Luki 8:13 - The Keyagana NT and 25 OT books

¹³ Mago avina yaʼmo yafa agotofuleʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo apamogaga neʼaiye. Hafuʼyamo mopafi oʼaeʼniya agufa kavaʼmo huʼa yoka apakesamo afiʼa fatago huʼnagenoʼaeʼmo apamalageka nehiya afinaʼmo ataleʼa ago asagauʼa neʼaiye.

Luki 8:13 ပူးပေါင်းရင်းမြစ်များ

Mai'naya kavane 12:12

Hosu vayaʼmogimo apakeʼnayana mago vayaʼmogimo hosu kava huteʼa asole yaʼmo aliʼnageʼa apaketeʼapaeʼmo hapaʼye nehayaʼmonanafa fatago vayaʼmo hapafuʼyamo aiʼnigeʼa asole alagamo neʼae.

Mai'naya kavane 12:3

Mago vekamoʼmo hosu kavaʼaletiʼmo alagepa huno lokiya vaino oʼmaigiyaʼmonanafa yosamo lokiya vaino hanesiyafeʼmo hafuʼyamo neʼaeya kava huʼa fatago vayaʼmogi hapafuʼyamo aeʼnayaʼmofeʼmo lokiya vaiʼa maigae.

Aiyeya 58:2

Lama ge vayaʼmo oʼmaiʼnayaʼmonanafa muki afinaʼae afinaʼaeʼmo kahauya huʼa nagesayafeʼmo nehae. Apakaemo keʼaepa geʼnimo oʼataleʼa fatago kavaʼmo huʼa akame nehaya vayakana huʼa maiʼneʼapaeʼmo nahauʼniya kavaʼmo huʼa afisayafeʼmo apamogaga neʼaiyaʼmonanafa aigofe vayaʼmo maiʼnae. Apakaemo fatago kavafeʼmo ge huʼa nafi nekae. Nahaopaleʼmo eʼa maisayafeʼmo apamogaga neʼaiye.

Maki 6:20

Helotiʼa hunoʼaeʼmo, Yoniʼmo aote vekamo fatago kavaʼage nehiya vekae, huno agesamo afiteno Yonifeʼmo koli huteno yagaino ateʼniyaʼmofeʼmo Helotiyasiʼa afaʼa oʼamagiʼniye. Helotiʼa Yoni geʼamo afiteno asole kavatefeʼmo akame huteno magoʼe huno afisiyafeʼmo hauʼniye.

Luki 8:12

Mago avina yaʼmo kateʼmo asagauno aiʼniya avina yakana huʼa vayaʼmogi Goti geʼamo afitagenoʼaeʼmo Sataniʼmo eno ani gemo apaipafatiʼmo alinino neʼviye. Sataniʼa hunoʼaeʼmo, fiku yanageʼa geʼaeʼmo apakesamo afiʼa fatago hisageno Gotiʼa apakufamo alino katino apategaiye, huno agesamo neʼafiye.

Luki 8:14

Mago avina yaʼmo aufe nofiʼmo haneʼniya mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo atale uʼa ma mopafi kavafeʼmo hapausoli huge monieʼmo apakesa alaʼamo afige ma mopafi kavafeʼmo apamogaga aige huʼa maime maime neʼvagenoʼaeʼmo ani kavaʼmoʼa aeno apati kaeʼnigeno alagaʼamo neʼaeyana afu nole.

Yoni 15:2

Agaemo nagaepatiʼmo aeʼniya nofi akopamoʼmo alagamo noʼaeya nofi akopamo hatagauno alino alagepa nehiye. Ani agufa kavakeʼmo huno alagamo neʼaeya nofi akopafatiʼmo magoʼe huno alagamo aesiyafeʼmo hatagauno alino alagepa nehiye.

Yoni 15:6

Mago vekamoʼa nagaepiʼmo aeno hanino oʼmaiʼnisiyaʼmoʼmo akopamo hatagauno ataleʼnisigeno leno vaitesigeʼa aliʼa anupa huteʼa atafiʼmo aliʼa yaga auʼa kaesageno leno sagaligiye.

Yoni 5:35

Yoniʼa lamugana huno aeno ha leʼniye. Lapakaemo aeno ha leʼniya yategamo etapa maiʼneta agaefeʼmo aise afinaʼmo amuse huʼnae.

1 Kolitiyani 13:2

Gotitegati gemo aliniʼneʼna aeʼna hakalo huge muki fala kiʼniya gemo afige muki gemo alagepa huʼna afige Gotifeʼmo magoʼe huʼna nagesamo afiʼna fatago nehuʼnaeʼmo avemo afaʼa aliʼna yaga auʼna alu yategamo atalege huʼna neʼmaisuvana nahau nayamopafiʼmo oʼnahausiyaʼmoʼmo ina agufa vekamo maiʼnove.

1 Kolitiyani 15:2

Lapa paiʼnova gemo oʼataletapa atafauta alagi hutapa neʼmaisayaʼmoʼmo Gotiʼa Kalaisifeʼmo alagepa faigoko geʼaletiʼmo lapakufamo alino katino lapateʼniye. Ataleʼnisayana fikuʼageʼmo lapakesamo afita fatago huʼnae.

