Luti 4:10 - The Keyagana NT and 25 OT books

¹⁰ Ago miya fauvaʼmofeʼmo Lutiʼmo nagae aʼmo maiye. Maloniʼa ani a kanomo Movapu kotega a kanomo aliʼniyatetiʼmo ago ataleno faliʼniya a kanomo nagaemo ago aluve. Aluvaʼmofeʼmo Maloni anaga vayaʼai mopamo hanegaiye. Maloni anaga vayaʼmo faliʼa hano osuʼa maige maige huʼa maigae. Hemenimo lapakaemo mani nehuva kavaʼmo ago ageʼnae, huno hapa paiʼniye.

Luti 4:10 ပူးပေါင်းရင်းမြစ်များ

Aepa Gemae 29:27

Hemenimo veyalave maisayafeʼmo magoke salemo neʼyaʼmo neʼa maigae. Ani salemo hano hutesigekaeʼmo aganaʼamoʼeʼmo aligane. Kagaemo magoʼe huka seveniʼa kafugamo aliʼyaʼnimo alitesanageta Lesoʼmo avaleta kamisunageka aligane, huno ha paiʼniye.

Aepa Gemae 38:9

Onaniʼa, aliʼna atesuva mafaʼnemo nagaiʼni mafaʼnemo oʼmaigiye, huno agesamo afiʼniyaʼmofeʼmo lokaeʼana havaeʼnaʼa afinaʼmo aniʼamo neʼegenoʼaeʼmo alino ataleʼniye. Nepuʼamo mafaʼnemo alino oʼapatesiyafeʼmo ani kavaʼmo huʼniye.

Samu 34:16

Neʼafiyaʼmonanafa hosu kavaʼmo nehaya vayaʼaifeʼmo kame huno apateʼnigeʼa faliʼnagenoʼaeʼmo ago apake nekaniye.

Mai'naya kavane 18:22

Mago vekamoʼmo agaiʼaleʼmo maisiya a kanomo kahauya huno agesiyaʼmoʼmo alagepa yaʼmo kahauya huno ageno aligiyaʼmofeʼmo Ala kava neʼmoʼa haoke hegaiye.

Mai'naya kavane 19:14

Vayaʼmogimo afoʼapimogi kagemi yaʼe noʼeʼmo neʼaliyaʼmonanafa Ala kava netetiʼmo alagepa kavaʼmo hisiyafeʼmo ageʼniya a kanomo neʼaliye.

Malakai 2:14

Lapakaemo hosu kavaʼmo ago huʼnayaʼmonanafa na kava higenoʼaeʼmo ani kavaʼmo nehiye, hutapa nehae. Lapakaemo veyalave kotalakemo amagitapa ataletetapa neyatapileʼmo aliʼnaya aʼnemo hapafaitapa apataleʼnagenoʼaeʼmo Ala kava neʼmoʼa lapakaefeʼmo faigoko gemo huʼniyaʼmofeʼmae. Lapakaemo apakaeʼeʼmo magokepi kotalakemo ago hu maletageʼapaeʼmo ani aʼne anagaʼmo lapakaeʼeʼmo umenitata huʼnayaʼmonanafa halate hapafaitapa apataleʼnae.

Efasasi 5:25

Anauʼapimogitapae, huʼna, Kalaisiʼa siosi vayaʼaifeʼmo hau ayamopafiʼmo hauʼnigenoʼaeʼmo falino apateʼniya kava hutapa aʼnetapieʼmo lapau lapayamopafiʼmo lapaino.

Himulu 13:4

Muki vayaʼmogimo aʼmo alige veleʼmo maige nehaya kavaʼmoʼa oʼaniʼya kavaʼmo ohaneʼnifa ala agi kavaʼmo haneʼniye. Haneʼniyaʼmonanafa Gotiʼa kumai kavaʼmo nehaya vayaʼe yafaʼmo nehavaya vayaʼeʼmo agoti huno apategaiye

Yasuva 7:9

Kenani vayaʼe muki alu vayaʼmo mani koteʼmo maiʼnaya vayaʼmogiʼeʼmo ani kavafeʼmo ava gemo afiteʼapaeʼmo faiʼa vego huʼa lateʼneʼa mukiʼamo kamitimo lahaegae. Ani afinaʼmo ala kagikalefeʼmo na agufa kavaʼmo hugane, huno nunumuʼmo huʼniye.

Luti 4:9

Movasiʼa neʼyagaiya vayatama vayaʼe muki vayaʼefeʼmo hunoʼaeʼmo, Mukiʼamogitapamo ani kavaʼmo ago ageʼnae. Hogoteno Neyomiʼa Elimeleki yatenagi Kiliyoni yatenagi Maloni yatenagi huno muki yaʼapileʼmo yagaiʼniye. Hemenimo nagaemo muki yaʼapimo ago miya fauve.