Maika 1:8 - The Keyagana NT and 25 OT books

⁸ Inagi Maikaʼmo hunoʼaeʼmo, Ani kavaʼmo afole aigiyaʼmofeʼmo naipafiʼmo nahau huʼna yulagefaʼmo aiguve. Yulagefaʼmo neʼaiʼnaeʼmo kukena yaʼnimo asagiʼna ataleʼna suʼmo oʼvaiʼna umenitata huguve. Nagaemo afela kalamoʼa age neʼaiya agufa kavaʼmo huʼna naipafiʼmo nage aige kataluʼmefa anagaʼmogimo yulagefa aigekana apakemo neʼaiya agufa kavaʼmo huʼna yulagefa aiguve.

Maika 1:8 ပူးပေါင်းရင်းမြစ်များ

Esata 4:1

Motekaiʼa afole aiʼniya kavafeʼmo ava gemo afitenoʼaeʼmo kukenaʼamo alino apake aino ataleteno hosu ulale kukenamo alino vaiteno laʼnefamo alino faletenoʼaeʼmo aipafatiʼmo atu haeʼnigeno alopa gefatiʼmo faiyosago yokemo hulino taonifilagamo uno haiʼniye.

Aiyeya 32:11

Afa aʼne anaganagi atete hiyo. Afole aisiya kavafeʼmo lapakesamo noʼafiya aʼne anaganagi lapaipamoʼmo kana hino. Kukena yatapimo asagitapa maleteta kogu kukenamo alita vaiyo.

Maika 2:4

Ani hosu kavaʼmo afole aisiya afinaʼmo vayaʼmogimo lapakaemo lapamagisiya kavafeʼmo lapava gemo huteʼa huʼa faipa huʼa lapategae. Inagi apakaemo ina ge huʼa faiyosago yokemo huʼa aviʼyaʼmo hugae. Apakaemo huʼapaeʼmo, alagi lamagiʼa aliʼa hano huʼa lataleʼnae. Ala kava neʼmoʼa lagae mopamo alu nofi vayaʼmo alino apamiʼniye. Agaemo mopatimo alino fako huno Gotiʼa ataleʼa uʼnaya vayaʼmo apamiʼniye, huʼa hugae.

1 Samiyo 19:24

Agaeʼeʼmo kini kukena yaʼamo asagino ataleʼneno Gotitegati gemo alinineno Samiyo aulagaleʼmo aeno hakalo huteno felugaʼe haniʼilagaʼeʼmo agufaʼalagaʼageʼmo havaeno maiʼniye. Ani agufa kavaʼmo huʼniyaʼmofeʼmo vayaʼmogi ani gemo huʼapaeʼmo, Soloʼeʼmo Gotitegati gemo aliniʼneʼa aeʼa hakalo nehaya vayapatiʼmo maiʼnifiye, huʼa nehae.