Luki 8:48 - The Keyagana NT and 25 OT books

⁴⁸ aʼmafaʼneʼnimogae, huno, kamogaga aiyo. Nagaefeʼmo kagesamo afika fatago nehana kavakamoʼmo alino kahageno kateʼniyanagi kaipamoʼmo falu huʼninageka afaʼa uvo, huno ha paiʼniye.

Luki 8:48 ပူးပေါင်းရင်းမြစ်များ

2 Kini 5:19

Ilaisaʼmo ha painoʼaeʼmo, Kagaemo kaipamoʼmo falu huʼninageka afaʼa uvo, huno ha paiʼnigeno Nemaniʼmo Ilaisaʼmo ataleno uʼniye.

Hatu maeno apate'niya gemae 4:18

Inagi Moseseʼa ayemoʼamoʼmo Yetalotegamo atagineno uno ha painoʼaeʼmo, kahaoke hovanagi, afaʼa nategeʼna Isipi kotegamo halate uʼna konagaʼnimogimo ago faliʼnisafi afaʼa maiʼnisafigeʼna apakegesuve, huno huʼnigenoʼaeʼmo Yetaloʼa, he, kanalenagi kaipamoʼmo falu huʼninageka afa uvo, huno ha paiʼniye.

Matiyu 12:20

Hopamo aiseʼamo aino lo aeʼniya hopa kayoʼmo alino lo oʼaegaiye. Lamufi vikimoʼmo hokanufaʼageʼmo haneʼnigeno halinamo neʼaiya vikimo alino yu osegaiye. Ani kava osugiyaʼmonanafa aliʼyaʼmo alime alime neʼvisigeno fatago kavaʼaeʼmo ava gemo alino atesigeno visigenoʼaeʼmo aliʼyaʼaletiʼmo neʼyaʼamo alagi afole aigiye. Afole aisigeʼa alu kotega alu kotegamo maiʼnaya vayaʼmogimo agaefeʼmo aliʼa amufa amigae, huno avoʼmo kae maleʼniye.

Matiyu 8:13

yagaino neʼapateya vekaeʼmo, Naha maegaiye, huka kagesamo afika fatago huʼnanaʼmofeʼmo kaha maegauvanagi afaʼa uvo, huno ha paiʼnigeno ani afinaʼmo aliʼyaʼamo neʼaliya vekamo kaitaʼamo hageʼnigeno he tino alagepa huno maiʼniye.

Matiyu 9:2

Mago vayaʼmogimo kanage kanaga osuno yakaikonaʼaleʼmo havaeno neʼmaiya vekamo avaleliʼeʼa Yesu haopaleʼmo ateʼnae. Yesuʼa agaiʼaeʼmo apakesamo afiʼa fatago huʼnaya kavaʼapimo apaketenoʼaeʼmo kanage kanaga osuno neʼmaiya vekaeʼmo ha painoʼaeʼmo, mafaʼneʼnimogae, huno, hosu kavakamo aliʼna ataleʼnovanagi koli osuka kaipamoʼmo falu hino, huno ha paiʼniye.

Matiyu 9:22

Yesuʼa aino afe leno agetenoʼaeʼmo, Aʼmafaʼneʼnimogae, huno, kagesamo afika fatago nehana kavakamoʼmo alino kahageno kateʼniyanagi koli osuka afaʼa maiyo, huno ha nepaigenoʼaeʼmo aiguʼyaʼamo malage huno hageʼniye.

Maki 5:34

Ani gemo ha paiʼnigenoʼaeʼmo, aʼmafaʼneo, huno, kagesamo afika fatago huʼnana kavakamoʼmo alino kahageno kateʼniyanagi uka alagepa huka maigenoʼao kaipamoʼmo falu hino, huno ha paiʼniye.

Luki 17:19

kagesamo afika fatago huʼnana kavakamoʼmo alino kahageno kateʼniyanagi he tika afaʼa uvo, huno ha paiʼniye.

Luki 18:42

Yesuʼa hunoʼaeʼmo, kaulagamo afa ageka ayako. Nagaefeʼmo kagesa afika fatago huʼnana kavakamoʼmo alino ayakeno kateʼniye, huno ha paiʼnigeno

Luki 7:50

Agaemo ani afeʼmo hunoʼaeʼmo, kagesamo afika fatago huʼnana kavakamoʼmo kagufamo alino katino kateʼniyanagi kaipamoʼmo falu huʼninageka afaʼa uvo, huno ha paiʼniye.

Luki 8:47

ani a kanomoʼa ageʼniyana ago nageʼniye, huno agesamo afiteno atete haume haume eno Yesu haopaleʼmo agoʼya faiʼneno muki vayaʼai apaulagaleʼmo hunoʼaeʼmo, alika nahageka natesanafeʼmo ame aliʼnogeno aiguʼyaʼnimo malage huno nahageʼniye, huno ha paiʼnigenoʼaeʼmo,

Apa 14:9

Ani vekamo maiʼnenoʼaeʼmo Poloʼa huʼniya gemo afiʼnigeno Poloʼa agetenoʼaeʼmo, aliʼna he tiʼna atesuvafeʼmo agesamo afino fatago nehiyaʼmofeʼmo afaʼa aliʼna he tiʼna ategauve, huno agesa afiteno aulu haeno agetenoʼaeʼmo

2 Kolitiyani 6:18

Afotapimoʼnamo maisugetapa mafaʼne aʼmafaʼneʼnimo maigae, huno Ala kava neʼmo ayamufaʼage vekamoʼmo ani gemo hu maleʼniye, huno huʼniye.

Himulu 4:2

Gotiʼa alagepa faigoko geʼamo hapa paiʼnigeʼa afiʼnaya kava huno laha paiʼnigeta afiʼnone. Afiʼnayaʼmonanafa apakesamo afiʼa fatago osuʼnayaʼmofeʼmo afiʼnaya gemoʼmo hapa oʼmaeʼniye.

1 Samiyo 1:17

Inagi Ilaiʼmo ha painoʼaeʼmo, Kaipamoʼmo falu huʼninageka uvo. Isaleli vayaʼmogita Gotitimoʼmo ani ge huka afigeʼnana yaʼmo afaʼa kamino, huno ha paiʼnigeno