Luti 2:12 - The Keyagana NT and 25 OT books

¹² Ala kava neʼmoʼa kaha maeno kamisigeka maiyo. Kagaemo eka Ala kava neʼmo Isaleli vayaʼai Gotiʼapimo hakufiʼmo fala kiʼnananageno alagepa huno yagaino kategaiye, huno ha paiʼniye.

Luti 2:12 ပူးပေါင်းရင်းမြစ်များ

Samu 17:8

Vayaʼmogimo apaulagaleʼmo alagepa huʼa neʼyagaiya kava huka yagaika nato. Kahakumo ulunapiʼmo alika fala kika nato.

Samu 19:11

Gekamoʼmo, ehekae, huno nehigeʼnaeʼmo aliʼyakamo neʼaluva vekamoʼnamo afiteʼnaeʼmo atete nehuve. Gekamo akame nehaya vayaʼmogimo alopa miyaʼapimo aligae.

Samu 36:7

O Gotiyo, huʼna, olataleka lagaefeʼmo kahau kayamopafiʼmo kahauʼniya kavakamoʼmo kanale alagepa kavaʼmo haneʼniyaʼmofeʼmo lahauʼniye. Kagaefeʼmo alita amufa kamiʼnonaʼmofeʼmo kahakumo auneʼafiʼmo uta fala kita neʼmaune.

Samu 57:1

O Gotiyo, huʼna, kahau huka nato. Nagupi mafaʼnemoʼa kagaefeʼmo alino amufa nekamiye. Nagaemo kahakumo ulunapiʼmo alagepa huʼna fala kiʼna maime maime neʼvisugenoʼaeʼmo mani hanageke yaʼmoʼmo aeno naga seno nataleno ugiye.

Samu 58:11

Vayaʼmogimo ina ge huʼapaeʼmo, Fatago vayaʼmogimo alagepa miyaʼapimo alagikeʼmo aligae. Gotiʼa ma mopafi vayaʼmo alagikeʼmo alino fako nehiye, huʼa hugae.

Samu 61:4

Nagaemo alagepa seli nokafiʼmo muki afinaʼmo maige maige huʼna maiguve. Nagaemo kahakufiʼmo fala kiʼna maisuvafeʼmo aliʼna amufa kamiguve.

Samu 63:7

Naha maeʼnanaʼmofeʼmo kahakufiʼmo maiʼneʼnaeʼmo namogaga aiguve.

Samu 91:4

Agaemo hakumo alino atalelineno hakufiʼmo alino fala kino katesigeka alagepa huka hakufiʼmo fala kika maigane. Lama geʼamoʼmo kagae halegukana huno haneʼneno yagaino katesigeka maigane.

Mai'naya kavane 11:18

Hosu vekamoʼmo aliʼyaʼaletiʼmo miyaʼamo hano hisiya miyaʼmo aligiyaʼmonanafa avina yaʼmo nehakalaya kava huno fatago kavaʼmo huʼniya vekamoʼmo henagaʼamo alagi alagepa miyaʼmo aligiye.

Mai'naya kavane 23:18

Ma mopafiʼmo alagepa huʼa neʼmaiya kavaʼmo alagi hano hugiyaʼmonanafa afole aigiye, huka kavayagunagu nehana kavaʼmo alagi afole aigiye.

Matiyu 23:37

Yulusalemu taoniyo, Yulusalemu taoniyo, huʼna, Gotiʼa agaetegati gemo alini eʼa aeʼa hakalo huʼa hapa nepaiya vayaʼmo alino apateʼnigeʼa neʼagekaeʼmo kamitimo apamagige apa vayaʼmo yafa kayotetiʼmo apamagige nehane. Kokolemogimo apanaʼaumo apavaleliʼeʼa hapakufiʼmo apati kaeʼa neʼmaiya kava huʼna muki afinaʼae afinaʼaeʼmo mafaʼnekamo apavaleliʼneʼna hapau vaisuvafeʼmo nahauʼniyaʼmonanafa okahauʼniye.

Matiyu 5:12

Alopa miyatapimo kokuʼnapiʼmo lapateʼniya miyatapimo aligayaʼmofeʼmo lapaipafiʼmo alagepa huta lapamogaga aiyo. Apakaemo hogoteʼa ani agufa kavaʼmo huʼa maiʼnaya vayaʼmogimo Gotitegati gemo alini eʼa aeʼa hakalo huʼa hapa nepaiya vayaʼaifeʼmo apaini huʼa apateʼnayaʼmofeʼmo lapamogaga aiyo.

Matiyu 6:1

Ehetapiye, huʼna, Vayaʼmogimo lapakesayafeʼmo apaulagaleʼmo vayaʼmo hapa maesaya agufa kavaʼmo osiyo. Hisagenoʼaeʼmo kokuʼnapi afotapimoʼmo miyatapimo olapamigiye.

Luki 6:35

Lapakaemo kame vayatapieʼmo lapau lapayamopafiʼmo lahapauʼnisigetapa alagepa kavaʼmo huteta anonatapileʼmo halate alisayafeʼmo lapakesamo oʼafita fikumo apamiyo alopa yatapimo aligae. Ala kava neʼmo anaga hogote vekamoʼmo muki yaʼamo neʼapamigeʼa aliteʼapaeʼmo kahao ke hove, huʼa osuʼa fiku neʼaliya vayaʼe hapaku ataleʼneʼa neʼaliya vayaʼeʼmo alagepa kavaʼmo huno yagaino neʼapateyaʼmofeʼmo ani agufa kavaʼmo hisayaʼmoʼmo mafaʼneʼamo maigae.

