Luki 7:38 - The Keyagana NT and 25 OT books

³⁸ Yesu akamelegamo he tino maiʼneno aiyaleʼmo aviʼyaʼmo huʼniye. Aviʼyaʼmo nehigenoʼaeʼmo aunumoʼmo kalo kalo huno aiya agotofuleʼmo asagauno aiʼnigeno ayokatetiʼmo alino kalopaeno ateteno aiyaleʼmo haeno neteno uvelimo faleno ateʼniye.

Luki 7:38 ပူးပေါင်းရင်းမြစ်များ

Aepa Gemae 18:4

Kahaoke hove. Nagaemo aniʼmo hefiliʼneʼna lapaiyamo sese huʼna lapatetenagetapa yosa aepafiʼmo maitapa haga legae.

Esala 10:1

Esalaʼmo Goti mono noʼamo kipaʼmo haopaleʼmo maiʼneno hosu kavaʼapimo aeno hakalo huno nunumuʼmo huge aviʼyaʼmo huge ape hute hute huge huno maiʼnigeʼapaeʼmo muki asole Isaleli vayaʼmo ve anaganagi aʼne anaganagi mafaʼne anaganagi huʼa eʼa haopaleʼmo aliʼa anupa huʼa maiʼneʼa apakaeʼeʼmo lusi kava huʼa aviʼyaʼmo huʼnae.

Samu 38:18

Hosu kavaʼnieʼmo nahau huteʼnaeʼmo aeʼna hakalo nehuve.

Samu 51:17

Afu ofalinimo kamisuvafeʼmo okahauʼnifa hosu kavaʼnieʼmo naipamo kana hisiyafeʼmo kahauʼniye. O Gotiyo, huʼna, hosu kavaʼnieʼmo naipamo kana huge yulagefa aige hisuva kavafeʼmo kahauʼniye.

Salomoni Yokemae 1:3

Asole alagepa atumo neʼaiya uveliletiʼmo kagufaleʼmo fale maleʼnanageno kagufalegatiʼmo alagepa atumo neʼaiye. Kagikamoʼmo alagepa atuʼmo neʼaiya aniʼmo aino lakiʼniya anikana huno haneʼneno alagepa atumo neʼaiyaʼmofeʼmo veʼeʼmo magokepi lokaeʼa ohavaeʼnaya aʼmafaʼne anagaʼmogimo kagaefeʼmo hapau apayamopafiʼmo nehapaiye.

Aiyeya 57:9

Lapakaemo alagepa atumo neʼaiya uvelimo alita lapakufaleʼmo faletetapa uta aigofe gotiʼmo Molekitefeʼmo mono nehae. Lapakaemo aigofe mono kavaʼmo hisayafeʼmo apa vayatapimo afagi kotegamo alita apateʼnageʼa uʼnae. Ani kavatefeʼmo lapakaemo ago faliʼnaya vayaʼmo uʼa lamiʼnaya kotegaʼeʼmo uta lamisayafeʼmo lapakufamo alita afepiʼmo ateʼnae.

Aiyeya 61:3

Saiyoni taonifiʼmo maiʼnaya vayaʼmogi yulagefa neʼaiya vayaʼmo apaipamo aliʼna falu huʼna apatege apakenopafatiʼmo laʼnefamo aliʼna ataleteʼna kanale konalimo aliʼna apatege aviʼyaʼmo nehaya kavaʼapimo aliʼna ataleteʼna apamogaga aisaya uvelimo apakufaleʼmo faleʼna apatege apaipamo kana huʼniya kavaʼapimo aliʼna ataleteʼna yokemo hisayafeʼmo aliʼna lokiya vaiʼna apatege hisuvafeʼmo alino nateʼnigeʼna eʼnove. Vayaʼmogimo ani vayaʼaifeʼmo huʼapaeʼmo, Apakaemo fatago kavatefeʼmo alagepa alagamo neʼaeya yosagana huʼa maiʼnae. Ala kava neʼmoʼa fai maleʼniye, huʼa huteʼa agiʼaleʼmo aliʼa asaga huʼa ategae.

Matiyu 5:4

Gotiʼa yulagefa neʼaiya vayaʼai apaipamo alino falu huno apategaiyaʼmofeʼmo Goti aulena vayaʼamo maiʼnae.

Luki 22:62

malaga uno lamino aipafatiʼmo atu haegekana huʼnigeno aviʼyaʼmo huʼniye.

Luki 6:21

Hemenimo lapaka netesiya vayaʼmogitapamo henagaʼamo lusi kava hutapa neʼyaʼmo neta lapamu hugayaʼmofeʼmo Goti aulena vayaʼamo maiʼnae. Hemenimo aviʼyaʼmo nehaya vayaʼmogitapamo henagaʼamo kigi hugayaʼmofeʼmo Goti aulena vayaʼamo maiʼnae.

Luki 7:37

Ani taonifiʼmo maiʼniya hosu a kanomoʼmo afiʼniyana Yesuʼmo eno haino Falasi vekamo nopiʼmo hiʼyalamuteʼmo maiʼniye, huʼa huʼnaya gemo afitenoʼaeʼmo yafa kepi uvelimo alagepa atumo neʼaiya uvelimo alinineno

Luki 7:39

Yesufeʼmo hunoʼaeʼmo, eno, huno ge huʼniya Falasi vekamoʼmo agetenoʼaeʼmo, ani vekamo Gotitegati gemo alinineno aeno hakalo huno hapa nepaiya vekamo maiʼniyesinana haiya agufa a kanomoʼmo eno name neʼalifi huno ageteno hosu kavaʼmo nehiya a kanomo maiʼniye, huno ageʼniyesine, huno aipafiʼmo agesamo afiʼniye.

Yoni 11:2

Ani Maliyaʼa hogoteno alagepa atumo neʼaiya uvelimo Ala kava neʼmo aiyaleʼmo lakino faleno ateteno ayokatetiʼmo alino hau huno ateʼniye. Asaʼamoʼmo Layosiʼmo kaita hauʼniye.

Yemisi 4:9

Lapaipamoʼmo lusi kava huno kana huʼninagetapa yulagefa aitapa aviʼyaʼmo hiyo. Kigi nehaya kavatapimo ataleta yulagefa aiyo. Lapamogaga neʼaiya kavatapimo ataleta lapaipamoʼmo kana hino.