Luki 9:32 - The Keyagana NT and 25 OT books

³² Pitaʼe anakaeʼeʼmo apau maiʼmai huʼnigeʼa apauʼmo kaleʼneʼa apaupatiʼmo apaulagamo ageʼa ayakeʼa agayana Yesu ha le konali yaʼamoʼmo aeno ha leʼnigeʼa ageʼnae. Ageteʼa apakayana Yesuʼeʼmo magokepi he tiʼana maiʼnaʼa vekalaʼeʼmo maiʼnageʼa apakeʼnae.

Luki 9:32 ပူးပေါင်းရင်းမြစ်များ

Aiyeya 60:19

Felugamo yegemoʼmo magoʼe huno aeno haleno lapatesiya yaʼmo ohanege haniʼilagamo kaimoʼmo magoʼe huno aeno haleno lapatesiya yaʼmo ohanege hugiyaʼmonanafa Ala kava neʼmoʼa muki afinaʼaeʼmo yu oseno aeno ha leno lapatesiya vekamo maigiye. Ina kava huno Gotitapimoʼmo ha le konali yatapimo maigiye.

Neniyo 10:9

Ani vekamoʼmo age aiʼnigeʼna afiteʼnaeʼmo faliʼnegekana huʼna havaeteʼna naugosalegatiʼmo mopafi asagauʼna aiʼnove.

Neniyo 8:18

Agaemo ge nehigeʼnaeʼmo naugosalegatiʼmo mopafiʼmo nau kaleʼnove. Agaemo name aliteno alino he tino nateʼnigeʼna he tiʼnove.

Maki 14:40

Huteno atagi neneno apakeyana apau mai mai huʼnigeʼapa apau kaleʼa maiʼnageno apakeʼnigeʼapaeʼmo, haiya agufa gemo husupi, huʼa apakesamo oʼafiʼnae.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 17:24

Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

2 Pita 1:16

Lagaemo alagepa huta lagesamo afiteta alo huʼnona kaitene geletiʼmo humi lapatesiya agufa gemo lapa opaiʼnopa lagaemo laulagafatiʼmo ala agiʼaʼe himamuʼaʼeʼmo agetetaeʼmo, Ala kava netimo Yesu Kalaisiʼa himamuʼaletiʼmo afole aiʼniyanageno eminegaiye, huta lapa paiʼnone.

1 Yoni 3:2

Nahauʼniya vayaʼmogitapae, huʼna, hemenimo Goti mafaʼneʼamo maiʼnonanageta henagaʼamo haiya agufa vayaʼmo maisupi, huta oʼafiʼnonaʼmonanafa agaemo emineno afole aisigetaeʼmo agaekana huta maigune, huta afiʼnone. Haiya agufa vekamo maiʼnifi, huta ageta aeto hugunaʼmofeʼmo agaekana huta maigune.