Luki 9:11 - The Keyagana NT and 25 OT books

¹¹ Asole vayaʼmogimo afiteʼapaeʼmo Yesuʼa akame huʼa eʼa avaʼyi huʼnagenoʼaeʼmo alino falu fala huno apateteno Gotiʼa yagaino neʼapateya kavafeʼmo ava gemo huno hapa paige kaita hapauʼniya vayaʼmo alino hapageno apatege huʼniye.

Luki 9:11 ပူးပေါင်းရင်းမြစ်များ

Aiyeya 61:1

Ala kava neʼmoʼa kagemi yaʼapimo ohaneʼnisiya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo nagenopafiʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna eʼna hosu kavaʼapieʼmo apaipamoʼmo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapateʼnove, huʼna hapa paige seli nofitetiʼmo kino apateʼniya vayaʼaifeʼmo huʼnaeʼmo, kalavusifatiʼmo afaʼa ugae, huʼna hapa paige hisuvafeʼmo alino nateʼnigeʼna eʼnove.

Matiyu 12:15

Yesufeʼmo ani ava gemo huʼnaya gemo ago afitenoʼaeʼmo ani kotetiʼmo ataleno uʼnigeʼa asole vayaʼmo akame huʼa uʼnagenoʼaeʼmo alu kaita alu kaitaʼmo hapauʼniya vayaʼmo alino hapageno apateʼniye.

Matiyu 14:14

Yesuʼa ani agiʼnaleʼmo eno avaʼyi hutenoʼaeʼmo sipifatiʼmo uno lamino apakeyana asole vayaʼmo eʼa maiʼnageno apaketenoʼaeʼmo lusi kava huno hau huno apateteno kaita hapauʼniya vayaʼmo alino hapageno apateʼniye.

Matiyu 21:31

Haiya mafaʼnemoʼmo afoʼamo geʼamo afiʼniye, huno apafi geʼnigeʼapaeʼmo, yege mafaʼneʼamoʼae, huʼa ha paiʼnae. Yesuʼa hunoʼaeʼmo, lama ge lapa nepauve, huno, takesi moni neʼaliya vayaʼe kumai kavaʼmo nehaya aʼnemogiʼeʼmo aeʼa lapaka seʼa uʼa hogoteʼa Gotiʼa yagaino neʼapateya kopiʼmo uʼa nehaiye.

Matiyu 21:43

Inagi ani kavafeʼmo lapa nepauve, huno, Lapakaemo Gotiʼa yagaino neʼapateya kopiʼmo magoʼe hutapa aliʼyaʼmo oʼaligae. Lapayapatiʼmo lapa faleno hoyaʼaleʼmo alagepa huʼa yagaiʼa ateʼneʼa nofi alagamo lagiʼa amisaya vayaʼmo apamigiye.

Luki 1:53

Apaka neteya vayaʼmo alagepa yaʼmo lusi kava huno neʼapamigeʼa neʼa apamu nehae. Neʼapamiyaʼmonanafa kagemi yaʼapimo haneʼniya vayaʼmo oʼapamino hapa faino apatalegeʼa afaʼa neʼvae.

Luki 5:31

Yesuʼa geʼapileʼmo aeno atagaina hunoʼaeʼmo, lota vekamoʼmo afaʼa maiʼnaya vayaʼaitegamo uno aliʼyaʼmo noʼalifa kaita hapauʼniya vayaʼaitegageʼmo uno aliʼyaʼmo neʼaliye.

Luki 8:1

Aise afinaʼmo utegeno Yesuʼa muki aise taonifiʼe alopa taonifiʼeʼmo alagepa faigoko gemo Gotiʼa yagaino neʼapateya kavafeʼmo ava gemo aeno hakalo huno hapa paimale hapa paimale hulino uneno huʼniye. Agaeʼeʼmo tuolofuʼa vayaʼmo geʼamo neʼafiya vayaʼe

Luki 8:10

Yesuʼa hunoʼaeʼmo, lapakaemo Gotiʼa yagaino neʼapateya kavaʼmo alino fala ki maleʼneno ago alino afole aino ateʼniya geeʼmo aeʼna kalafefa gemo huʼnova gemo aepaʼamo lapakaemo afaʼa afigayaʼmonanafa mago vayaʼmogimo alagi oʼafigae. Apakaemo agegayaʼmonanafa ageʼa aeto osuge afigayaʼmonanafa afiʼa aeto osuge hisayafeʼmo ani aeʼna kalafefa gemo huʼna hapa nepauve.

