Luki 7:29 - The Keyagana NT and 25 OT books

²⁹ Muki afa vayaʼmogiʼe takesi moni neʼaliya vayaʼmogiʼeʼmo Yoniʼa huʼniya gemo afiteʼapaeʼmo, Gotiʼa alagepa vekamo fatago vekae, huʼa huʼnageno Yoniʼa aniʼmo faleno apateʼniyaʼmonanafa

Luki 7:29 ပူးပေါင်းရင်းမြစ်များ

Samu 51:4

Kagae kaulagaleʼmo hosu kavakeʼmo huʼna maiʼnove. Nagaemo hosu kavaʼmo huʼnovaʼmofeʼmo kagaemo fatago kavaʼmo huka agotimo huka nateʼnane. Kagaemo nagaefeʼmo fatago gemo hukaeʼmo, hosu kavaʼmo huʼnane, huka huʼnane.

Matiyu 5:46

Apakaemo lapakaefeʼmo hapau apayamopafiʼmo nehapausiya vayaʼaifekeʼmo lapau lapayamopafiʼmo nelapausiyana na agufa miyatapimo aligae. Takesi moni neʼaliya vayaʼmogimo ani agufa kavaʼmo nehae.

Luki 20:6

Vayaʼmogi lekana paiʼa ateʼnae, huta hisunana muki vayaʼmogimo yafa kayotetiʼmo lamagigae. Yoniʼmo Gotitegati gemo alinineno aeno hakalo huno hapa nepaiya vekae, huʼa apakesamo neʼafiyaʼmofeʼmae, huʼa huteʼa

Luki 3:12

Takesi monimo neʼaliya vayaʼmo aniʼmo faleno apatesiyafeʼmo eʼapaeʼmo, Tisao, huʼa, lagaemo haiya agufa kavaʼmo hisune, huʼa ge huʼa afi geʼnagenoʼaeʼmo,

Luki 7:28

Lapa nepauve, huno, Yoniʼa muki ma mopafi maiʼnaya vayaʼmo ago aeno apaka seʼniyaʼmonanafa Gotiʼa yagaino neʼapateya kegiʼyafiʼmo maiʼniya vekamo henaga vekamoʼmo Yoniʼmo ago aeno aga seʼniye.

Luki 7:35

Lapakaemo ani gemo nehayaʼmonanafa Goti vayaʼamogi afiteʼa ageʼnaya vayaʼmogi Gotiʼa afiteno ageʼniya kavafeʼmo huʼapaeʼmo, Goti kavaʼamo alagepa fatago kavaʼmo haneʼniye, huʼa nehae, huno hapa paiʼniye.

Apa 18:25

Ala kava neʼmo kafeʼmo ava gemo aliʼa aya maleʼnaya vekamo maiʼneno ayamukiki huno alagepa huno Efasasi vayaʼmo alino apaya maleʼniye. Agaemo Yoniʼa aniʼmo faleno neʼapateya vekamo ava geʼageʼmo afiʼniye.

Apa 19:3

Ha paiʼnagenoʼaeʼmo, Na agufa gelefeʼmo aniʼmo faleʼnae, huno ge huno apafi geʼnigeʼapaeʼmo, Yoniʼa alino apaya maleʼniya geʼageʼmo afiteta ani gelefekeʼmo aniʼmo faleʼnone, huʼa ha paiʼnae.

Lomu 10:3

Apakaemo huʼapaeʼmo, Gotiʼa fatago kavaʼamo fikumo neʼapamiye, huʼa afiʼa ha oleʼneʼa apakaiʼapi fatago kavaʼapigeʼmo aliʼa afole aiʼa atesayafekeʼmo aliʼyaʼmo neʼaliye. Gotiʼa agaiʼa fatago kavaʼamo alisayafeʼmo mago kaʼmo ago valino apateʼniyaʼmonanafa ohapauʼnigeʼa Goti aiyafiʼmo oʼmaiʼnae.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.

Leveleseni 16:5

Aniteʼmo neʼyagaiya enisole vekamoʼmo hunoʼaeʼmo, O Ala kava nene, huno, Kagaemo fatago vekamo maiʼnane. Hogoteka maiʼneka hemeniʼeʼmo neʼmainanageka henagaʼaʼeʼmo alagi maisana vekamo maiʼnane. Kagaemo kavaʼapimo alika fako huka apatetekaeʼmo fatago kavaʼmo nehane.