Luti 2:13 - The Keyagana NT and 25 OT books

¹³ Ha paiʼnigeno Lutiʼa hunoʼaeʼmo, Nagaemo ina agufa a kanomo maiʼneʼna kagae aliʼyaʼmo noʼaluva a kanomo maiʼnovaʼmonanafa kaipamoʼmo falu huka nateʼnane. Aise gemo nehana geʼmoʼmo alika lokiya vaika neʼnatane, huno ha paiʼniye.

Luti 2:13 ပူးပေါင်းရင်းမြစ်များ

Aepa Gemae 32:6

Apa vayaʼmo ago eʼa Yekopufeʼmo ha paiʼapaeʼmo, Huʼnana gekamo uta nepukamoʼmo Isofeʼmo ha paiʼnonageno agaeʼe fo hataletiʼa vayaʼeʼmo neʼayanageta uta fotu hugune, huʼa ha paiʼnae.

Aepa Gemae 33:10

Yekopuʼa hunoʼaeʼmo, Haʼao, kahaoke hovanagi, alagepa huka kaipamo namisanaʼmoʼmo inagi fikumo nekamuva yaʼmo afaʼa aliyo. Nagaemo Goti augosafiʼmo agegekana huʼna kagae kaugosafiʼmo kageʼnove. Kagaemo nagaefeʼmo amuse huʼnisanaʼmoʼmo afaʼa aliyo.

Aepa Gemae 33:15

Isoʼa hunoʼaeʼmo, lapakaeʼeʼmo magokepi visayafeʼmo mago nagaeʼeʼmo eʼnaya vayapatiʼmo apategauve, huno huʼnigeno Yekopuʼa hunoʼaeʼmo, Ala vekaʼniye, huno, na agufa aliʼyaʼapimo haneʼniye. Kagaemo amuse hisanana kanalene, huno ha paiʼniye.

Aepa Gemae 33:8

Isoʼa Yekopufeʼmo, Na kavatefeʼmo muki vayaʼe yuna afuʼeʼmo alika apateʼnanageʼa nagaetegamo eʼnae, huno ge huno afi geʼnigenoʼaeʼmo, Ala vekaʼniye, huno, Alagepa kaipamo kalika natesanafeʼmae, huno ha paiʼniye.

Aepa Gemae 34:3

Sekemiʼa Yekopu a mafaʼnemo Nainafeʼmo lusi kava huno hau ayamopafiʼmo hauʼniyaʼmofeʼmo hausifi agufa gemo ha paiʼniye.

Aepa Gemae 43:14

Nunumu nehuva geʼnimo haneʼniyana muki lokiyaʼamo haneʼniya Gotiʼa ani vekamo aipa agesamo alino he tino atesigeno hau huno lapatetenoʼaeʼmo Simiyoniʼe Menisemaniʼeʼmo afaʼa anatesigeʼana nagaetegamo egaʼae. Mafaʼneʼnimo afela hesayaʼmoʼmo kanalene afaʼa afela hegaiye, huno huʼniye.

Mai'naya kavane 15:33

Ala kava nefeʼmo koli nehaya kavaʼmoʼa afiʼa aeto hisaya kavaʼmo alino apaya neʼmale. Apakiʼapileʼmo aliʼa afepi neʼataya kavatetiʼmo akamelegaʼamo ala apakiʼapimo aligae.

Filipai 2:3

Lapakaitapiekeʼmo lapakesamo afitapa lapakitapileʼmo alita asaga hisayafeʼmo mago kavaʼmo alagi osiyo. Lapakufamo alita afepi atetetapa konagatapieʼmo, alagepa vayaʼmogeʼa ago aeʼa lagaseʼa maiʼnae, hutapa lapakesamo afiyo.

Luti 2:12

Ala kava neʼmoʼa kaha maeno kamisigeka maiyo. Kagaemo eka Ala kava neʼmo Isaleli vayaʼai Gotiʼapimo hakufiʼmo fala kiʼnananageno alagepa huno yagaino kategaiye, huno ha paiʼniye.

Luti 2:14

Neʼyaʼmo neʼneʼapaeʼmo Movasiʼa Lutifeʼmo hunoʼaeʼmo, Eka peleti mayamo alika nofi alagafati anipiʼmo aeteka no, huno ha paiʼniye. Lutiʼa aliʼyaʼmo neʼaliya vayaʼeʼmo itopaleʼmo maiʼnagenoʼaeʼmo Movasiʼa mali alagamo ago kae maleʼnaya mali alagamo alino amiʼnigeno neno amu hutegenoʼaeʼmo mago neʼyaʼamo afaʼa haneʼniye.

1 Samiyo 1:18

agaemo hunoʼaeʼmo, Nagaemo aliʼyakamo neʼaluva aʼmo maiʼnove. Fikumo naha maeka namisanafeʼmo nahauʼniye, huno ha paiteno ataleno uʼniye. Agaemo neʼyaʼmo netenoʼaeʼmo henagaʼamo magoʼe huno aipamoʼmo kana osuʼniye.

1 Samiyo 25:41

Amigeʼmo ani gemo afitenoʼaeʼmo he tino aleʼyamo faiʼneno ape huʼniye. Agaemo hunoʼaeʼmo, Nagaemo agaeteʼmo afa aliʼyaʼmo neʼaluva akanokana huʼna maiʼnove. Nagaemo ani ala vekaʼnimo aliʼyaʼamo neʼaliya vayaʼai apaiyamo sese huguve, huno huʼniye.