Galesiya 3:1

Galesiya vayaʼmogitapae, huʼna, alagi lusi kava hutapa negi neʼmalae. Ina laʼmo negi nofiʼmo aeno lapamiʼnigetapaeʼmo lama gemo akame nosae. Lagaemo Yesu Kalaisiʼa malipu yosaleʼmo faliʼniya kavafeʼmo ava gemo lapaulagafatiʼmo ageʼnegekana hutapa afisayafeʼmo lapakae folagapiʼmo maiʼneta aeta hakalo huta ago lapa paiʼnone.

Galesiya 3:4

Kanamo aliʼnageno Gotiʼa alagepa huno lapa maeʼniya kavaʼmo afa kavaʼmo haneʼninageno alagamo oʼaeʼnisifiye. Nagesa afuvana alagamo ago aeʼnegaiye.

Kolosi 1:23

He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.

Kolosi 2:7

Maiʼnetapaeʼmo yosamoʼmo hafuʼyamo neʼaeya kava hutapa agaeteʼmo atafauta alagi hutapa maiyo. Yafateʼmo noʼmo faiʼa neʼataya kava hutapa Kalaisiʼmo atafauta alagi huʼnetapaeʼmo alita lapaya maleʼnona geleʼmo lokiya vaitapa maiʼnetapaeʼmo magoʼe magoʼe hutapa lusi kava huta hao ke hetapa maiyo.

1 Tesaloniyani 3:5

Ani kavafeʼmo nahausoli huʼnigeʼnaeʼmo, magoʼe huʼna afaʼa oʼmaiguve, huʼna huteʼna Timotifeʼmo, apakesamo afiʼa fatago nehafigi uka apako, huʼna ha paiʼnove. Sataniʼmo apamalageka huteno aliʼyatimo alino hano huno ataleʼnisifi, huʼna huteʼna lusi kava huʼna koli huteʼna aliʼna ateʼnogeno uʼniye.

1 Timoti 1:19

Kamemo nehukaeʼmo kagesamo afika fatago huteka kagupi mafaʼnemo geʼamo afiyo. Mago vayaʼai apakupi mafaʼnemoʼmo, hosu kavaʼmo nehae, huno nehigeʼapaeʼmo noʼafigenoʼaeʼmo apakesamo afiʼa fatago huʼnaya kavaʼapimo alagi alino atagaeno neʼatale.

Himulu 10:39

Huno hu maleʼniyaʼmonanafa lagaemo ataleʼa aiʼa atagi neʼa uʼa afela heʼnaya nofi vayapatiʼmo oʼmaiʼnonaʼmonanafa lagaemo apakesamo afiʼa fatago huʼnageno apakupi mafaʼnemo alino katino neʼapateya nofi vayapatiʼmo maiʼnone.

Yemisi 2:26

Mago vekamo aipafiʼmo aunemeʼamo ohaneʼnisiyana ago faliʼniye. Ani kavaʼmo huno mago vekamoʼmo agesaʼageʼmo afino fatago huteno alagepa kavaʼmo nosisiyana agesamo afino fatago huʼniya kavaʼamo faligekana huno haneʼniye.

2 Pita 2:20

Apakaemo Ala kava neʼmoʼa apakufamo alino katino neʼapateya vekamo Yesu Kalaisiʼmo ageʼnaya kavatetiʼmo ma mopafi hosu oʼaniʼya kavategatiʼmo faiʼa kasalo paetaleʼa eʼnayanageno halate hosu kavaʼapimoʼmo nofi aegekana huno apatafauno apateʼneno aeno apakasesiyaʼmoʼmo aepa faiʼniya afinaʼmo hosu kava huʼa neʼmaiyaʼmonanafa atupa afinaʼapimo magoʼe huʼa alagi hosu kavaʼmo huʼa maigae.

2 Pita 2:22

Ani agufa vayaʼaifeʼmo alagi lama gemo huʼa aeʼa kalafefa gemo huʼapaeʼmo, kalamogimo mu valiʼa ataleʼa uteʼa halate aiʼa atagineʼa eʼa neʼnae. Ani kava huʼa afumo aniʼmo faleʼa ateʼnaya afumoʼmo halate uno hapafiʼmo kasepu neʼaiye, huʼa huʼnae.

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.

Yuti 1:12

Lapakaemo magoke konagamo maiʼnone, hutetapa magokepi alita anupa huta maiʼnetapaeʼmo neʼyaʼmo neʼnaya afinaʼmo mani vayaʼmogi koli osuʼa lusi neʼyaʼmo neʼneʼapaeʼmo apakaiʼapiekeʼmo apakesamo afiteʼa yagaiʼa neʼapatayaʼmonanafa kukenaleʼmo mago hosu yaʼmoʼa aeno nekamaeya agufa yakana huʼa maiʼnae. Apakaemo hiyapatiʼmo mago ko noʼaiya hiyaʼmo yasimoʼmo alinino neʼviya hiyakana huʼa maiʼnae. Yosa alagamo afu neleya afinaʼmo mago alagamo oʼaeʼniya yosamo hafuʼyaʼaʼeʼmo aino halaka tiʼnigeno alagi falu teʼniya yosagana huʼa maiʼnae. Apakaemo lole afinaʼmo faliʼnaya vayaʼmo maiʼnae.