Luki 8:47 - The Keyagana NT and 25 OT books

⁴⁷ ani a kanomoʼa ageʼniyana ago nageʼniye, huno agesamo afiteno atete haume haume eno Yesu haopaleʼmo agoʼya faiʼneno muki vayaʼai apaulagaleʼmo hunoʼaeʼmo, alika nahageka natesanafeʼmo ame aliʼnogeno aiguʼyaʼnimo malage huno nahageʼniye, huno ha paiʼnigenoʼaeʼmo,

Luki 8:47 ပူးပေါင်းရင်းမြစ်များ

Samu 2:11

Lapakaemo koli nehutapaekeʼmo Ala kava neʼmo aliʼyaʼamo aliyo. Atete nehutapaekeʼmo lapamogaga aiyo.

Samu 38:9

Ala kava nene, huʼna, na agufa naipamo nekalufi huka ago nageʼnanageʼnaeʼmo kagegage nehuʼna yulagefa neʼaugeka afiʼnane.

Samu 66:16

Gotifeʼmo koli nehaya vayanagi eta geʼnimo afiyo. Nagaemo nagupi mafaʼnemo alagepa huno naha maeʼniya kavafeʼmo ava gemo aeʼna hakalo huʼna lapa paiguve.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Hamakaki 3:16

Ani kavafeʼmo ava gemo afiteʼnaeʼmo nagufamoʼmo atete huʼniye. Age aiʼnigeʼnaeʼmo navayamoʼmo atete huʼniye. Naiya nayaʼmo faliteno lokiyaʼnimo ohaneʼnigeno naipamoʼmo atete huʼniye. Ani nofi vayaʼmogi eʼa lagaeʼeʼmo kamemo hisagenoʼaeʼmo lusi hanageke yaʼmo afole aisiya afinaʼmo nahausoli osuʼna afaʼa agava maiguve.

Matiyu 28:8

Inagi kanolulegatiʼmo malage huʼana ataleʼana koli nehuʼanaeʼmo anamogaga aime aime neʼuʼanaeʼmo geʼamo neʼafiya vayaʼaifeʼmo hapa paisaʼafeʼmo nagu nagu huʼana uʼnaʼae.

Maki 5:33

Aulaga halino neʼapakegenoʼaeʼmo ani akanomoʼa agufafilagamo afole aiʼniya kavaʼmo agetenoʼaeʼmo eno aiyafiʼmo agoʼya faiʼneno koli huteno atete hauʼnigenoʼaeʼmo Yesufeʼmo muki kavafeʼmo lama ge huno ava gemo huno ha paiʼniye.

Luki 8:46

Yesuʼa hunoʼaeʼmo, himamuʼnimo ago uʼniyaʼmofeʼmo ageʼnovana mago vekamoʼmo name aliʼniye, huno hapa paiʼnigeno

Luki 8:48

aʼmafaʼneʼnimogae, huno, kamogaga aiyo. Nagaefeʼmo kagesamo afika fatago nehana kavakamoʼmo alino kahageno kateʼniyanagi kaipamoʼmo falu huʼninageka afaʼa uvo, huno ha paiʼniye.

Apa 16:29

Kalavusi vayaʼaiteʼmo yagaino neʼapateya vekamoʼmo hunoʼaeʼmo, kani aeka namiyo, huno huteno alinino nagu nagu huno nopiʼmo uno haino Poloʼe Sailasiʼeʼmo anaiyafiʼmo asagauno aino agoʼya faiteno atete huʼniye.

1 Kolitiyani 2:3

Nagaemo lapakaetegamo uʼnaeʼmo lokiya oʼvaiʼna koli nehuʼnaeʼmo lusi kava huʼna atete huʼna maiʼnove.

2 Kolitiyani 7:15

Taitasiʼa koli hutetapa atete nehutapaeʼmo lapayaʼmo amitetapa geʼamo afiʼnaya kavafeʼmo agesamo afino ho hutenoʼaeʼmo lapakaefeʼmo magoʼe huno hau ayamopafiʼmo hauʼniye.

Filipai 2:12

Gotiʼa agaiʼamo hauʼniyanageno amogaga aisiyafeʼmo lapaipafiʼmo aliʼyaʼmo neʼaliye. Lapakaemo alagepa kavafeʼmo lapaipa kalige huge hisayafeʼmo lapaipafiʼmo himamuʼaletiʼmo aliʼyaʼmo neʼaliyaʼmofeʼmo koli hutetapa atete nehutapaeʼmo aliʼyaʼmo aliyo. Nahauʼniya vayaʼnimogitapae, huʼna, Gotiʼa ani aliʼyaʼmo neʼaliyaʼmofeʼmo lapakufamo alita katita lapatetapa hano hiyo. Nagaemo lapakaeʼeʼmo magokepiʼmo lokaeʼna maiʼnova afinaʼmo lapakaemo akame huʼnaya agufa kavaʼmo hutapa hemenimo lapakaeʼeʼmo oʼmaiʼnovanagi magoʼe hutapa akame hiyo.

Himulu 12:28

Lagaemo yagaiʼnaya kini vayaʼmogi nehaya kavaʼmo lateʼnigeta aliʼnonanageta alagepa huta maige maige huta maigune. Ani kavaʼmoʼa kanage kanage osugiyaʼmonanafa hanege hanege huno haneʼneno haneno hano osuno afaʼa hanegaiye. Ago lamiʼniyaʼmofeʼmo hao ke heteta Goti aiyafiʼmo maiʼneta koli huʼneta mono higetao.

1 Samiyo 16:4

Inagi Samiyoʼmo Ala kava neʼmo geʼamo akame huno he tino Metelehamu taonifiʼmo uʼniye. Agaemo uno avaʼyi huʼnigeʼapaeʼmo vayatama vayaʼmogimo ageteʼa atete huteʼapaeʼmo, kagaeʼe lagaeʼeʼmo magokepi lokaeta alagepa huta maisuna kavatefeʼmo neʼapiye, huʼa ge huʼa afigeʼnae.