Luti 4:1 - The Keyagana NT and 25 OT books

¹ Movasiʼa taonimo yafa lafi kegiʼyaleʼmo aliʼa anupa huʼa neʼmaiya yateʼmo uno itopaleʼmo maiʼniye. Maiʼnigeno mago vekamo Elimeleki nofi vayapati vekaeʼmo Movasiʼa ava gemo huʼniya vekamo eʼnigeno ageteno Movasiʼa keya aeno ge hunoʼaeʼmo, Veʼnimo, huno, Eka manileʼmo itopaleʼmo maiyo, huno ha paiʼnigeno eno itopaleʼmo maiʼniye.

Luti 4:1 ပူးပေါင်းရင်းမြစ်များ

Aepa Gemae 19:1

Lotiʼa uneʼmo Satomi taonile yafa lafi kegiʼyamo alopa kipateʼmo fai maiʼnigeʼanaeʼmo lole enisole vekalaʼmo Emalehamutegamo eʼnaʼa vekalaʼmo agaetegamo eʼnaʼageno anaketenoʼaeʼmo he tino uno anakaeteʼmo aleʼyaʼmo faino ape huʼniye.

Aepa Gemae 23:10

Efaloniʼa Hiti mafaʼnemogi folagapiʼmo fai maiʼneno muki ani Hiti mafaʼne anagaʼai apaulagaleʼe taoniʼamo kegiʼya kipatetiʼmo eʼa hai eʼnaya vayaʼai apaulagaleʼeʼmo Emalehamufeʼmo ha painoʼaeʼmo,

Aepa Gemae 34:20

Hamoʼe mafaʼneʼamo Sekemiʼeʼmo taonimo lafi kegiʼya kipateʼmo uʼana taonifiʼmo maiʼnaya vayaʼaifeʼmo hapa paiʼanaeʼmo,

2 Sitoli 18:9

Isaleli kini vekamoʼe Yuta kini vekamo Yihosafatiʼeʼmo kini kukenaʼanileʼmo konali aliʼana ateteʼana anakaemo kini siyaʼanileʼmo fai maiʼnaʼae. Anakaemo vayaʼmogimo vitimo haletiʼyaʼamo haleʼa ataleteʼa neʼyaʼamo neʼaliya yateʼmo fai maiʼnaʼageno Sameliya taonile kegiʼyamo alopa kipaʼmo malagamo haneʼniye. Anaulagaleʼmo apaune vayaʼmogimo lole kini vekalafeʼmo apaune gemo hanaopaletiʼmo aeʼa hakalo huʼnae.

Samu 69:12

Kateʼmo aliʼa anupa huʼa maiʼnaya vayaʼmogi huʼa faipa huʼa nateʼnae. Alopa aniʼmo neteʼa negi nagi gemo nehaya vayaʼmogimo nagaefeʼmo yokemo nehae.

Mai'naya kavane 31:23

Vayatama vayaʼmogimo anauʼamoʼmo ala agimo amiʼnae. Anauʼamoʼmo vayatama vayaʼeʼmo magokepi lokaeno neʼmaiya vekamo maiʼniye.

Aiyeya 55:1

Ala kava neʼmoʼa hunoʼaeʼmo, Hae, huno, muki vayaʼmo anifeʼmo lapauʼnisiya vayaʼmogitapae, huno, anitegamo eyo. Monitapimo ohaneʼnisiya vayaʼmogitapamo eta miya faitapa neyo. He, eta nofi alagafati aniʼe pulumakamo nuʼaʼeʼmo moniletiʼmo miya ofaitapa fiku aliyo, huno hapa nepaiye.

Yasuva 20:4

Amagiʼniya kavaʼmo anonaʼalefeʼmo amagisiyafeʼmo hauʼnisiya vekamoʼmo oʼamagisigeno ani taonifiʼmo afaʼa uno maigiye. Fikumo kamiti amagiʼniya vekamo aune hetaleno uno taonile yafa lafi kegiʼyamo kipateʼmo ani taonifi vayatama vayaʼaifeʼmo hapa painoʼaeʼmo, mago vekamo fikumo amagiʼnove, huno ava gemo huno hapa paisigeʼa afitesageno apakaeʼeʼmo magokepi lokaeno maisiyafeʼmo avaleliʼa uʼa haiʼa taonifilagamo ategae.

Luti 3:12

Negafokamoʼnamo maiʼnovanageʼna miya faiʼna hatu maeʼna katesuva vekamo maiʼnovaʼmonanafa mago hogote vekamo negafokamoʼmo maitegeʼna agae akamelegati vekamo nagaemo maiʼnove.

Luti 3:18

Neyomiʼa hunoʼaeʼmo, ani kavafeʼmo kahausoli osuka haiya kavaʼmo afole aisifigi aise afinaʼmo afaʼa agava maiyo. Movasiʼa hemenimo afaʼa oʼmaiʼnegaifa ani kavaʼmo alino alagepa huno neʼategaiye, huno ha paiʼniye.