Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luki 9:41 - The Keyagana NT and 25 OT books

41 Yesuʼa hunoʼaeʼmo, hemeni afinaʼmo maiʼnaya vayaʼmogitapae, huʼna, lapakesamo afita fatago nosagenoʼaeʼmo hosu lapaipa lapakesamo haneʼniya kavafeʼmo lusi kava huno alagamo neʼnahaegi na magi afinaʼmo lapakaeʼeʼmo magoʼe huʼna lokaeʼna maime maime neʼvisugetapaeʼmo afita alagepa hugae. Mafaʼnekamo avalelika eno, huno ha paiʼnigeno

အခန်းကိုကြည့်ပါ။ ကော်ပီ




Luki 9:41
31 ပူးပေါင်းရင်းမြစ်များ  

Inagi Goti vekaʼamo Ilaisaʼmo kini vekamo kukena yaʼamo alino apake aiʼniya gemo afitenoʼaeʼmo Ilaisaʼmo kini vekalegamo ina ge huno ge huno atalegeno uʼniye. Kagaemo na agufa kavaʼmo higekaeʼmo kukena yakamo alika apake aiʼnane. Kahaoke hovanagi ani vekamo alika ategeno nagaetegamo esigeʼna nagaemo aliʼna avelisugeno mago Gotitegati gemo alinineno aeno hakalo nehiya vekamo Isaleli kotegamo maiʼniye, huno hugiye.


Apakinago vayaʼmogimo himuʼnamu kavaʼmo huteʼa geʼamo oʼafige Gotifeʼmo apakesamo afiʼa fatago osuge huteʼa ataleʼa uʼnae. Fiku yanageʼa apakaeʼeʼmo ani agufa kavaʼmo hugae.


Inagi Moseseʼe Eloniʼeʼmo Felotegamo uʼana ha paiʼanaeʼmo, Ala kava neʼmo Himulu vayaʼmogita Gotitimoʼmo kagaefeʼmo hunoʼaeʼmo, Na magi afinaʼmo geʼnimo amagika ataleteka naiyafiʼmo oʼmaiʼnane. Vayaʼnimo afaʼa apatalegeʼa uʼa nagaetefeʼmo mono hiyo.


Ala kava neʼmoʼa Mosesefeʼmo hunoʼaeʼmo, Na magi afinaʼmo geʼnimo oʼafitapa amagitapa ataletetapa keʼaepa geʼnimo akame nosae.


Inagi Ala kava neʼmoʼa Mosesefeʼmo ha painoʼaeʼmo, Na magi afinaʼmo ani vayaʼmogi apakameʼyamo namigae. Nagaemo apakae folagapiʼmo asole noʼagaya agufa naune kavaʼmo huʼnovaʼmonanafa na magi afinaʼmo nagaefeʼmo apakesamo afiʼa fatago osugae.


Muki Isaleli vayaʼmogi nagaefeʼmo ge nahauʼnae. Na magi afinaʼmo magoʼe huʼna apakeʼna apataleme apataleme visugeʼa afaʼa maigae. Isaleli vayaʼmogimo nagaefeʼmo ge nahauʼnaya gemo afiʼnove.


Muki vayaʼmo alagaʼmo lapaege kana yaʼmo alige huta neʼmaiya vayaʼmo nagaetegamo egeʼnao maitapa haga lesaya yaʼmo lapamiguve.


hosu vayaʼmogi Gotiʼa anauʼapimokana vekamo ataleʼa kumai heʼa ugekana huʼa neʼmaiya vayaʼmogimo noʼagaya agufa lokiya aune kavaʼmo aliʼna apave lisugeʼa agesayafeʼmo nehayaʼmonanafa noʼagaya agufa lokiya aune kavaʼmo hisugeʼa oʼagegayaʼmonanafa Yonategamo afole aiʼniya agufa aune kavakeʼmo alino apave lisigeʼa agegae.


Ageteno ataleno uno seveniʼa hosu apaune vayaʼmogi magoʼe huʼa hosu kavaʼmo huʼa aeʼa aga seʼa maiʼnaya vayaʼmo apavalelinuno ani vekamo aipafiʼmo uʼa haiʼa magokepi lokaeʼa maiʼnae. Maiʼnagenoʼaeʼmo ani vekamo hogoteno hosu kavaʼmo huno maiʼniyana henagaʼamo magoʼe huno lusi hosu kavaʼmo huno maiʼniye. Ani agufa kavaʼmo hemenimo neʼmaiya vayaʼaiteʼmo afole aigiye, huno hapa paiʼniye.


Hosu vayaʼmogimo Gotiʼapimoʼa ataleʼa kumai heʼa ugekana kava nehaya vayaʼmogi alagena kavaʼmo agesayafeʼmo nehayaʼmonanafa alagena kavaʼmo alino apave oligiyaʼmonanafa Gotitegati gemo alinineno aeno hakalo huno hapa nepaiya vekamo Yonaʼa huʼniya alagena kavaʼamo alino apave ligiye, huno hapa paiteno apataleno uʼniye.


Yesuʼa muki vayaʼaifeʼmo, lapakesamo afita fatago nosageno lapaipamo kanale huno ohaneʼniya vayane. Asole afinaʼmo lapakaeʼeʼmo maiʼnovana lapakesamo afita fatago nosae. Na magi afinaʼmo lapakeʼna lapatalegauve. Nagaetegamo avalelita eyo, huno hapa paiteno


Lama ge lapa nepauve, huno, ani hapaeʼnaya kavatefeʼmo muki hemenimo afaʼa maiʼnaya vayaʼmo kayoʼmo lapamigiye, huno hapa paiʼniye.


Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.


Yesuʼa ani kavaʼmo agetenoʼaeʼmo hosu aipamo kaliʼnigeno geʼamo neʼafiya vayaʼaifeʼmo hunoʼaeʼmo, aise mafaʼne anagaʼmo apatafauta oʼapategeʼa nagaetegamo afaʼa esageʼna ani agufa mafaʼnegana vayaʼmo Gotiʼa yagaino neʼapateya koteʼmo haneʼniya yaʼmo apakaiʼapi yaʼmo haneʼniyaʼmofeʼmae.


Yesuʼa eno he tino maiʼnenoʼaeʼmo, ani vekaeʼmo ke higeno nagaetegamo eno, huno huʼnigeʼa aulaga ali huʼniya vekaeʼmo huʼapaeʼmo, kaipamo lokiya vaika kato. Kagaefeʼmo ge nehigi he tiyo, huʼa huʼnageno


Ha paiʼnigenoʼaeʼmo, ma mopafiʼmo hemeni afinaʼmo maiʼnaya vayanagi lapakesamo afita fatago nosaya vayanagi huʼna huʼnaeʼmo, na magi afinaʼmo lapakaeʼeʼmo maiguve. Na magi afinaʼmo lapakaeʼeʼmo maiʼneʼna kana yaʼmo alige alige huʼna maiguve. Nagaetegamo avalelita eyo, huno hapa paiʼniye.


Yesuʼa hunoʼaeʼmo, lapakesamo afita fatago huʼnaya kavatapimo haiyaʼaleʼmo haneʼniye, huno ge huno apafi geʼnigeʼapaeʼmo koli huteʼa apakaiʼapimo huʼapaeʼmo, yasimoʼe aniʼmoʼeʼmo geʼamo afiʼnaʼagi mani vekamo na agufa vekamo maiʼnenoʼaeʼmo nehiye, huʼa huteʼa hapau aiʼnae.


Nagaemo gekamo neʼafiya vayaʼaifeʼmo huʼnaeʼmo, ani hosu aune vekamo alita hafaitalegeno vino, huʼna hapa paiʼnovana afaʼa aliʼa hafaiʼa atalesaya agufa kavaʼmo osuʼnae, huno ha paiʼnigeno


avalelino neʼegenoʼaeʼmo hosu aune vekamoʼmo alino agoʼya faino mopafiʼmo ataleʼnigeno atete huno maiʼniye. Yesuʼa hosu aune vekamo alino hafaino ataleteno mafaʼneʼamo alino hageno ateteno afoʼamoʼmo avaleno amiʼniye.


Yesuʼa hunoʼaeʼmo, Filipigamo lapakaeʼeʼmo yatala afinaʼmo magokepi lokaeʼna maiʼnovana nageka aeto osuʼnapiye. Nageʼniya vekamoʼa muki yaʼmo Afoʼamoʼmo ago ageʼniyaʼmofeʼmo na kava higekaeʼmo muki yaʼmo Afoʼamoʼmo alika lave liyo, huka nehane.


Tomasifeʼmo hunoʼaeʼmo, ati yagaina kayaʼmo nayatalapiʼmo vaika ago. Kayaʼmo alika ataleʼneka ati yagaina kayatetiʼmo hayoletiʼmo nahaopafiʼmo aeʼnaya kapiʼmo vaiyo. Vaiteka kagesamo afika fatago nosana kavakamo ataleka kagesa afika fatago huvo, huno ha paiʼnigeno


Apakaemo fotiʼa kafugamo kaʼme kotega maiʼneʼapaeʼmo hosu kavaʼmo huʼnayaʼmonanafa oʼapataleno hapa maeʼniye.


Huno hapa paitenoʼaeʼmo Pitaʼa magoʼe gemo huno apakesamo huno halo aino aeno hakalo huno hapa paitenoʼaeʼmo, Ehetapiye, huno, Gotiʼa hosu kavaʼmo nehaya vayaʼmo kayoʼmo apamisiyategatiʼmo ataletapa lapaune hetaletapa vigenoʼao lapakufamo alino katino lapateno, huno hapa paiʼniye.


Gotiʼa kagemi yaʼagana huno maleʼniya yapatiʼmo kagaetegamo lusi alagepa kavaʼmo huteno malage huno aipamo leno okateno yatala afinaʼmo afaʼa nekateyaʼmonanafa alagepa huka kagesa oʼafiʼneka afa kavane, huka kagesamo neʼafipiye. Gotiʼa kaipamo alika afe lesanafeʼmo kagaetegamo alagepa kavaʼmo nehiye, huka oʼafiʼnapiye.


Inagi ago afiʼnonana apakesamo afiʼa fatago osuʼnayaʼmofeʼmo afaʼa uʼa ohaiʼnae.


Goti geʼamo amagiʼa ataleteʼa asagauʼa aiʼnaya kava huta asagauta aigayanagi uta haita maita haga lesunafeʼmo layamukiki higetao.


Gotiʼa alagepa faigoko geʼamo hapa paiʼnigeʼa afiʼnaya kava huno laha paiʼnigeta afiʼnone. Afiʼnayaʼmonanafa apakesamo afiʼa fatago osuʼnayaʼmofeʼmo afiʼnaya gemoʼmo hapa oʼmaeʼniye.


Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