Luki 8:5 - The Keyagana NT and 25 OT books

⁵ mago vekamoʼmo avina yaʼmo hakalesiyafeʼmo uʼniye. Neʼunoʼaeʼmo yaga auno ataleme ataleme uʼnigenoʼaeʼmo mago avina yaʼmo kateʼmo asagauno aiʼnigeʼapaeʼmo vayaʼmo uʼeʼa huʼapaeʼmo aeʼa latapaiʼnageno nama anagaʼmogimo eʼa neʼnae.

Luki 8:5 ပူးပေါင်းရင်းမြစ်များ

Aepa Gemae 15:11

Hakiki nama anagaʼmogi heno apalo atino maleʼniya apakufaleʼmo haleli eʼa hakaleteʼa nesayafeʼmo nehagenoʼaeʼmo Emalemiʼa alino hapa faino apataleʼniye.

Samu 119:118

Muki vayaʼmogi avoʼmo kae maleʼnaya keʼaepa gekamo amagiʼa neʼatalaya vayaʼmo kakameʼyamo neʼapamine. Apakaemo aigofe kavaʼmo nehuʼapaeʼmo apakaiʼapieʼmo humi neʼapatae.

Matiyu 13:37

Yesuʼa hunoʼaeʼmo, hoyaʼafiʼmo alagepa avina yaʼmo hakaleʼniya vekamo maiʼniya kava huno Vemo mafaʼnemo maiʼniye.

Matiyu 5:13

Lapakaemo ma mopafi vayaʼai hageʼapigana hutapa maiʼnae. Maiʼnayaʼmonanafa hagemoʼmo haga nehiya yaʼamo hano hisiyana haiya kava huno halate haga nehiya yaʼamo alino hamalegaiye. Aliʼyaʼamo ohanegaiyaʼmofeʼmo aliʼa yaga auʼa ataleʼnageʼa ani hageleʼmo apaiyaletiʼmo aeʼa umenitata nehae.

Maki 4:15

Mago avina yaʼmo kateʼmo asagauno aiʼniya avina yakana huʼa vayaʼmogi Goti geʼamo neʼafigenoʼaeʼmo Sataniʼa eno apaipafiʼmo hakaleʼniya gemo alinino neʼviye.

Luki 8:4

Muki asole vayaʼmo taoniʼapifati taoniʼapifatiʼmo ete ete huʼa aliʼa anupa huʼa maiʼnagenoʼaeʼmo Yesuʼa aeno kalafefa gemo huno hapa painoʼaeʼmo,

Luki 8:6

Mago avina yaʼmo yafa agotofuleʼmo asagauno aiteno hageʼniyana aniʼmo ohaneʼniyaʼmofeʼmo hagegenoʼaeʼmo malage huno ago falu teʼniye.

Himulu 2:1

Ani kavaʼmo huno maiʼniyaʼmofeʼmo aniʼmoʼa mago yaʼmo alinino neʼviya kava huno fiku yanageno lavalelino visigeta agaetetiʼmo afiʼnona gemo ataleta ugunanagi magoʼe huta afita alagepa huta afigetao.