Maika 1:2 - The Keyagana NT and 25 OT books

² Maikaʼa ani gemo hapa painoʼaeʼmo, Muki nofi vayaʼmogitapamo mani gemo afiyo. Lapakaemo muki ma mopafi vayaʼmogitapamo Goti geʼamo lapaketafo hutapa afiyo. Ala kava neʼmo Gotiʼa alino fako huno agoti huno lapategaiye. Ala kava neʼmo aote mono noʼafiʼmo maiʼnenoʼaeʼmo hosu kavatapimo ageʼniyanageno agoti huno lapategaiye.

Maika 1:2 ပူးပေါင်းရင်းမြစ်များ

2 Sitoli 18:27

Mikaiyaʼa ha painoʼaeʼmo, Kagaemo alagepa huka maiʼneka aika atagineka esanagenoʼaeʼmo Ala kava neʼmoʼa navayafatiʼmo kaha opaiʼniyesine, huno ha paiteno, mukiʼamogitapae, huno, alagepa hutapa mani gemo afiyo, huno huʼniye.

Samu 11:4

Gotiʼa kokuʼnapiʼmo maiʼnenoʼaeʼmo aote mono noʼafiʼmo fai maiʼniye. Gotiʼa yagaino neʼapateya siyateʼmo fai maiʼnenoʼaeʼmo ma mopafi muki vayaʼmo apakeno alagepa huno apakeʼneno alino fako huno neʼapate.

Samu 24:1

Ma mopamo Ala kava neʼmo mopamae. Muki ma mopafiʼmo haneʼniya yaʼmo agaiʼa yaʼageʼmo haneʼniye. Ma mopaʼe ma mopafi vayaʼeʼmo agaiʼa mopamo hanege agaiʼa vayaʼmo maige huʼnae.

Samu 28:2

Nagaemo kagaefeʼmo keya aeʼna aukaya hisuva gemo afiyo. Nagaemo nunumuʼmo nehuʼnaeʼmo kagae aote mono noʼmo haneʼniya yategamo nayaʼmo aliʼna asaga hisuva afinaʼmo geʼnimo afiyo.

Samu 50:1

Gotiʼa Ala kava neʼmo lokiyaʼaʼe vekamoʼmo ge huʼniye. Agaemo yegemo haine neʼeya kotegamo maiʼnaya vayaʼe yegemo uno lamino nefaleya kotegamo maiʼnaya vayaʼefeʼmo keya aeno ge huʼniye. Muki ma mopafi vayaʼaifeʼmo keya aeno ge huʼniye.

Samu 50:12

Ma mopaʼe muki ma mopafi vayaʼe yaʼeʼmo nagaiʼni vayaʼmo maige yaʼmo hanege huʼniyaʼmofeʼmo naga tesigeʼnaeʼmo lapa opaiguve.

Samu 50:7

O vayaʼnimogitapae, huʼna, afiyo. Nagaemo gemo hugesuve. O Isaleli vayaʼmogitapae, huʼna, Nagaemo agoti huʼna lapategauve. Nagaiʼnigeʼmo alagi Gotiʼnamo maiʼnove. Gotitapimoʼnamo maiʼnove.

Mai'naya kavane 8:4

O vemogitapae, huʼna, lapakaefeʼmo ge nehuve. Nagaemo muki ve mafaʼneʼaifeʼmo ge nehuve.

Aiyeya 1:2

Ala kava neʼmoʼa hunoʼaeʼmo, Kokunapi vayanagi ma mopafi vayanagi hutapa geʼnimo afiyo. Ala kava neʼmoʼnamo nagemo aiʼna gemo ago hu maleʼnovaʼmofeʼmo afiyo. Nagaemo mafaʼneʼnimo alagepa huʼna yagaiʼna apateʼnovaʼmonanafa yagaiʼna apateʼnova vekamoʼna geʼnimo oʼafiʼnae.

Aiyeya 50:7

Ala kava neʼmo Gotiʼa maigiyaʼmofeʼmo aeʼa oʼnagasesageno ala nagiʼnimo afaʼa hanegaiye. Hanegaiyaʼmofeʼmo naipamo aliʼna lokiya vaiʼna ateʼnove. Ago afiʼnovana navagage osugiye.

Yona 2:7

Ala kava nene, huʼna, Falisuva agufa naipamo kaliʼniye, huʼna huteʼna kagaefekeʼmo nagesamo afiʼna ho huteʼna nunumuʼmo huʼnova geʼnimoʼmo kagae aote mono nopiʼmo uno haiʼniye.

Yona 2:8

Aigofe gotiʼapimogitefeʼmo mono nehaya vayaʼmo kahau huka apatesana Gotigamo ago kataleʼnae.

Hamakaki 2:20

Afaʼa maisaya yaʼapimo alagi ohaneʼniyaʼmonanafa Ala kava neʼmo aote mono noʼafiʼmo maiʼniye. Muki ma mopafi vayaʼmogitapamo etapa aulagaleʼmo ge osuta afaʼa maiyo.

Malakai 2:14

Lapakaemo hosu kavaʼmo ago huʼnayaʼmonanafa na kava higenoʼaeʼmo ani kavaʼmo nehiye, hutapa nehae. Lapakaemo veyalave kotalakemo amagitapa ataletetapa neyatapileʼmo aliʼnaya aʼnemo hapafaitapa apataleʼnagenoʼaeʼmo Ala kava neʼmoʼa lapakaefeʼmo faigoko gemo huʼniyaʼmofeʼmae. Lapakaemo apakaeʼeʼmo magokepi kotalakemo ago hu maletageʼapaeʼmo ani aʼne anagaʼmo lapakaeʼeʼmo umenitata huʼnayaʼmonanafa halate hapafaitapa apataleʼnae.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Leveleseni 2:11

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Napa tu afinaʼmo nefaliya kavaʼmoʼa kamemo huʼa aeʼa neʼapakasaya vayaʼmo afaʼa ohapaegaiye.

Leveleseni 2:17

Agesamo haneʼnisiya vekamoʼmo Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Nagaemo kamemo huʼa aeʼa apakasaya vayaʼmo kokuʼnapi fala kino haneʼniya neʼyaʼmo agiʼamo mana neʼyaʼmo apamiguve. Apamiteʼna yaveyave yafateʼmo saufa agiʼamo avoʼmo kaeʼna apamiguve. Ani saufa agiʼamo muki vayaʼmogimo oʼafisageʼa ani yafaʼmo aliʼnisaya vayaʼamogigeʼmo afigae.

Leveleseni 2:29

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino.

Leveleseni 2:7

Apakesamo haneʼnisiya vayaʼmogi Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afiyo. Nagaemo kamemo huʼa aeʼa neʼapakasaya vayaʼaifeʼmo, Afaʼa maisaya yaʼmo neʼapamiya yosa alagamo Goti hoyamo agiʼamo Palanaisi hoya folagapiʼmo haneʼniya yosa alagamo etapa afaʼa lagita neyo, huʼna hapa paiguve, huno naha paiʼniye.

Leveleseni 3:13

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino.

Leveleseni 3:22

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino, huno hapa paiʼniye.

Leveleseni 3:6

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino.