Luki 8:24 - The Keyagana NT and 25 OT books

²⁴ Uʼa aupatiʼmo hau neteʼapaeʼmo, Ala kava nene, Ala kava nene, huʼa, aeta lapanegefeʼmo hune, huʼa ha paiʼnageno aupatiʼmo he tino aniʼmo lusi kava huno aino holakau holakau huʼniya aniʼe yasiʼefeʼmo hunoʼaeʼmo, afaʼa hano hiʼao, huno hana paiʼnigeʼana geʼamo afiteʼana hano huʼnaʼae.

Luki 8:24 ပူးပေါင်းရင်းမြစ်များ

Samu 65:7

Kagaemo solovala aniʼmoʼa alopa gefatiʼmo nehigekaeʼmo vase huka hano huka nehana kava huka vayaʼmogimo kaveta huʼapaeʼmo alopa gemo nehaya geʼapimo alika hano huka neʼatalane.

Aiyeya 50:2

Nagaemo lapakaemo lapa maesuvafeʼmo lapakaetegamo uʼnovana na kava higetapaeʼmo ge afitapa oʼnavaleʼnae. Nagaemo lapakaefeʼmo keya aeʼna ge huʼnovana na kava higetapaeʼmo geʼnileʼmo aetapa atagaina hutapa ge osuʼnae. Lokiyaʼnimo ohaneʼniyaʼmofeʼmo afaʼa miya faiʼna hatu maeʼna olapategaufiye. Hosu yategatiʼmo lapavaleliʼna visuva himamuʼnimo ohaneʼnifiye. Nagaemo ge nehugenoʼaeʼmo solovala aniʼmo alagi nelane. Nagaemo ge nehugenoʼaeʼmo alopa aniʼmoʼa kahaepa koʼmo alino hamaleʼnigeno noyame anagaʼmo faliʼnagenoʼaeʼmo atu neʼaiye.

Neyomi 1:4

Agaemo solovala anifeʼmo ge hauʼnigenoʼaeʼmo inagi solovala aniʼmo nelane. Agaemo alu ani alu aniʼmo uno nelamiya aniʼmo alino laneno neʼatale. Aniʼmo nelanegenoʼaeʼmo alagepa mopamo haneʼniya koʼmo Meyani kotegagi Kamo avemo yahaofilagagi Lemanoni aveʼmo yahaofilagagi huno falu nete. Hoyagi yosagi yosamo ausegi huno muki yaʼamo falu nete.

Matiyu 14:30

lusi kava huno yasimo aliʼnigeno koli huteno anipiʼmo alino lapanegefeʼmo nehunoʼaeʼmo, Ala kava nene, huno, nagufamo alika katika nato, huno alopa gefatiʼmo ge huʼniye.

Matiyu 8:25

Geʼamo neʼafiya vayaʼmogimo uʼa hau neʼa ateteʼapaeʼmo, Ala kava nene, huʼa, hogoʼamo ago aniʼmo nesuna agufa kavaʼmo nehunagi he tika lagufamo alika katika lato, huʼa huʼnagenoʼaeʼmo,

Maki 4:39

He tino yasieʼmo ge hauteno anifeʼmo ha painoʼaeʼmo, hano huvo, huno huʼnigeno yasimo hano huʼnigeno aniʼmo afaʼa haneʼniye.

Luki 4:35

Yesuʼa ge hautenoʼaeʼmo, ge osuʼneka aipafatiʼmo eka emikeno, huno ha paiʼnigeno hosu aune vekamoʼa vayaʼmo maiʼnaya folagapiʼmo alino agoʼya faino ataleteno ago ataleno uʼniye. Agufamo alino hosu huno oʼateʼnigeno afaʼa maiʼniye.

Luki 4:39

Uno agenopalegamo he tino maiʼnenoʼaeʼmo, kahageno, huno ha paiʼnigeno amuko hauʼniya yaʼamo hageʼnigeno malage huno he tino uno neʼyaʼmo yagita huno apateʼniye.

Luki 5:5

Tisao, huno, muki haniʼilagamo umenimo maleʼnonana mago noyamemo oʼaliʼnonaʼmonanafa gekamo afiteʼna umenimo aliʼna anipiʼmo yaga auʼna malegauve, huno ha paiʼnigeʼapaeʼmo

Luki 8:25

Yesuʼa hunoʼaeʼmo, lapakesamo afita fatago huʼnaya kavatapimo haiyaʼaleʼmo haneʼniye, huno ge huno apafi geʼnigeʼapaeʼmo koli huteʼa apakaiʼapimo huʼapaeʼmo, yasimoʼe aniʼmoʼeʼmo geʼamo afiʼnaʼagi mani vekamo na agufa vekamo maiʼnenoʼaeʼmo nehiye, huʼa huteʼa hapau aiʼnae.