Luki 9:10

Apa vayaʼmo halate Yesutegamo aiʼa atagi neʼeʼa muki huʼnaya kavafeʼmo ava gemo huʼa ha paiʼnageno afitenoʼaeʼmo apavalelinuno Metasaita taoni haopalegamo apakaiʼapigeʼmo uʼa maiʼnae.

Luki 9:12

Yegemo uno lamino falegefeʼmo huʼnigeʼapaeʼmo tuolofuʼa vayaʼmogi Yesutegamo eʼa, kaʼme kotegamo eta maiʼnonaʼmofeʼmo muki vayaʼmo alika apategeʼa uʼa ani haopalega haneʼniya taonifatiʼe kotegatiʼeʼmo neʼyaʼapimo miya faiʼa neteʼa havaeyo, huʼa ha paiʼnagenoʼaeʼmo,

Luki 9:2

Gotiʼa yagaino neʼapateya kavafeʼmo ava gemo aeta hakalo huta hapa paitetapa kaita hapauʼniya vayaʼmo alita hapageta apatemale apatemale huta umenitata hiyo.

Yoni 4:34

Yesuʼa hunoʼaeʼmo, alino nateʼnigeʼna eʼnova vekamoʼmo hauʼniya kavaʼmo huʼna namiʼniya aliʼyaʼnimo aliʼna hano huʼna atesuva aliʼyaʼmo nagaemo neʼyaʼnigana huno haneʼniyaʼmofeʼmae.

Yoni 6:37

Muki vayaʼamo muki yaʼmo Afoʼamoʼmo apavaleno neʼnamiya vayaʼamo nagaetegamo egae. Nagaetegamo eʼa maiʼnisaya vayaʼmo alagi aliʼna hapafaiʼna oʼapatalegauve.

Apa 28:31

Agaemo Gotiʼa neʼyagaiya kavafeʼmo ava gemo aeno hakalo huno hapa paige Ala kava neʼmo Yesu Kalaisifeʼmo ava gemo alino apaya malege huno maiʼniye. Vayaʼmogimo oʼatafauʼnayaʼmofeʼmo mago gemo fala okino muki geʼamo aeno hakalo huno hapa paino maiʼniye.

Lomu 10:14

Ani gemo huʼniyaʼmonanafa agaefeʼmo apakesamo afiʼa fatago nosisaya vayaʼmogimo haiya kava huʼa agaefeʼmo keya aeʼa ge hugae. Agaefeʼmo ava gemo oʼafiʼnisayana haiya kava huʼa agaefeʼmo apakesamo afiʼa fatago hugae. Mago vayaʼmogi agaefeʼmo ava gemo aeʼa hakalo huʼa hapa opaisayana haiya kava huʼa afigae.

Lomu 10:17

Huno ha paiʼniyaʼmonanafa mago vayaʼmogi Goti geʼamo aeʼa hakalo huʼa hapa nepaigeʼapaeʼmo neʼafiye. Neʼafigenoʼaekeʼmo apakesamo afiʼa fatago nehaya kavaʼmo afole neʼaiye.

Lomu 15:3

Kalaisiʼa agaiʼa hauʼniya kavaʼmo akame osuno ataleʼniya kavafeʼmo Goti mukufi gemoʼmo hunoʼaeʼmo, Huʼa faipa huʼa kateʼnaya gemo nagaeteʼmo asagauno aiʼniye, huno huʼniye.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

Himulu 4:16

Inagi atete osuta Gotiʼa yagaino neʼapateya siyaʼaleʼmo fai maiʼnenoʼaeʼmo fikumo laha maeno nelamiya kavategamo vigetao, kana yaʼmo alisuna afinaʼmo hau huno lateteno fikumo laha maeno lamigiyaʼmofeʼmae.