Luti 1:1 - The Keyagana NT and 25 OT books

¹ Akeyaʼvilagamo agoti gemo neʼafiya vayaʼmogimo Isaleli vayaʼaiteʼmo yagaiʼa apateʼnae. Ani afinaʼmo lusi kava huʼa neʼyafeʼmo kafu huʼnaya afinaʼmo afole aiʼnigeno mago vekamo Metelehamu taonimo hanetegeno Yuta kotegamo maiʼniya vekamo ataleno aʼaʼe mafaʼneʼalaʼeʼmo apavaleteno hageʼa uʼa Movapu kotegamo maiʼnae.

Luti 1:1 ပူးပေါင်းရင်းမြစ်များ

Aepa Gemae 12:10

Henagaʼamo ani koteʼmo alopa kafu kavaʼmo afole aiʼnigeʼa Emalemiʼe vayaʼaʼeʼmo Isipi kotegamo hageʼa kalaga uʼa kalaga vayaʼmo maiʼnae. Alopa kafu kavaʼmo afole aiʼniyaʼmofeʼmae.

Aepa Gemae 26:1

Emalehamu maiʼniya afinaʼmo neʼyafe kafu huʼnaya agufa kavaʼmo huno halate Kenani mopaleʼmo magoʼe huno kafu kavaʼmo afole aiʼniye. Inagi Aisakiʼa Filisatini nofi vayaʼaiteʼmo neʼyagaiya kini vekamo Amimalekiʼa maiʼniya taonimo Gela taonifilagamo uʼniye.

Aepa Gemae 43:1

Inagi ani kafu kavaʼmoʼa Kenani koteʼmo magoʼe huno lusi kafu kavaʼmo afole aiʼniye.

1 Kini 18:2

Inagi Ilaiyaʼmo Ehapi aulagaleʼmo uno he tisiyafeʼmo uʼniye. Ani afinaʼmo Samaliya kotegamo neʼyafeʼmo lusi kava huʼa kafu huʼnae.

Samu 105:16

Ala kava neʼmoʼa, kafu hisaya kavaʼmo aliʼna afole aiʼna ategauve, huno agesamo afiteno hogoteno vayaʼamo hapa maesiya vekamo Yosefeʼmo alino ateʼnigeno uʼniye. Yosefeʼmo nepuʼamogimo avaleʼa maketi huʼnageʼa alu nofi vayaʼmogi ani mafaʼnemoʼmo kalavusi aliʼyaʼmo alisiyafeʼmo miya faiʼa avaleliʼa uʼnae.

Samu 107:34

Vayaʼmogimo hosu kavaʼmo huʼnayaʼmofeʼmo asole neʼyaʼmo neʼaeya mopaʼapimo alino hosu mopamo hamaleno neʼate.

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.