Luki 7:30 - The Keyagana NT and 25 OT books

³⁰ Falasi vayaʼe keʼaepa gemo aliʼa apaya neʼmalaya vayaʼmogiʼeʼmo Yoniʼa aniʼmo faleno apatesiyafeʼmo ohapauʼnigeʼapaeʼmo, haʼao, huʼa huʼnayaʼmofeʼmo Gotiʼa hapa maesiya gemo hapa paiyo, huno hapa paiʼniya gemo ago amagiʼa ataleʼnae.

Luki 7:30 ပူးပေါင်းရင်းမြစ်များ

Mai'naya kavane 1:25

Aliʼna api aiʼna lapateʼnovana olapauʼnigetapa lapavenatuʼna hetapa atalegekana hutapa ataletetapa geʼnimo oʼafiʼnae. Hosu kavaʼmo nehae, huʼna lapa paiʼnogetapaeʼmo lapakameʼyamo namiʼnae.

Matiyu 22:35

Maiʼneʼapaeʼmo apakaepatiʼmo mago vekamoʼmo keʼaepa gemo alagepa huno afiʼneno alino apaya neʼmaleya vekamoʼmo amalageka huno ge huno afi gesiyafeʼmo hunoʼaeʼmo,

Luki 13:34

Yulusalemuvo, Yulusalemuvo, huʼna, monoteʼmo yagaiʼnaya vayaʼmogitapamo lapakaemo Gotitegati gemo alini eʼa aeʼa hakalo huʼa hapa nepaiya vayaʼmo apamagige alino apateʼnigeʼa lapakaetegamo uʼnaya vayaʼmo yafa kayotetiʼmo kamitimo apamagige huta neʼmaiya vayane. Kokolemogimo apanaʼaumo aliʼa hapakufiʼmo neʼapataya kava huʼna muki afinaʼmo mafaʼnetapimo nagaetega apavaleliʼna esuvafeʼmo nahauʼniyaʼmonanafa lapakaemo olapauʼniye.

Luki 20:6

Vayaʼmogi lekana paiʼa ateʼnae, huta hisunana muki vayaʼmogimo yafa kayotetiʼmo lamagigae. Yoniʼmo Gotitegati gemo alinineno aeno hakalo huno hapa nepaiya vekae, huʼa apakesamo neʼafiyaʼmofeʼmae, huʼa huteʼa

Luki 7:31

Ala kava neʼmoʼa hunoʼaeʼmo, hemeni afinaʼmo maiʼnaya vayaʼmogi na agufa vayakana huʼa maiʼnafi huʼna lapa paiguve.

Lomu 10:21

Huʼniyaʼmonanafa Gotiʼa Isaleli vayaʼaifeʼmo hunoʼaeʼmo, Nagae gemo oʼafiʼa himuʼnamu kavaʼmo nehaya vayaʼaiteʼmo yatala afinaʼmo he tiʼna maiʼneʼnaeʼmo eyo, huʼna huteʼna nahakumo aliʼna ataleʼna maiʼnove, huno hapa paiʼniye.

2 Kolitiyani 6:1

Lagaemo Gotiʼeʼmo magokepi lokaeta aliʼyaʼamo neʼaluna vayaʼmogitamo hutaeʼmo, Gotiʼa fikumo hapa maeno neʼapamiya kavaʼamo fikumo oʼalitapa agetapa alagepa huʼnetapageʼmo aliyo, huta ge huta nelapatone.

Galesiya 2:21

Gotiʼa keʼaepa geʼamo akame nehaya kavatetiʼmo, naulagaleʼmo fatago vayaʼmo maiʼnae, huno hapa nepaiyesinana Kalaisiʼa afaʼa fikumo faliʼniyesine. Gotiʼa fikumo naha maeno namiʼniya yafeʼmo, afaʼa ina agufa yane, huteʼna nakameʼyamo oʼamiʼnove.

Efasasi 1:11

Mafaʼneʼapimogimo muki afoʼapimogi yaʼmo neʼaliya kava huta Gotiʼa muki maleʼniya yaʼamo alisunafeʼmo agaemo muki kavaʼmo hisiyafeʼmo hauʼnigeno agaiʼamo ani kavaʼmo huguve, huno huʼniya geʼaleʼmo akame huno nehiya Gotiʼa hunoʼaeʼmo mafaʼneʼnimo maigae, huno hu maleʼniye.