Kolosi 2:18

Mago vayaʼmogimo amega apakufaletiʼmo apakaiʼapi apakiʼapileʼmo aliʼa afepi neʼapataya kavafeʼmo amuse huteʼa enisole vayaʼaifeʼmo mono nehae. Apakaemo kavatapimo aliʼa fako huʼa lapateteʼapaeʼmo, hosu kavaʼmo nehae, huʼa hisaya gemo oʼafiyo. Oʼageʼnaya kavaʼmo agesayafeʼmo apakaiʼapimo fikumo himuʼnamu kavaʼmo nehae. Atafa apaipafatiʼmo, ala vayaʼmo maiʼnone, huʼa fikumo apakesamo neʼafiye.

2 Timoti 1:18

Efasasi taonifiʼmo maiʼnogenoʼaeʼmo muki afinaʼaeʼmo naha maeʼniya kavaʼmo ago ageʼnane. Nagaemo Ala kava nefeʼmo, kagae afinaʼmo afole aisigekaeʼmo kahau huka ato, huʼna nunumuʼmo huʼna neʼatove.

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

Himulu 11:26

Agaemo Gotiʼa amisiya miyafekeʼmo agesamo afiʼniyaʼmofeʼmo Kalaisi agiʼalefeʼmo huʼa faipa huʼa natesaya kavaʼmo hogote kanale kavaʼmo haneʼnigeno Isipi koteʼmo haneʼniya kagemi yaʼe konali yaʼefeʼmo henaga yaʼmo ina agufa yaʼmo haneʼniye, huno agesamo afiʼniye.

Himulu 11:6

Amuse huno ateʼniyaʼmonanafa apakesamo afiʼa fatago nosaya vayaʼaifeʼmo Gotiʼa amuse huno apatesiyafeʼmo magoke alagepa kavaʼmo alagi afaʼa osugae. Na kava hinageʼapaene. Gotitegamo neʼvaya vayaʼmogimo huʼapaeʼmo, Gotiʼa maiʼniye, huteʼa agaefeʼmo apayamukiki huʼa kahauya huʼa agesayafeʼmo nehaya vayaʼaina alagepa yaʼmo neʼapamiye, huʼa apakesamo afiʼa fatago nehae.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.

Luti 1:16

Lutiʼa hunoʼaeʼmo, nagaefeʼmo, Nataleka uvo, huka osuvo. Nagaeʼeʼmo magokepiʼmo lokaeka oʼugane, huka huteka huka natafauka oʼnato. Haiya kotegamo visapi nagaeʼeʼmo afaʼageʼmo uguʼae. Haiya kotega uka maisapi nagaeʼeʼmo utaʼageʼmo maiguʼae. Vayakamo vayaʼnigeʼmo maigae. Gotikamoʼmo Gotiʼnimokeʼmo maigiye.

Luti 2:11

Movasiʼa hunoʼaeʼmo, Anaukamoʼmo ago faliʼnigeka kanofelokamofeʼmo alagepa huno kahauʼniya kavafeʼmo kava gemo ago afiʼnove. Afiʼnovana kokamogi itaka afokamogimogi huka ago apataleka oʼapakeʼnana vayaʼeʼmo maiʼnane, huʼa kava gemo huʼnageʼna afiʼnove.

Luti 2:13

Ha paiʼnigeno Lutiʼa hunoʼaeʼmo, Nagaemo ina agufa a kanomo maiʼneʼna kagae aliʼyaʼmo noʼaluva a kanomo maiʼnovaʼmonanafa kaipamoʼmo falu huka nateʼnane. Aise gemo nehana geʼmoʼmo alika lokiya vaika neʼnatane, huno ha paiʼniye.

Luti 4:15

Kanofelokamoʼmo kagaefeʼmo hau ayamopafiʼmo hauʼnigeno alagepa huno kaha neʼmaeyaʼmofeʼmo seveniʼa ve mafaʼnemo alika apateʼnanesinana ago aeno apaka seʼniyesine. Agaemo alino ateʼniya ve mafaʼnemoʼa alagepa huno yagaino kategaiye. Anekalomo ago leʼnananageno alagepa huno yagaino kategaiye, huʼa ha paiʼnae.

1 Samiyo 24:19

Nagaemo ageʼnovana mago vekamoʼmo kameʼamo alino hosu huno atesiya kaʼmo haneʼnisiyaʼmoʼmo afaʼa atalesigeno visifiye. Haʼao. Oʼategaiyaʼmonanafa kagaemo nateʼnanaʼmofeʼmo Ala kava neʼmoʼa nagaetegamo huʼnana kavaʼmo anonakalefeʼmo alino alagepa huno kateno.

1 Samiyo 24:20

Hemenimo ago kageʼnovana kagaemo kini vekamo maigane. Kagaemo Isaleli vayaʼaiteʼmo yagaika apatesanageʼa lokiya vaiʼa maigae.