Luki 8:8 - The Keyagana NT and 25 OT books

⁸ Mago avina yaʼmo alagepa mopafiʼmo asagauno aiteno hageno haitenoʼaeʼmo vani hataletiʼa alagamo aeʼniye. Gemo neʼafisaya lapakesamo haneʼnisiyana mani gemo alagepa huta afiyo, huno hapa paiʼniye.

Luki 8:8 ပူးပေါင်းရင်းမြစ်များ

Aepa Gemae 26:12

Aisakiʼa ani mopaleʼmo avina yaʼmo hakaleʼnigeno Ala kava neʼmoʼa ha maeno alino auleno ateʼnigeno neʼyaʼmo hageteno ani kafugafiʼmo magoʼe huno asole neʼyaʼmo afole aiʼniye.

Mai'naya kavane 20:12

Ala kava neʼmoʼa apakesamo neʼafiya apakesaʼe neʼagaya apaulagaʼeʼmo alo huʼniye.

Mai'naya kavane 8:1

Afiteʼa neʼagaya kavaʼmoʼa mago alagepa a kanogana huno maiʼneno ge nehiye.

Matiyu 11:15

Lapakaemo gemo afisaya lapakesamo haneʼnisiyaʼmoʼmo afiyo.

Matiyu 13:23

Mago vayaʼmogi Goti geʼamo afiteʼapaeʼmo gemo aepaʼamo alagepa huʼa afiʼnaya vayaʼmo alagepa mopafiʼmo asagauno aiʼniya avina yakana huʼa maiʼnae. Apaipafatiʼmo alagamo aeʼniye. Mago vayaʼamogimo vani hataletiʼa alagamo aege mago vayaʼamogimo sigisitiʼa alagamo aege mago vayaʼamogimo tetiʼa alagamo aege huʼnae, huno hapa paiʼniye.

Maki 4:20

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa apaipafiʼmo neʼmalagenoʼaeʼmo tetiʼa alagamo aege sigisitiʼa alagamo aege vani hataletiʼa alagamo aege huʼa neʼmaiye, huno hapa paiʼniye.

Maki 4:23

Ge neʼafisaya lapakesamo haneʼnisiyaʼmoʼmo ani gemo afiyo.

Maki 4:8

Mago avina yaʼmo alagepa mopafiʼmo asagauno aiteno hageno haineno alagamo aeʼniye. Tetiʼamo aege sigisitiʼamo aege vani hataletiʼamo aege huʼniye.

Maki 7:16

Ge afisaya lapakesamo haneʼnisiyana ani gemo afiyo, huno hapa paiʼniye.

Luki 14:35

Ani agufa hagemoʼmo aliʼyaʼamo alagi ohaneʼniyaʼmofeʼmo aliʼa yaga auʼa neʼatalae. Gemo afisaya lapakesamo haneʼnisiyaʼmoʼmo mani gemo alagepa huta afiyo, huno hapa paiʼniye.

Luki 8:15

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa lama ge apaipamo kanale apaipafiʼmo maleteʼapaeʼmo alagepa kateʼmo uge uge huʼa maiʼneʼapaeʼmo alagepa alagamo neʼae.

Luki 8:7

Mago avina yaʼmo aufe nofiʼmo haneʼniya mopafiʼmo asagauno aiteno hageʼniyaʼmonanafa aufe nofiʼmoʼa ago kino ati kaeʼniye.

Efasasi 2:10

Gotiʼa alagepa kavaʼmo hisunafeʼmo hogoteno, hugae, huno hu maleʼniya kavaʼmo hisunafeʼmo Kalaisi Yesupiʼmo saufa vayaʼmo alo huno lateʼniye.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

Leveleseni 13:9

Apakesamo haneʼnisiya vayaʼmogimo mani gemo alagepa huʼa afiyo.

Leveleseni 2:11

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Napa tu afinaʼmo nefaliya kavaʼmoʼa kamemo huʼa aeʼa neʼapakasaya vayaʼmo afaʼa ohapaegaiye.

Leveleseni 2:7

Apakesamo haneʼnisiya vayaʼmogi Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afiyo. Nagaemo kamemo huʼa aeʼa neʼapakasaya vayaʼaifeʼmo, Afaʼa maisaya yaʼmo neʼapamiya yosa alagamo Goti hoyamo agiʼamo Palanaisi hoya folagapiʼmo haneʼniya yosa alagamo etapa afaʼa lagita neyo, huʼna hapa paiguve, huno naha paiʼniye.

Leveleseni 3:13

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino.

Leveleseni 3:6

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino.