Luki 9:55 - The Keyagana NT and 25 OT books

⁵⁵ aino afe leno hunoʼaeʼmo, na agufa laʼaunelaʼameʼmo maiʼnifi, hutana oʼageʼnaʼae. Vemo Mafaʼnemoʼmo vayaʼmo apamagisiyafeʼmo emiʼnoʼmeʼnifa vayaʼai apakufamo alino katino apatesiyafeʼmo emineʼniye, huno ge hanauʼniye.

Luki 9:55 ပူးပေါင်းရင်းမြစ်များ

Mai'naya kavane 9:8

Himuʼnamu vekaeʼmo, hosu kavaʼmo nehane, huka osuvo. Fiku yanageno kagaefeʼmo alagi ohaugiye. Kagaemo afiteno neʼageya vekaeʼmo, hosu kavaʼmo nehane, huka ha paisanagenoʼaeʼmo kagaefeʼmo haugiye.

Matiyu 16:23

Yesuʼa aino afe leno ha painoʼaeʼmo, Sataniyo, kaune ho. Kaʼnimo akanika natesanafeʼmo hane. Goti aipa agesamo oʼaliʼnapa ma mopafi vayaʼai apaipa apakesamo aliʼnane, huno ha paiʼniye.

Matiyu 26:33

Pitaʼa hunoʼaeʼmo, Kagaetegamo afole aisiya hosu kavatefeʼmo asagauʼa aisayana nagaemo asagauʼna oʼaiguve, huno ha paiʼnigenoʼaeʼmo,

Matiyu 26:41

Lapamalageka hisiya kavapiʼmo haita ofalesayafeʼmo kava yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa hisayafeʼmo amega lapakufamoʼmo lokiya noʼvaiye, huno hapa paiʼniye.

Matiyu 26:51

Atafauʼnagenoʼaeʼmo Yesuʼeʼmo magokepi lokaeno maiʼniya vekamoʼmo naipeʼamo asagino mono huʼa neʼapataya vayaʼaiteʼmo yagaino neʼapateya vekamo aliʼyaʼamo neʼaliya vekamo agesamo heno lafe hutalegeno asagauno aiʼniye.

Luki 9:54

Geʼamo neʼafiʼa vekalaʼmo Yemisiʼe Yoniʼeʼmo ani gemo afiteʼanaeʼmo, Ala kava nene, huʼana, Ilaiyaʼa hogoteno huʼniya agufa kavaʼmo hutaʼa kokuʼnapifeʼmo ataeʼmo ge hisuʼageno emineno leno pasaga lisiyafeʼmo kahauʼnifiye, huʼana ge huʼana afi geʼnaʼageno

Luki 9:56

Ataleʼa alu taonifiʼmo uʼnae.

Yoni 16:9

Nagaefeʼmo apakesamo afiʼa fatago nosayaʼmofeʼmo hosu kavaʼapimo alino apave lisigeʼa agegae.

Yemisi 3:10

Konagaʼnimogitapae, huʼna, magoke lavayafatiʼmo aulena geʼe lifana geʼeʼmo nehuna gemo kanale gemo nosune.

1 Pita 3:9

Inagi mago vayaʼmogimo lapakaetegamo hosu kavaʼmo nehisagetapaeʼmo anonaʼapilefeʼmo hosu kavaʼmo osiyo. Mago vayaʼmogimo lifana huʼa lapatesagetapaeʼmo anonaʼapileʼmo alita auleta apateyo. Gotiʼa ani kavaʼmo hisagenoʼaeʼmo alino auleno lapatesiyafeʼmo keya aeno ge huʼniye.

Leveleseni 3:19

Muki nahau nayamopafiʼmo nahauʼniya vayaʼaifeʼmo, hosu kavaʼmo nehae, huʼna huteʼna aliʼna api aiʼna neʼapatovaʼmofeʼmo lapayamukiki hutapa lapaipamo alita afe leyo.