Luki 8:2 - The Keyagana NT and 25 OT books

² mago aʼne anagaʼeʼmo lokaeʼa uʼeʼa huʼnae. Yesuʼa hogoteno hosu apaune vayaʼmo ani aʼne anagaʼmogi apaipafatiʼmo alino hapa faino apatalege kaita hapauʼniya aʼne anagaʼmo alino hapageno apatege huʼniya aʼne anagaʼeʼmo lokaeʼa uʼnae. Ani aʼne anagapatiʼmo Maliyaʼa Maganala kotega aʼmo aipafatiʼmo seveniʼa hosu apaune vayaʼmo alino hapa faino apataleʼniya aʼmo maige

Luki 8:2 ပူးပေါင်းရင်းမြစ်များ

Matiyu 4:24

Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Maki 16:1

Sapati afinaʼmo utegeʼapaeʼmo Maliyaʼa Maganala kotega anagi hamoʼamo Maliyaʼmo Yemisi itaʼamoʼagi Salomeʼagi huʼa alagepa atumo neʼaiya uvelimo aliniʼuʼa agufaleʼmo faleʼa atesayafeʼmo miya faiʼnae.

Maki 16:9

Hogote afinaʼmo salefi gotilamiyapiʼmo Yesuʼa hogoteno afaʼa maiʼnenoʼaeʼmo Maliyaʼa Maganala kotega aʼmo aipafatiʼmo seveniʼa hosu apaune vayaʼmo alino hapa faino apataleʼniya aʼmo aulagaleʼmo afole aiʼnigeno ageʼniye.

Luki 23:27

Asole vayaʼmo akame huʼa uʼnageʼapaeʼmo aʼne anagaʼmogimo yulagefa aige aviʼyaʼmo huge huliʼa akame huʼa uʼnae.

Luki 23:49

Yesu ao vayaʼe Galeliya kotegatiʼmo magokepi akame huʼa eʼnaya aʼne anagaʼmogiʼeʼmo afagiʼaleʼmo he tiʼa maiʼneʼa aulu heʼa ageʼnae.

Luki 23:55

Aʼne anagaʼmo Galeliya kotegati Yesuʼeʼmo magokepi lokaeʼa eʼnaya aʼne anagaʼmogi Yosefeʼa akame huʼa uʼa ageʼnayana yafa kaʼmo haneʼnigeno Yesu agufaʼamo kino ateʼnigeʼa ageteʼapaeʼmo

Luki 8:30

Yesuʼa hunoʼaeʼmo, kagikamo ina lagae, huno ge huno afi geʼnigenoʼaeʼmo, Nagiʼnimo Asole vayaʼnae, huno ha paiʼniye. Asole hosu apaune vayaʼmo aipafiʼmo maiʼnayaʼmofeʼmo agiʼamo Asole vayaʼae.

Yoni 19:25

Yesu itaʼamoʼagi itaʼamo aganaʼamoʼagi Maliyaʼa Lopasi anagi Maliyaʼa Maganala kotega anagi huʼa eʼa Yesu malipu yosamo aepaleʼmo he tiʼa maiʼnae.

Apa 1:14

Ani vayanagi mago aʼne anaganagi Yesu itaʼamoʼmo Maliyaʼagi Yesu aganaʼamogimogi huʼa magoke apaipa apakesamo aliteʼa aliʼa anupa huʼa maiʼneʼa nunumuʼmo huge ge huʼa afige huʼa maiʼnae.