Luki 8:41 - The Keyagana NT and 25 OT books

⁴¹ Mago vekamo Yu monoteʼmo yagaiʼniya vekamo agiʼamo Yailasiʼa Yesutegamo eno aiyafiʼmo agoʼya faiʼneno, kahao ke hovanagi aʼmafaʼneʼnimo faligefeʼmo nehigi nagae notega ugetaʼao, huno ha paiʼniye.

Luki 8:41 ပူးပေါင်းရင်းမြစ်များ

Luki 13:14

Ateʼniyaʼmonanafa Yesuʼa Sapati afinaʼmo alino api aino ateʼniya kavafeʼmo monoteʼmo neʼyagaiya vekamoʼmo aipamo leʼnigeno muki vayaʼaifeʼmo hunoʼaeʼmo, sigisiʼa afinaʼmo aliʼyaʼmo alisaya afinaʼmo haneʼniyaʼmofeʼmo alino alagepa huno lapatesiyafeʼmo sapati afinaʼmo oʼmeta alu afinakeʼmo eyo, huno hapa paiʼnigeno

Luki 17:16

Yesu aiyafiʼmo agoʼya faiteno hao ke heʼniye. Ani vekamo Sameliya kotega vekamae.

Luki 5:8

Saimoni Pitaʼa ani kavaʼmo ageteno Yesu aiyafiʼmo agoʼya faiʼnenoʼaeʼmo, Ala kava nene, huno, hosu vekamo maiʼnovanagi nataleka uvo, huno ha paiʼniye.

Luki 8:42

Magokeʼatomo alino ateʼniya aʼmafaʼnemo tuolofuʼa kafugamo maiʼniya aʼmafaʼnemo kaita hauʼnigeno faligefeʼmo huʼniye. Inagi Yesuʼa neʼvigeʼapaeʼmo asole vayaʼmogi maleʼa apalime apalime uʼnae.

Luki 8:49

Ha nepaigenoʼaeʼmo mago yagaino neʼapateya vekamo notegatiʼmo mago vekamo eno avaʼyi hutenoʼaeʼmo, aʼmafaʼnekamo ago faliʼnigi tisa vekamo mago aliʼyaʼmo oʼamiyo, huno ha paiʼnigeno

Yoni 11:21

Mataʼa uno Yesuʼeʼmo fotu huteʼanaeʼmo, Ala kava nene, huno, manileʼmo maiʼnanesinana nasaʼnimoʼmo ofaliʼniyesinaʼmonanafa

Apa 13:15

Mago vayaʼmogimo Goti Mukufatiʼmo Mosese keʼaepa gemo lekana paiteʼa Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya geʼeʼmo lekana paiʼnae. Lekana paiʼa hano huteʼapaeʼmo monoteʼmo neʼyagaiya vayaʼmogimo mago vekamo aliʼa ateʼnageno anakaetegamo enoʼaeʼmo, Konagalane, huno, Mago geletiʼmo alitana he titana latesaʼageta akame hisuna agufa gemo haneʼnisiyaʼmoʼmo laha paiʼao, huno hana paiʼnigeno

Apa 18:17

Galiki nofi vayaʼmogi Sosatenisiʼa Yu vayaʼai monoteʼmo neʼyagaiya vekamo agoti no kipateʼmo atafauʼa amagiʼnayaʼmonanafa Galiyoʼa ani kavafeʼmo agesa oʼafino afaʼa maiʼniye.

Apa 18:8

Ani afinaʼmo Yu vayaʼai monoteʼmo neʼyagaiya vekamo agiʼamo Kilisipasiʼagi afamo anagaʼagi mago Kolitiyani vayanagi huʼa ani gemo afiteʼapaeʼmo apakesamo afiʼa fatago huteʼa aniʼmo faleʼnae.

Apa 9:38

Yopa taonimo Lita taonimo haopaleʼmo haneʼniyaʼmofeʼmo Pitaʼa Lita taonifiʼmo maiʼniye, huʼa huʼnaya gemo Yopa taonifiʼmo mago vayaʼmo geʼamo neʼafiya vayaʼmogi ani gemo afiteʼapaeʼmo lole vekalaʼmo aliʼa anateʼnageʼana uʼana Pitafeʼmo huʼanaeʼmo, Malage huka lagaetegamo eno, huʼana ha paiʼnaʼae.

Leveleseni 5:8

Aliʼnigeʼapaeʼmo loleʼe loleʼe vayaʼe tuveti foʼa vayatama vayaʼmogiʼeʼmo aikeli sipisipimo aiyafiʼmo asagauʼa aiʼnae. Mukiʼamogimo apamete apamete huʼa alopa gitagana yaʼmo alige alopa goli yuvapa alige huteʼa maiʼnae. Ani yuvapafiʼmo atafiʼmo kaeʼnageno alagepa atumo neʼaiya agufa yaʼmo haneʼniya kava huno apaote vayaʼmogimo nunumuʼmo nehaya gemo haneʼniye.