Luki 7:41 - The Keyagana NT and 25 OT books

⁴¹ Yesuʼa hunoʼaeʼmo, lole vekalaʼmoganimo anonaʼanimo haneʼniyana mago vekamo vani hataleti kina anonaʼamo haneʼnigeno mago vekamo teni kina anonaʼamo haneʼniye.

Luki 7:41 ပူးပေါင်းရင်းမြစ်များ

Aiyeya 50:1

Ala kava neʼmoʼa Isaleli vayaʼaifeʼmo ina gemo huno hapa painoʼaeʼmo, Lapakaemo lapakesamo afitapaeʼmo, Nagaemo vayaʼmogimo aʼapimo alagi hapafaiʼa neʼapatalaya agufa kavaʼmo huʼna itatapimoʼmo alagi ha faiʼna ataleʼnove, hutapa lapakesamo neʼafifiye. Ha faiʼna ataleʼnovesinana ha faiʼna ataleʼnova gemo haneʼniya apepamo haneʼniesine. Lapakaemo lapakesamo afitapaeʼmo, Nagaemo vayaʼmogimo mafaʼneʼapimo anonaʼapilefeʼmo kalavusi aliʼyaʼmo alisayafeʼmo maketi nehaya kavaʼmo huʼna lapakaemo lapataleʼna uʼna maketi nehaya kavaʼmo huʼnove, hutapa lapakesamo neʼafifiye. Haʼao, nagaemo mago vekalegamo anonaʼnimo ohaneʼniye. Lapakaitapimo hosu kavaʼmo huʼnayaʼmofeʼmo kame vayatapimogimo kalavusi huʼa lapateteʼa lapavaleliʼa uʼnae. Lapakaemo hosu kavatapilefeʼmo kalavusi aliʼyaʼmo alisayafeʼmo lapakaitapimo maketi nehaya agufa kavaʼmo huʼnae. Lapakaemo hosu kavaʼmo huʼnayaʼmofeʼmo itatapimoʼmo hafaiʼna ataleʼnove.

Matiyu 18:28

Aliʼyaʼamo neʼaliya vekamo neʼvigenoʼaeʼmo magokepi lokaeʼana aliʼyaʼmo neʼaliʼa vekamo aise moni anonaʼamo haneʼniya vekamo eʼnigeno agetenoʼaeʼmo anu kiliʼneno lugoʼaleʼmo atafauʼnenoʼaeʼmo, anonaʼnilefeʼmo monimo alinikeka namiyo, huno ha paiʼniye.

Matiyu 6:12

Vayaʼai anonaʼapilefeʼmo afaʼa ateyo, huta nehuna ge huka anonatilefeʼmo afaʼa ateyo, huka laha paiyo.

Maki 6:37

Ha paiʼnagenoʼaeʼmo, lapakaemo neʼyaʼmo apamiyo, huno huʼnigeʼapaeʼmo, lagaemo neʼyaʼmo apamisuna yaʼmo ohaneʼniyanageta tu hataleti kinaletiʼmo uta peleti mayamo miya failiteta apamisunafeʼmo kahauʼnifiye, huʼa ge huʼa afi geʼnae.

Luki 11:4

Lagaetegamo hosu kavaʼmo nehaya vayaʼaifeʼmo hutaeʼmo, afaʼa ateyo, huta nehuna agufa gemo huka kagaetegamo hosu kavaʼmo nehisunagekaeʼmo lagaefeʼmo hukaeʼmo, afa ateyo, huka huvo. Lamalageka hisiya kavategamo lavalelikuka olateka hosu vekamo ayapatiʼmo alika hafaleka latalo, hutapa nunumuʼmo hiyo.

Luki 12:48

aliʼyaʼmo neʼaliya vekamoʼmo aliʼyaʼmo afoʼamoʼmo hauʼniya kavaʼmo oʼafiʼneno amagisiya agufa hosu kavaʼmo huno maiʼnisiyaʼmoʼmo aiseʼamo amagigiye. Vayaʼmogimo alopa yaʼmo apamiʼnageʼa aliʼnaya vayaʼaifeʼmo huʼapaeʼmo, alopa yaʼmo namiyo, huʼa hugae. Alopa yaʼmo apamiʼnageʼa aliʼnaya vayaʼmogi anonaʼapimo alopa anonamo magoʼe huno hanegaiye.

Luki 13:4

Silomi kotegamo lusi yatala yafa noʼmo aino halagape vaino asagauno aino eitiniʼa vayaʼmo apamagiʼnigeʼa faliʼnaya vayaʼai hosu kavaʼapimoʼmo muki Yulusalemu taonifiʼmo maiʼnaya vayaʼai hosu kavaʼapimo ago aeno aga seʼniye, huta lapakesamo neʼafifiye.

Luki 7:40

Yesuʼa aipafiʼmo agesamo afiʼniya ageleʼmo aeno atagaina huno ha painoʼaeʼmo, Saimoniyo, huno, mago gemo kaha paigesuve, huno ha paiʼnigeno, Tisao, huno, afaʼa naha paiyo, huno ha paiʼniye.

Luki 7:47

Ani kavaʼmo huʼniyaʼmofeʼmo kaha paiʼnaeʼmo, ani a kanomoʼmo nagaefeʼmo lusi kava huno hau ayamopafiʼmo hauʼniya kavaʼaletiʼmo hunoʼaeʼmo, alopa hosu kavaʼnimo anonaʼnimo ago alino ataleʼniye, huno alino lapave neliye. Aise hosu kavaʼnimo alino ataleʼniye, huno agesamo afiʼnisiya vekamoʼmo aiseʼatoʼamo hau ayamopafiʼmo nehaiye, huno ha paiteno

Lomu 3:23

Na kava huʼnagenoʼaene. Muki vayaʼmogimo hosu kavaʼmo huteʼa Goti ha le konali yaʼamo uʼa haiʼa me taleʼnayaʼmofeʼmo noʼaliye.

Lomu 5:20

Magoʼe gemo haneʼniyana Gotiʼa hosu kavaʼmo magoʼe huno afole aisiyafeʼmo keʼaepa geʼamoʼa hosu kavaʼmo haopaleʼmo alino afole aino ateʼniye. Hosu kavaʼmo magoʼe huno afole aiʼniyaʼmonanafa Gotiʼa hosu kavaʼmo ago afole aitegenoʼaeʼmo fikumo hapa maeno apamiʼniya kavaʼamoʼmo magoʼe huno aeno agaseno havai teteno aino vali lamino asagauno aiʼniye.