya kavane 25:14

Mago vekamoʼmo fikumo kaha maeʼna kamiguve, huno huteno nokamiya vekamo hiya kige yasi alige nehiyaʼmonanafa ko noʼaiya kavakana huno maiʼniye.

Maika 3:11

Yulusalemu vayaʼaiteʼmo yagaiʼa apateʼnaya vayaʼmogi kutulu monimo alisayafeʼmo agoti gemo afiteʼa aliʼa fako nehae. Mono huʼa neʼapataya vayaʼmogimo miyaʼmo alisayafekeʼmo Goti gemo aliʼa apaya neʼmalae. Apaune gemo aeʼa hakalo huʼa hapa nepaiya apaune vayaʼmogimo monimo alisayafekeʼmo afole aisiya kavafeʼmo ava gemo nehae. Ani kavaʼmo nehayaʼmonanafa apakaemo Ala kava nekeʼmo atafauʼa kako kiliʼneʼa ina gemo huʼapaeʼmo, Ala kava neʼmoʼa lagaeʼeʼmo magokepi lokaeno maiʼniyanageno hosu kavaʼmo lagaeteʼmo afole oʼaigiye, huʼa nehae.

Maika 3:5

Goti gemo aeʼa hakalo huʼa hapa nepaiya vayaʼmogi Goti vayaʼamo hosu kateʼmo apavaleliʼa neʼvae. Ala kava neʼmoʼa ani vayaʼaifeʼmo apava gemo hunoʼaeʼmo, Apakaemo neʼyaʼmo neʼapamiya vayaʼaifeʼmo huʼapaeʼmo, Alagepa hutapa maigae, huʼa nehayaʼmonanafa neʼyaʼmo noʼapamiya vayaʼeʼmo kame hisayafeʼmo alo nehae, huno huʼniye.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

Filipai 3:19

Atupa afinaʼapimo Gotiʼa alino apagoʼya lagauno apatalesigeʼa alagi afela hegae. Apakaemo neʼyafekeʼmo lusi kava huʼa apakesamo neʼafiya yaʼmo gotiʼapimoʼae. Apavagage hisiya yafekeʼmo amuse huʼa neʼatae. Ma mopafi yatefekeʼmo apaipa apakesamo aliʼa atageno neʼviyaʼmonanafa

1 Yoni 4:1

Nahauʼniya vayaʼnimogitapae, huʼna, Asole aigofe vayaʼmogi gemo aeʼa hakalo huʼa hapa nepaiya vayaʼmo muki ma mopafiʼmo umenitata nehae. Umenitata nehayanagi lama gemo nehae, huta oʼafitapa alagepa huta alita fako hutapa afitetapaeʼmo, Gotitegatiʼmo eʼnafi oʼmeʼnafi, hutapa afiyo.